السلام عليكم و رحمة الله و بركاته
تسلم أخوي عمر على الكلام اللي يثلج الصدر صراحه ذكرت مأساتنا و همومنا و كيف نحن عايشين في هالضغط النفسي و الجسدي بس في شي نسيت تذكره ألا وهو يوم السبت اللي المفروض يكون يوم إجازه و راحه من الدراسه و المشاريع .صار يوم السبت يوم إجباري على الطالب و يتحاسب إذا ما حظر يعني حتى في يوم الاجازه بعد في إلتزامات معناتها ما عندك غير يوم الجمعه بس حق الراحه لا و بعد يتوقعون منا نحظر الواجبات و الامتحانات و المشاريع.
و السموحه
آلكـلآم صحيح 100%
وانا آدرس ف معهد التكنولوجيآ آللي ف العين > قسم آلطآلبآت
و ع فكره وآآآيد ظآلمينآ ، يعني ف المدرآآس آلحكوميه آذا مب فآهمين وقلنا
حق المس مب فآهمين ترد تشرح ! ، وهنيه مس آلمـآآث نقولها مب فآهمين
ترد تقولنا > Very good , No need هالكلمتين ، وفوق هذآ ما تعرف تشرح !
وتعطينا وآجبآآت فوق 8 آسئله ف وقت آمتحانات ، والاسبوع اللي طآف عطتنآ
15 سؤآل يوم الخميس وتسليمه الاحد و عندنا الاحد امتحان كيميآ ويبآله درآسه !!
وكل آلمسـآت نقولهن خفوآ علينا من آلوآجبآت يقولن ما يخصصنا !! ولآ آلامتحانات
المفآآجأه ! نقولهم ما درسنا يقولون ليش ما تدرسون ؟ ، يعني نحن احين نقسم
وقتنا حق دراسه كل المواد ولا حق الامتحان اللي علينا ، الله يعينا والله
و ف امتحانات الفصصل يعني حآطين مادتين ف يوم واحد !! آي عقل
هذآآ يقدر يذآآكر مآآدتين كل مـآده دروسها اكثر عن الثانيه !!
وفووق هذآ يبوننا نييب نسب عـآليه !!
ووايد آشيآآء بس كم بقول يعني !!
اتمنى يلقون حل حق هالمشآكل اللي نوآجههآ !
اشكر لكم تفاعلكم مع الموضوع ولكن ارجو عدم التدخل واخذ مواضيع بعيدة عن محور حديثنا ولكم جزيل الشكر
متابعة للموضوع طبعا الموضوع اخذ تفاعل كبير مع المجتمع الاماراتي وخصوصا طلاب المعاهد واطلب منكم الاستمرار بالتعليق
بخصوص الي صار اليوم تناقشت مع شخص مع الإدارة وكان الرد علي كالتالي اغلق الموضوع وماراح يستوي شيء في المعهد و لما خبرته ان الموضوع يخص المعهد بالكامل ولازم تجوفون حلول قال (( الي ما يبا يتم في المعهد يطلع )) وجدول الامتحانات ما بيتغير وهم يدرسون حل ثاني بس للأسف ما خبرني شو هو
هل هكذا تتم مقابلة آراء الطلاب !!!!!!!!!!!!!!
