ثقافة الضرب ترسم ملامحها الدموية على يد يوسف

[بو مريم]

حشى ما تسواله الدراسه إلى ياى يتعلمها

مسكين و الله

[دهن عود]

دهن عود ... والله نحن وياك الضرب ماله مبرر.. ونت مالك حق اتقول وتوصف المعلمة اونه انا يوم اشوفها اخاف منها هذا مب اسلوب

اشياء وايد انقالت على هاذي السالفة بعد مالك حق تسرد على كيفك القصة قالت وضربت وسوت
والمديرة نفس الشي انت اشدراك انها من اخس المديرات او محد مدحها

استوا الشي خلاص المعلمة بتتحاسب وبرد وبكرر لا اتحطون على المعلم لان اخوي في مدرسة ويخبرني عن سوالف الاولاد عبالكم الجيل اليديد هين...بنشوف اذا استويتو انتو مدرسين لان التدريس هالزمن حتى احسن واحد ما بيقدرله وايد يباله صبر ... فلازم نعذر الاخرين مهما كانت الظرروف ويكون راينا باسلوب زين

المهم انا لا ادافع عن حد .. بنتريا الصحافة ... يوم محد دافع عن عيالهم قالو المعلم والمدرسة واذا سو شي زين قالو المعلم والمدرسة ورب العالمين بيحاسب على كل شي..

[align=center]

هلا والله


اذا حبيتي احط الروابط في المنتدى هذا او باقي المنتديات عن الشكاوى على هذي المدرسه

مستعده


واذا تبين تقرير مفصل عن اساليب الترهيب في المدرسه مستعده بعد

لا دافعون عن الغلط


لانكم بهذي الطريقه تعطونهم القوه عشان يكملون على نفس الاسلوب


لازم يكون في رد قوي

الشكاوى مستمره بس مافي حل رادع

هذي المره كانت سليمه وبسيطه

بس الله اعلم شو صير بعدين مش شرط منها بس من اي حد ثاني

لانهم عارفين محد بيردعهم
[/align]

[حره هذا رائي]

[align=center]
حسبنا الله ونعم الوكيل فيهم

تعبنا وحف لسانا من الكلام عن الضرب في المدارس

انا سمعت القصه من ولدي قبل ما اقراها في المنتدى

صح كلام ( دهن عود )

المدرسه محتاجه رد قوي

مديرة المدرسه دايما ماسكه عصى

وفكرها يؤيد الضرب

وما تقبل النقد

احنا نطالب بانذار لادارة المدرسه
[/align]

اغلب مدرسات المدرسه ينتهجون نفس الاسلوب

و حتى الاخصائية في اجتماع مجلس الامهات الاسبوع الماضي

بدت كلامها باسلوب غريب .. تكلمت في البدايه عن سوء اخلاق الاولاد ّّ!!!!

وبعدها عن اسلوب العقاب المتبع في المدرسه على اساس انه انذارات كتابيه


وكملت بعدها وحده من المعلمات بستهزاء انها تضرب والي بيشتكي يشتكي عند الوزير مباشره !!!


انا نفسي طلعت من الاجتماع لما شفت هذا اسلوب المعلمات ...

سؤالي :

ماهي اساليب التربيه الحديثة المتبعه في المدرسه ؟

ماهي اساليب المكافئات و اساليب التشجيع المتبعه في المدرسه ؟؟

لا اتكلم عن تشجيع المتفوقين ( يتم كتابة اسماء المتفوقين خلف الشهادات ) بل عن تكريم الاخلاقيات ؟؟

نتكلم عن قيم .. وهناك 20 درجه من درجات الطالب على القيم

هل هناك درجات تقيم للمعلمات على قيمهم ؟؟

[جنة غلا]

ممكن اللي يعرفون اسم المدرسة ، يخبرونا ؟؟؟

[بنوتة الأمارات]

حسبي الله ونعم الوكيل مب حرام عليهم مثل ماهم مايرضوووون بالغلط على عيالهم ويرضوون على عيال غيرهم يعلايدهم الكسر وان شاء الله يارب ياخذووون حقهم والقانووون وياهم ان شاء الله والله عيني تدمع من مصايب الدنيا وبلاويها ومن ضياع ضمير الأنسان لاحول ولاقوة الا بالله يمهل ولا يهمل

[Versace_GiRL]

لا تعليق.... الي استوا استوا.... والتدريس الحين صعب... من ناحية تربية الجيل اليديد ومن ناحية تدريسه فالمعلم االله يعينه... ودهن عود مابغي لا ادلة ولا شي ... انا امي مديرة ومخبرتني وعارفة كل شي ...

بس الي بيفهم بيفهم والي ما يبغي.. كيفه عاد ...اذا الناس ما تقدر اتادب عيالها في البيت... يعني المعلمين بيقدرون اذا ولي الامر ما يتعاون مع المعلم كيف بيقدر...

سيرو وردو رد قوي .. على قولتكم حق شي ثاني ما رمستو .. رمستو على هذا.. وكل واحد يدعي على راحته... بنشوف الجيل اليديد كيف بيطلع بعدين الله يرحم زمان اول ...

[باربي الإمارات]

استغفروا ربكم !!

والله ظلمتوا المعلمة,,,

يا حب أهل راس الخيمة للكلام والتلفيق..

أبويه المعلمة .,. ربي نصرها من فوق سبع سماوات..

(( أبا واحد يقول لي))

إذا واحد فيكم يرضى أن ولده في الصف الأول .. وولد في الصف الخامس يضربه ضرب

ويرفسه بالجوتي في أماكن حساسة..

ولا يضرب ولد لين ما ينزل الدم من خشمة

ولا يطرون حلجة..

حسبي الله ونعم الوكيل..

بس العتب على الصحفية ,, الي كتبت ,, والي عرفت الحقيقة

بس الحمدالله ..المعلمة ربي وياها.. والكل في المنطقة يعرفها..

لا نحن يهود ولا غيرة..

520 طالب في المدرسة .. نحن مسؤولين عنهم

اربي وانعلم.. وآخر شي .. يدعون علينا..

تعالوا شو المعلمة كيف تتعب واتعاني .. واترد بيتها بعد واتعلم عيالها عقب ما صار كل جهدها في المدرسة

يوسف يوم نزل مستواه من 100 لين ال60 محد سأل عنه.. وين الحرص

الولد يتأخرون عليه لين الساعة 2 ومحد يسأل عنه هذا الحرص..

ولا قالوا في القلب .. وما يمارس أي جهد عضلي..
شو هذا الكذب..
(( كان مشارك )) في الكرة واليوله والأوبريت ..أذا الأم حريصة ما بتخلي ولدها..

شو هذا ..والي دعت في هذا الموضوع على صديقتي ..

أقول لها (( ولكي مثلها)) وربيعتي ربي وياها ..