روضة الرحمه تطلب 300 درهم من كل طفل روضه

[الساهـــــر]

[align=center]
السلام عليكم ورحمة الله وبركاته

أخواني انا ابني في هذي الروضة والي اعتبرها ممتازة بس يوم يتني الرسالة مع الولد تضايقت وايد

وكان برسالتهم بأنه بناءا على رغب اولياء الامور!!!! انا واحد من اولياء الامور الي محد شاورهم بهذا الموضوع!!! صحيح انه الكلام بقمة الادب ولكن فيها الكثير من المعاني الي ما اريد اذكرها
ثانيا : انا اعتقد مرحلة الروضة هي مرحلة تعلم الطفل بأنه يلتزم بالدوام الدراسي وطرق التأقلم في الصف والاختلاط بالاطفال والمعلمين عشان تأهله للمرحلة الجايه ( الابتدائية يعني) يعني مب فيلسوف انجليزي !!! .
ثالثا : أخواني لو كانت الرسالة الي طرشوها فيها بدل الانجليزي (عربي لانه هو الاساس ، القرآن ، الحديث ) كان الواحد بيدفع بدال 300 ..........الاف!
رابعا : للاخوات الي قاعدين يدافعون عن المدرسه المسالة مب مسالة فلوس الحمد الله أغلب المواطنين مكتفين و لله الحمد يعني ما بتكسر ظهرهم ... انا كنت معارض ادفع لاني مب مقتنع من كلامهم بس دفعت لانه وصلني بأنه الطفل الي ما يدفع راح ما يهتمون فيه نفس الي دفع ....!!! فقلت ادفع ولا أخليهم يعاملون ولدي بهذه الطريقة.

خامسا : وهل مدرسات اللغة الانجليزية الي بيوفرونهم مواطنات؟؟؟؟؟؟؟؟؟؟؟؟؟؟؟ بندفع دبل بس عشان ندعم بنات بلادنا لانه ما اعتقد الـــ abcd محتاجه خبرة أوخبير عشان يعلمها لعيالنا

أخواني أعتقد الموضوع أكثر من مجرد دفع فلوس
فياريت نحصل رد على الاقل من معلمات الروضة أو حتى من الادارة
[/align]

[بنــ البحر ــت]

انا مع الأخ الساهر فعلا كلامك فيه منطق وياليت حد من ادارة الروضه يردون على الموضوع بنوع من الايجابيه والاقناع...

[وحش الرحبة]

وانا بعد اعرف ان كان من اعام 100

[وحش الرحبة]

حتى بالدراسة صار غلا

[بنت لبلاد]

دفعنا 100 ولا 300 ولا 1000 يطلعون من الروضه وهم ماعرفين يكتبون لا حروووف ولا ارقااااام


اي انجليزي ها !!!!!!!!!!!!!!!!!!!!!!!

[دمعي غالي]

دفعنا 100 ولا 300 ولا 1000 يطلعون من الروضه وهم ماعرفين يكتبون لا حروووف ولا ارقااااام


اي انجليزي ها !!!!!!!!!!!!!!!!!!!!!!!

,والله صح كلامك اختي !!!!!!!!!

[دمعي غالي]

كل هاي الحوار على 300 درهم
الله يكون في عونا من المدارس الخاصة واسعارها وطلباتها هي و المدارس الحكومية !!!!!!!!!

[المستشار القانوني]

أنا أب و عندي عيال وما شالله عيالي يقرون و يكتبون و يتهجون الكلمات و المعلمات ما قصروا ويا عيالنا من دون تخصيص و نتوا لو فرشولكم الأرض ذهب و طلعوا عيالكم دكاترة و مهندسين بعد ما بتشكرون هذا رايي فيكم و السموحة ....
و أتمنى من الناس ما تقيس على عيالها سيري و اطلبي من المعلمة تحضرين حصة عندها و شوفي عيال غيرج بس قولي ما شالله يعني العلة مو في المعلمة ........................

[ام الولد]

أنا أب و عندي عيال وما شالله عيالي يقرون و يكتبون و يتهجون الكلمات و المعلمات ما قصروا ويا عيالنا من دون تخصيص و نتوا لو فرشولكم الأرض ذهب و طلعوا عيالكم دكاترة و مهندسين بعد ما بتشكرون هذا رايي فيكم و السموحة ....
و أتمنى من الناس ما تقيس على عيالها سيري و اطلبي من المعلمة تحضرين حصة عندها و شوفي عيال غيرج بس قولي ما شالله يعني العلة مو في المعلمة ........................

عفوا بغيت أوضح للأخ يالي يقول مابنشكر وهذا رايه فينا! ليش أنت على أي أساس تحكم ع الكلّ !
واتشوف أسلوبك راقي في الرد بهاي الطريقه وانا وحده محتجه ..مع أنه عيالي مايدرسون عندكم ووالله العظيم ماشاالله عليهم من الأوائل ومعظم عيال هاالوقت شطار .. مايلفظ من قول الا لديه رقيب عتيد...

[المستشار القانوني]

عفوا بغيت أوضح للأخ يالي يقول مابنشكر وهذا رايه فينا! ليش أنت على أي أساس تحكم ع الكلّ !
واتشوف أسلوبك راقي في الرد بهاي الطريقه وانا وحده محتجه ..مع أنه عيالي مايدرسون عندكم ووالله العظيم ماشاالله عليهم من الأوائل ومعظم عيال هاالوقت شطار .. مايلفظ من قول الا لديه رقيب عتيد...

أختي أن لما اتكلمت هذا الكلام بناء على ما نسمعه من مجتمعنا من الأصدقاء و الجيران و ميالس الرياييل كلهم يقولون الروضة شو الروضة ما يتعلمون شي فيها و المعلمات ياخذون معاش بالفاضي هذا راي عدد كبير من الناس ليش ننكر هذا الشي الكلام نسمعه و لو كان بشكل غير يومي بس نسمعه واييييد و لا شو رايج يا أم الولد ، وحده من أهلي ادرس في الروضة و حياتها في البيت يا اتقصص و يا تلون و لا اتحضر ، أختي اتخبرني أن معلمة الروضة اتحضر سبع خبرات و كل خبرة غير عن الثانية مو مثل معلمات الفصل مثلا فهي تعطي الحرف و العدد و غيره و أنا ما رديت هذا الرد إلا لأن الناس زودوها بزيادة سواء في المنتدى أو بغيره و الأم في الأخير ما درسوا عيالنا مو حرام المعلمة تتعب و تجتهد واتحاول اتييب كل شي يديد وآخر شي يتكلمون عن المعلمات بهذي الصورة .