بو فيــــــــــــــصل
مـــرحبــا بــك مفســر الأحـــــلام في صفحتـــي ..
منــور أخويـــــــــه ,^^, ..
الصراحه أنــا اللي مـب عارفـــــه كيـــف أرد عليـــــــــــك ..
تسلــــــــــم و الله ع الكلام الطيــــــب ..
شهادتكم فينــــــــي .. أعتبرهـــــا وســـــام ع صــــــــــــدري ..
من طيــــــــــــب أصلـــــك أخويـــــه ..
بســـــــــــــــم اللـــــــــه ..
1- ما الذي يجعلك :
- متوترة : أيام الإمتحـــــــــــــانات .. سواء كانت فالمدرســه و لا الجامعـــه .. كنت وايـــــــد أرتبك و أتـوتر قبل لا يبدأ الإمتحــــــــــــان و ها الشي وايــد يأثــر فيـــني و أخبص بالإمتحـــانــات و بعديــن ينعكس بشكــل سلبي على درجاتـــــــــي
- خائفة : أهم شي .. التفكيــر بالحســـاب و في أول منزله من منازل الآخــره : القـــبــر .. و ما يتبعــه من أمور الآخــــــره .. شي ثانـــي : أخـــاف من الينانــوه >> منوا ما يخاف منهم.. بس لإن عندي تجربه يوم صغيـره وتعقــدت من وراهــا ..
- يغضبك : خيانــــــة الصديقـه لصديقتهــا .. ها الشي وايــد ينرفزنــــــــــي ..
- تفقدين التحكم في أعصابك : للأسف أكره ها الصفه فينــي .. إني سريعـة الغضــب .. مجرد كلمه تنقال عادي أعصـــب و أفـــر رمســه و عقــب ما أهــدأ .. أنـــــــدم .. >> وايد تستوي ها الحركه ويايــه .. الله يبعدها عني ان شاء الله
- متى تبكي MiNoOo 87 ؟!
صيــــــــــــاحه درجه أولــــــــى >> الإعتــراف بالحـق فضيلــــه
مشكلتي إني حساسه زياده عن اللــزوم .. حتى يوم كنت صغيــره و يا الشله و نلعـب و جيــه .. أي شي يستــوي مب في صالحــي .. أقعــد في زاويـــه ع الأرض .. أرفع ركــبي أحط راسي و إيدي عليهــم و أصيــــــــح ..
>> ليــن يومك يعايرونــي فيــها
- هل لك أن تخبرينا عن بعض التصرفات التي تمقتيها أو ترفضيها في مجتمعاتنا ؟!
أي شــــــــــي يغضـــب رب العالميــــــــن و رسوله الكريم .. اللهم صلي و سلم عليـــه ..
الفســـاد و الفتـــن اللي منتشره ها الأيــــــــــــــام .. للأســـف العــرب رجعة كلمتهــم لــورا .. و بــدت أفكــار الغــــرب تسيطـــر على عقــول الكــــــــــل .. صغير كان و لا كبيــــــــــر .. أبســط مثــال : المنــاظر اللي نشوفهـا في مراكــز التسوق ( شبـــــــــاب كانـوا و لا بنــــــــــات ) ..
مثل ما ذكــرت قبــــــــــل : خـيــانة الصديــق لصديقـــه .. أكره شي عنــــــدي .. بسبب انعــدام الوفــاء في بعض الأشخــاص .. استــوت ها الصفــه ملازمــه لهــم و كأنهــا شي إيجــابــــــــــي أو صفه حالها من حال باقي الصفــــــــــات ..
- ما هو رأيك في الزواج المبكر للشباب والبنات ؟!
الله يسلــمك .. من وجهة نظــري .. السن المناسـب للزواج : عقــب ما تخلص البنت دراستهـا الجامعيــه .. يعني على سن 22 .. 23 ... فمـا فــوق .. و طبعـا الريــال نفــس الشـــي .. لإن الــــزواج مسؤوليـــــه .. و يبالــه عقــول متفتحــه و واعيــــــــــــــه ..
للأســـف وايــد من الشبــاب اليــــــــوم تأخــروا فالزواج .. يعني اللي عمــره 30 .. فما فوق بعده مــب معـــرس .. أحس ها الشـــي مب لصالحـــــــــــــه .. الواحد المفــروض يكمـــل نص دينــــــــــــه .. و يعــــرس ويتحمل المسؤوليـــــــــــــــه .. لإن رعايــة اليهــال على كبــــر متعبـــــــــــه ..
>> أحس لخبطت لك مخك في الجــواب
بس يعني بالمختصـــر مب تحت العشريــن و لا فوق الثلاثيــن .. لكلا الطرفيـــــــــــن ..
- ما هي نظرتك تجاه اعتماد بعض العائلات على الخدم في تربية أبناءهم أو الطبخ و التنظيف ؟!
أعـــــــــارضهـم و بشـــــــــده ..