اتمنى من الكل الي يوافقني رايي ويبا يوصل رايه يكتب تعليق ربنا فوق و في الاخير ان شاء الله بناخذ حقنا
واتمنى مراعاة الحدود في التعليقات وعدم التمادي ولكم جزيل الشكر
السلاآم عليگم
گلاامك آخوي صحيح ٪100
انا طالب من المعهد و عارف هآي الاشياء
و صوتي معاگ
السلام عليكم
بخصوص معهد التكنولوجيا .. نظامه يحتاج للتطوير من كل نواحي الحياه
اعرف وايد طلاب ظهرو هاي السنه من المعهد ولما اسالهم ليش يطلعولي البلاوي
وانا درست فيه فترة وظهرت لان النظام فاشل (( خصيصا الجدول )) والوعود كلها ماشفناها تنفذت
ومرة رحت عند الاخصائي عسب كان عندي ملاحظه على استاذ وكنت مضايق من ها الشي ولما تكلمت كلوني بقشوري مع اني ماقلت شي يستحق ردت فعله الهايجه .. كانت مجرد ملاحظه اتمنى انه يكلم الاستاذ فيها لا اكثر .. بس والله ما خلى فيني عظم
(( وها اكبر دليل على ان الادارة ما تتقبل اراء الطلاب بصدر رحب او انها تاخذ فيها بعين الاعتبار (على الاقل) ))
وبالنسبه للادارة انا وكل الطلاب متضررين من المعامله السيئه من بعض الاداريين (( بدون ذكر اسامي ))
والصراحه بعد ردت فعل هذا الاداري لما قال (( الي ما يبا يتم في المعهد يطلع )) ... شوهذا الاسلوب ؟؟
الكلام موجه للجميع : الرجاء كتابه رايكم سواء كان معارض لنا او مؤيد المهم نبا رايكم ونحن (( بنتقبل )) كلامكم بصدر رحب عكس الادارة ..
وشكرا
التعديل الأخير تم بواسطة بو ناصر ; 13 - 3 - 2012 الساعة 06:38 AM
المشكله انهم ما يوصولون صوتنا للإداره العليا, و اسلوب التثبيط ملينا منه. يوم بيي وقت تسجيل طلاب الثامن تجوفهم و دودين و بيسمعونك بس أدخل المعهد ولا بيسونلك سالفه.
رد: طلاب ثانوية التكنلوجيا يعانون الأمرّين
كلام الاخ عمر صحيح 100%
بالطبع هناك ايجابيات و لكن السلبيات كثرت في الاونة الاخيرة و الله اعلم بالسبب؟
اعتقد ان الدكتور عبداللطيف فاهم الموضوع خطا بشان "الهارد وورك"! لانه ماعتقد ان الطالب يستطيع الاعطاء مع هذا الضغط الكبير.
( اللي ما يبا يتم في المعهد يطلع )!!!
بَس سؤال / كيف نطلع و نحن أساس المعهد؟
السلام عليكم ورحمه الله وبركاته
اشكرك يا اخوي عمر علي الموضوع و الصراحه كلامك صحيح 100 ٪
عندي كم شي بغيت اقوله وارد علي البعض الي يقول مستقبل المعهد واضح و مظمون
موجودين خريجين المعهد وبنسب حلوه ومب محصلين وظايف ولا مكان يقبلهم للدراسه .... تقنيه راس الخيمه قالت اهلا وسهلا والباقي جوابهم (بنردلكم خبر )
الصراحه المعهد بشكل عام حلو ونظامه وايد حلو وشيوخنا مب مقصرين ابدا ..... بس مشكله معهد راس الخيمه بالاخص هي الاداره .... نائب المدير عنده كلمه يسكت فيها الطلاب (ان شاء الله بنسولكم الي تبونه ) ومن هناك مايصير شي .... اخصائي ما يسمع للطلاب ولا شي ... الاداره بشكل عام معاملتهم للطلبه والله ما تسوي شي امام الاداره فالمدرسه الحكوميه ...... السنه الي طافت قبل لا ايون الشيوخ ومن بينهم الشيخ محمد بن زايد كانت معاملت الاداره والمعلمين للطلاب زي الفل مثل ما يقولون ...... وعقب ما روحو الضيوف راح الاحترام والتقدير من الاداره للطلاب .... وعقب ما اتغير محد قدر يقول شي للاداره غير طالبين (بدون ذكر اسماء) هالطالبين الي ما خافو من الاداره ولانهم حسو بالظلم والكل كان حاس بالظلم ليومكم هذا .....واتغيرت معاملت الاداره للطالبين لانه استخدمو نوع من التهديد تقريبا ..... معهد راس الخيمه اذا استمر بهالطريقه انا اضمن انه الطلاب يمكن يطلعون ويمكن يشوهون سمعت المعهد
السموحه طولت عليكم
وارد اشكر اخوي عمر على موضوعه الرائع واتمنى اداره المعهد تقرأ الموضوع ويحسون شوي ^^
ضوابط المشاركة
رد مع اقتباس