شوفوا الهنود وين وصلوا بعقووووولهم : هندي في دبي.. من 5 الاف درهم إلى 150 مليون درهم دخله سنويا

[نجم راك]

يرزق من يشاء بغير حساب

[عيون اماراتية]

اللهم لك الحمد حمدا طيبا وكثيرا ومباركا

[الناقد]

مع احترامي :

الصراحه شدني كلام الاعضاء وقلت ارجع اشارك فالموضوع والصراحه شكرا على الموضوع المميز يالله نبدي في نقاش صريح وواضح .

وانقول السبب اللي خلى الهندي هذا يوصل, خلوني اقول من البدايه اول شي الريال هذا دخل البلاد قبل 25 سنه في وقت كان فيه عدد المواطنين قليل جدا والمتعلم منهم قليل جدا ولكن استطاع الرجل هذا بالصبر وبعد النظر الى ان يصل الى ما هو عليه والسبب في ذلك انه اول ما وصل كان عنده مبلغ من المال واستطاع من المال هذا ان يصنع اموال كيف :

1- ما كان في مواطنين مهتمين في المشاريع بسبب نقص التعليم وكانوا مهتمين في الدخل المحدود والمحافظه عليه لكي ينعم اجيالهم بالتمتع اللي انته فيه حاليا والحمدلله ما جناه الاجداد ظهر على الابناء والدليل عليه واللي تتميز به الدوله ووتفخر به انته في بلادك انه مافي عدنا طباخ مواطن يشتغل في مطعم ولا فراش يشتغل في شركه ولا بشاكر يشتغل في بيت ولا حلاق طبعا انا ما اتكلم الحين اتكلم عن قبل خمس سنين علشان محد يقول شي .

2- فالفتره اللي كان فيها الاجانب توهم داخلين للتجاره فالامارات كانت هناك مجموعه تتبع هذي الامور وتتعلم منهم والدليل عليه في فئه من الناس الحين من رجال الاعمال الامارتيه متميزين ولم تاثر عليهم شي الازمه العالميه لانهم كونوا قاعده واساس قوي وبعد ذلك جنو كل الارباح هذي حالهم حال الهندي هذا لانهم كانو يشتغلون من اول ما وصل الهندي هذا للامارات وشافوه قاعد يستفيد واعتقد اساميهم معروف والحمدلله الله انعم عليهم بالكثير من الاموال وما شاء الله يتصدقون لانه عاشو الجيلين الجيل القديم والجيل الجديد حالهم حال الهندي ولكن لم يحالف الحظ كل الاماراتين منهم من كان يفكر بتفكير اخر انه يشتري بيت ويجهزه للاولاد بدل ما يفتح مشروع ما يعرف عنه شي ويخسر فلوسه وهذا اللي صار للاجيال اللي كانت تبغي تفتح مشاريع فالتسعينات كانو الاباء يقولون لا تفتح مشروع ولا تشتغل شي انته ما تعرفه علشان ما تخسر وانغرسة الجمله هذي في كل الاجيال ولين اليوم الشباب الاماراتي يتردد في ان يفتح اي مشروع خوفا من الخساره ومعاه حق .


3- انقول لو انه نحنا كان عدنا كل شي عادي وكان الشاب الاماراتي يقدر يشتغل في اي مكان حاله حال اي شخص في اي دوله ثانيه تشوف فيها الدريول والطباخ والفراش والدكتور والزبال كلهم من نفس الدوله الا الامارات واذا حد يختلف معاي فالرد اناجاهز مافي بلد فالعالم كله مافيها طباخ وفراش وبشكار وحلاق من نفس البلد غير الامارات والحمدلله هذا شي طيب ومميز ولكن هذا صنع في الاغلبيه بعض من الغرور النفسي واللي خلاهم يضيعون اموالهم على الفاضي :
1- عدم التفكير فالمستقبل
2- الاعتماد على الغير في جميع الامجالات والامور الخاصه به .
3- الخقه والفلسفه والتكبر اذا كان عنده مشروع مع العلم هو لا يعلم شي عن ادارة المشروع بس يقول .
4- عدم الاهتمام والمتابعه لمشروعه مع العلم هو دافع 500000 ولا يدري وين راحت .
5- التفكير لجني الارباح بسرعه لشراء سياره فخمه او الفرفشه .
6- عدم القدره على ادارة المشروع بحجة انه يداوم الصبح وفالشيشه مع الشباب العصر .
7-لما ينسرق يقول انا ما كنت اتوقع انه الريال هذا بيسرقني كنت احسه امين ونسى انه المال السايب يعلم السرقه .
8- عدم القدره على الجلوس فالمحل بحكم انه الشي هذا عيب (( وهذا الشي اللي انا ماحصلت له حل )).


