إزالة بعض العزب والمباني وملعبا رياضياً بالرمس، وسط تساؤلات شبابية عن البدائل المناسبة!! (صور حصرية)

[الشاعر..]

عاد بنشوف بعد هاليوله كلها شوبسون فهالاماكن

[RAK-boy]

والله حرام خربو الملعب

[سفير جلفار]

الله يعينكم

شكلهم يبون يبنون ابراج بمكان الملعب والعزب

[بنت مكان]

لا حوله ولا قوه لا بالله

خخخخخخخخخخخخ
توني اعرف بس صدق كيق يشلونه شباب يتجمعون هناك صدق انهم يسون لنا زحمه هناك وكله سياير بس بعد

ليش صار لى فتره طويله ما مريرت هذاك الصوب

لا حول ولا قوه لا بالله

بس اتمنى انه يعوضوهم كل خساير

الله مستعان

[ملك بدون مملكه]

مواضيع بالمنتدى وردود وكلام وصور وجرايد وشكاوي ___ كل هذا ماراح يغير شء وبيتم الحال مثل ماهو ولا حد بيسوي لنا شء

[السنافي]

حكم القوي على الضعيف

[الاسطووره]

والله حرام شوجيه سوو في الملعب يعني الشباب يعدلونه نهار وليل واخرشي كسروه عنهم لا وبعد بلغلط
ومنغير دافعينله مو بعوضهم الحين عيل وين يبونهم يروحون يلعبون حرام والله حرام 25 الف مب اشويه
ولي يقولون خلي يكسرون الصنادق مال بحر جيه اصحاب الصنادق وين يحطون الاغراض او يفرونها بشارع ولايحرقونها
لو بعوضونهم خلي يكسروها مب مشكله اترافي الياخ بصنادق مكاين مل الطراريد وبعد فيه اغراض وايد

[ام ميره]

اصلا البلديه ما عندها شغله لازم اتخرب كل شي حسبي الله ونعم الوكيل والله حرااام الحين وين بيلعبون كره مساكين والله الله يسامحهم لو سوينا ملعب صوب البلديه شو بيسووووووووووووون؟؟؟؟؟؟؟؟؟؟؟؟؟؟؟! الصراااحه قهر

[الغـــلا]

حرام والله

المفروض ان تكون في رسالة اخطار ان في مهله مب بالرش مثل تفضل اخوي قايد الغزلان نحن في 2010 والله نحن في بلدية دبي عدنا كل شي مرتب مايكون في اي ازاله إلا باخطار الشخص اول شي وعقب اذا شافوا ان ماستجاب يعطونه انذار أول وعقب الانذار اذا تم على نفس الشي تتم الإزاله

الصراحه الله يعين هالشباب ونصيحه منى له كأخت روحوا البلدية وراكضوا ولاتسكتون عن حقكم المبلغ الي اندفع في تعديل الملعب مب شوي.

والله المستعان

[بو مريم]

حسبي الله ونعم الوكيل


مساكين و الله


يا أخي وفر البديل بعدين أهدم