أنا تعودت علـى شي .. و اللي هو عمرنا ما يبنـــــــا خدامه في بيتنــــــــــــا .. و أحس ها الشـــي هو الصـــح ..
لإن الخـــدم بشكــل عام ما منهــــــــــم أمـــــــــــــــان .. و كفايــه اللي نسمعــه و نقــرأ عنــه ها الأيـــــــــام ..
جرايــــــــم راحوا ضحيتهــا يهــال و الســـــــبه ها الخـــــــــــــــدم ..
- هل توافقين على تعدد الزوجات في الامارات ... و لماذا ؟!
طــــــــــبعا مليون بالميـه ضــــــــــــد تعدد الزوجــات .. صح هو حلال فالشريــعه الإسلاميــه .. بس طبعـا .. إذا كانت الزوجه موفـــــــــره كل شي حق ريلـــــــــــــها و مب مقصـره في حقـــه من ناحية اليهـال و كل شـــي يطلبـه منهـا يحصلـــــــــــــــه ..
أما إذا كانت الظروف فوق كل شــي .. يعنــي مثلا : الزوجه عاقــر .. فهــا من حقــه ..
- لو عندك الآن مليون درهم ماذا تفعلين بها ؟!
مليــــــــــــــــــون يا ويــلاه ..
طبعـــــــــــــا أهم شي إني أستثمـر الفلوس في اللي يرضــي رب العالميـــــــــــــن ..
الدنيـــــــــا فانيــه و على قولتهم : الفلــوس وصخ دنيــــــــــــــا ..
خاطــري و أهم شي .. أبنـــي مسيــد في بلاد ثانيـــه و يكـــــــون صدقــه جاريــه عنــي ..
و طبعــا ما أبخـــل حق الفقارى و المساكيــــــــــــــن ..
يعني أهم شي : أمـــــــــــور تفيدنـــــــــــي في آخرتــي و تثقل موازين حسناتي فيهـا ..
و الأهـــــــــــل و أهم شي الوالديــن طبعـــــــــا لهم نصيــب منهـــــــــــا ..
بعـــــــــــد أنا من النــوع اللي أحب السفــــــــر وايــــــــــــــد .. يعني بستغــل اللي بيتم لي و بســـــــــافر ان شاء الله ..
>> خلص الحلــم .. صــــــــــباح الخيــــــــــــــــر
- من هو الشخص الذي تهابينه أو تخافين منه ؟!
ما أخــــــــــــاف إلا من اللي خلقنــــــــــــــي ..
- أي البلاد العربية تفضلين السفر إليه لقضاء الاجازة ؟!
السعوديـــــــــــه .. >> لأداء العمــــــــــره ..
الأردن .. >> من كثر ما أخويــه يسيــرها ياني فضــــــــول
اليمــــن + تونــــــــــــس .. >> لطبيعتهـــــــــــــم الخضراء العجيـــــبه ..
البحريــــــــــن .. >> عشان أشـــــــــوف صديقاتي ..
>> ما خليتـــي مكــــــــــــان ههه ..
- لو طلب منك أن تكوني ضيفة في برنامج تلفزيوني فإي البرامج تفضلين ؟!
ما أتخيــــــــــــل
مســــــــابقــات >> صح معلوماتـــي مب لهـاك الزود ..
بس خله أجـــرب شو ورايـــــــــه
- ما هي الامنية التي ما زلتي تحلمين بتحقيقها ؟!
إنــــــــــــــــــي آخــذ الليـــــــــــــــسن ..
من سنــة يدي و أنا أحــاول أقنع الأهــــــــل و بعده طرف واحد فيهــم معانـــد ..
دعواتــــــــك إنه يقتنــع و أحــقق أمنيــتي ..
و بعـــد خاطــري أسيــــــر : ماليزيــــــــــا .. تركيــــــــــــا .. اليــابـــــــــــان ..
يعني بالمختصــر أسافــــــــــــــــر
>> محد يقولها شي الإخت
أفــــــــــــا عليـــــــــك أخويــــــه مسمـــوح بالحــــــــــل ..
بالعكـــــــس أسئلتـــك حلــوه و أتمنــى إني كفيــــــــــت فالإجابــــــــــــــه ..
حيـــــــــــاك الله في أي وقــــــــــــــت ..
..
~> لـآ والله خخ ..
..
ما أبـاج تكتميــن ضيقـــج لإن الكتمـــــــان يتعــــب .. و فضفـــضــي لأقــرب النــــــــاس لــج .. الله يديـــــــم لج الوناســــــــــــه ان شــــــــــــاء الله و يحفظــــــــــج ويـــن ما تكونيـــن يـارب ..
و هــاي إنتي في نظــــــــــــري ..
؟؟
أكيد لها ذكــرى جميلـــه .. و أحلـى من رسوم ألحين بمليون درجه >> كنايه عن الكثــــــــــــــــره 
