العنوسه في الرمس

[سحر العيون]

لا تعليق



حريه شخصيه لا اكثر

[رمساوية والنعم]

أولا
عندي تعليق
كلمة العنوسنة كلمة موجودة في المجتمعات المتأخرة شو فيها البنت لو ماتزوجت ??!!
في النهاية هذا نصيب ليش نحسس البنت اللي تأخرت بالزواج بالاحراج

ثانيا
انا من الرمس وزوجي من الرمس
بس تعلقي على بعض الاسر ليش تخطب برع الرمس

¤ اذا كان عندهم بنات وماخطبوهم من الرمس تقوم الام تخطب لولدها برع الرمس

¤الغرور في بعض الاسر عشان مناصبهم العالية فيشوفون نفسهم انهم احسن حد من الرمس ويبون حد من ثوبهم

¤ خروج بنات الرمس للوظيفة برع الرمس خلاها تتعرف على ناس عاداتهم غير فتعجب بعاداتهم فتكره ولد الرمس

¤ غيرة البنات من بعضهم فتخب لاخوها بنت من مكان ثاني

لكن من وجهة نظري الافضل والاحسن كل واحد يتزوج البنت من نفس منطقته عشان ماتختلف عليه عادات وتقاليد البنت يمكن يصعب عليه انه يتأقلم عليها فتصير بينهم مشاكل وعدم فهم الثاني

هذا رأيي ولاتزعلون مني واتمنى التوفيق للجميع

[الشاعر..]

انامن الرمس واقول بعض العوايل يتشرطون وينزلون من معنويات الريال ليش هذا كله من البدايه تبوني ولاماتبوني وخلاص ليش اللف والدوران هذا رايي واتمني تتقبلون مروري وشكرا

..الشاعر..

[الزهره]

[align=center]
السلام عليكم ورحمه الله
الي علق وقال يمكن مهور بنات الرمس فأنا أقول مهور بنات الرمس عاديه مب هذااك الغلا مايكون أكثر عن 100000 هذا بعد يعني أهلي كثروا
بس أنا أجووف في شباب من الرمس مايبون ياخذون من بنات الرمس وفي بنات نفس الشي
والاهل يلعبون دور من حيث الأختيار
وبالآخر ترى هوه قسمه ونصيب
وتسلمون ع الطرح
[/align]

[مشكلتي صريح]

الله يرزق ولد الحلا بنت الحلال

وبنت الحلال تستاهل ولد الحلالظ

شو فايدة تاخذ واحد ويبهدلها العمر كله

والا واحد ياخذ وحد تبهدله طول العمر

اللي الله كاتب لها نصيب بتاخذه واللي مالها نصيب احين بعده العمر جدامها

وأهم شي تخدم نفسها وبلدها ووطنها ومجتمعها

وتكون ذات هدف وكيان بالحياه

[العنود]

اذا البنات بيعيزون عيل نص الشباب شوذنبهم قولو اذا الام اهيا اللي ظالمتنهم والله يعينهم

[●{طبعـيـﮯ شيوخيـﮯ●]

بطراناااااااااااااااااات

كل ماحد تقدملهن..

يقولن أبي أكمل دراستي ولا هذا طويل ولا هذا قصير ولا هذا اسمر والثاني أبيض وهذا كشيخ وهذا عادي ولا هذا حلو وهذا مب حلو ..

وآخر شي تلومون الشباب ..

ويوم بيعيزون بيدورون ريال يتقدملهم ..

آمم آعتقد يعني آن الشكل ولا الطول ولا الضعف مهم
آهم شي آخلاقه ودينه
مآقول أن مآشي من هالنوعيـه بس إذا رفضته يمكن هذآ يكون آخر مره آييهـآ وآحد ويخطبهـآ ؟
@@
وبعدين انآ سمعت ان مآشي حد يآخذ من الرمس إلا نآآدرآآ هههع

[ولد المطر]

اولا الزواج مب لعبه
ثانيا انا معطي بنتي لاي حد
ثالثا هالمواضيع قد تتحول الى شجار اذا طرحت