4- نرجع للمجتمع وعدم التعاون بين المواطنين؟ الشاب الاماراتي يحس انه ماعنده ثقه في نفسه والسبب يرجع لتردد في الوقوف داخل محله والتحاور مع الزبون لانه لا يملك طريقة الحوار ولا تعلمها لانه ما كان حد مشتغل الشغله هذي لا من اهله ولا من اصحابه ولا من اي شخص يمشي معاه علشان جذيه اذا قتله اقعد اشتغل فالمحل يموت ولا يشتغل داخل المحل لانه يخاف حد يشوفه من البنات او اي حد من الناس اللي يعرفهم ويخجل مع انه هو قاعد في محله وشغله الخاص ونرجع للبنات لو كان صاحب المحل مواطن لابس الزي الوطني ويشتغل ما بتشوف في محله ولا مواطنه تدخل ليش لانه مواطن ولود لبلاد ما تقدر تتحاور معاه مثل الوافد صح انا ما اقول الكل ولكن في فئه كثيره موجوده فالمجتمع اتسوي الشي هذا ولو المواطن غير لبسه وقعد في محله وما تكلم بتشوف الامور عاديه ليش لانه ا لناس تعودت على الوافدين .


5- لو كانو المواطنين متكاتفين ومتعاونين مع بعض لشفت رجال الاعمال اللي فالامارات كان شغلو كل المواطنين عنهم بس للاسف هم عارفين انه المواطن ما عنده ثقه في نفسه فالمشاريع علشان جذيه عدنا عدد كبير من الوافدين والاجانب .



4- ولكن في اواخر التسعينيات دخل المواطنين في جميع المجالات ما شاءالله وهذا شي طيب وحتى المرأه دخلت في التجاره وصار تطور كبير في الامارات من الاماراتين والحمدلله عدنا تقريبا ما يعادل 64000 مليونير وهذا شي طيب بالنسبه لشعب الامارات الذي يعادل المليون نسمه يعني نحن في تطور سريع وان شاء الله خلال السنين القادمه بنشوف مواطنين قاعدين في مصالحهم الخاصه لانه مجال شغل المواطنين دخل للشركات الخاصه الكبرى وهذا شي بخلي المواطنين يتعلمون بسرعه جدا للوصول للمشاريع وبعد النظر والله يوفقهم .

[عيون اماراتية]

اللهم صلي وسلم على نبينا محمد

[عاصفة الجبال]

من جد وجد ومن زرع حصد

[عيون اماراتية]

شكرا عالمرور


سبحان الله وبحمده

[البزي]

ما شاء الله عليك

انتظر 25 عام وكافح بمبلغ قليل جدا واصبح صاحب شركه واعمال بالملاين

هذا ما ينقصنا 1 المثابره والتصميم للوصول للأفضل .2. عدم الاستسلام .3. التخطيط السليم

لكن ربعنا ما شاء الله عليكم ما يحبون هذا الشي يحبون الكسب السريع

والراحه طبعا مش الكل

يالله الله يوفقه ان شاء الله ويوفقنا كلنا بـأذن الله

[◆}ملكة الكهف{◆]

ما شاء الله عليهم

و الله يوفقنا أحنا بعد

[عيون اماراتية]

سبحان الله وبحمده

[العين عنوان]

ما فيهم خير تعلمهم عللى الشغل وتعب ويتعلمون منك وخلاف يقلون ما نبغ نشتغل