|
انـآ طآلبه من طالبات الرؤيـه . .
وصرآحـ’ه نتعب ونحن نمشي من اول البوابه لين دآخل المدرسه وعقب لين نوصل الصف . . وعني انـآ صفي اخر الدنيا وفوق . . يعني نتعـب !! والجو حـآر مب انـ’ه زين ويساعد ع انه نمشي ونسوي رياضه ع قولتكم . . لو كان الجو اوكي بنقوول . .
وو الخميس يوم دآومت استغربت انـه السيايير واقفه برع !! وتوقعت حادث . . بس السالفه ما طلعت جي !!
يبونـآ نمشي . . ع الاقل لين الباب مثل قـبل . .
الحين من متى والسيايير تدخل ليش يعني الحين !!
كل مدرسه عندهم بابين واحد يدخلون منه وواحد يطلعون منه . . وهذا اللي تعودنا عليه كل سنه !!
واستغربت اليوم من شي ثاني . .
كان الباب مفتوح وشفت سيارتين يدخلون ونحن وراهم عبالنا عادي بيدخلونـآ . بس الحارس سكر الباب . .
طلعت السيارتين اللي جدامنا سيارات مدرسات . . ليش نحن غير عنهم !
واستغربت اكثثثثر . . لما نزلت من السيارة وكانت حذالنا سيارة ونزلت منها ابله !! يعني ما دخلوها لانه مب هي اللي تسوق !!
بس المدرسات اللي يسوقون يدخلونهم !؟! والثانييـن !!؟
لآآ حتى لو كان عندها اغرآض الدنيا ما بيدخلونهـآ .!
،
وو عن اولياء الامور يوم ما يدخلونهم . صح هالرمسـه . .
الوالد ياي ياخذني الاحد عسب كان عندي موعد في المستشفى . . فيوم سرت له عند الادارة وطلعنا . يقولي : شو ها مدرستكم لازم تتعب الوآحد . !! تخيلوا موقف سيارته برع ومـآ مخلينه يدخل . .!!!!!!
همسه للي قالوا نسوي رياضه ونتحرك . : صح اللي قلتوه لكن انتوا ما جربتوا . . حد يمشي بالحر وبظهره درآزن كتب !!
والسموحـه . .
[CENTER] [/CENTER]
@_@
أنآ عن نفسي عآدي أشوف !!
شو فيهآ ؟!
مآ بيستوي فيكم شي لو مشيتوآ اشوي ؟؟
عيل بالفرصه و بفرصة الصلآة اتدورون المدرسة بكبرهآ دوآرهـ ،،
و بعز الحر . .
مآ قلتوآ تعب و حر ؟!
بالعكس أشوف انه جيه أحسن . .
و اعتقد يوم ينزلونكم عند البآب الرئيسي ،، يعني امشوآ كم خطوهـ ،،
و بتوصلون الصف . .!!
صدق انه رضآ النآس غآية لآ تدرك !!
شكراً ع الطرح . . ~
ماعندكم سااااااااالفه زحمة داااااخل بيكوووووون
السلام عليكم ور حمة الله و بركاته،،،
من خلال قراءتي لردود بعض الأعضاء رايت المؤيد و المعارض... مرت علينا سنوات طويلة منذ دراستنا في هذه المدرسة حيث صادفنا الكثير من الأمور التي تبقى في الذاكرة من اسلوب و معاملة الهيئة الإدارية أو التدريسية..
لا اريد أن ارجع بذاكرتي إلى الخلف ولكن من خلال قراءتي للموضوع أخذت ذكريات الأمس تسلط شعاعها على ذاكرتي..
بالنسبة للموضوع الذي طرح فهنا يجب أن نفكر بالجانب الإيجابي و السلبي الذي سيطرأ على الطالب و المعلم خاصة أننا في فصل الصيف و الحوادث كما نراها تزداد يوما عن يوم و غير ذلك هناك بعض الطلبة و المعلمات من يمر بحالة صحية حيث أنه يجب على الإدارة مراعاتها و إن أحضر بعضهم ورقة من المستشفى تثبت ضرفهم الصحي ظلم بذلك الآخرون حيث أننا لا نعلم بالضروف التي يمرون بها..
من هذا المنطلق يتوجب على الإدارة بأن تفكر بآلية لدخول السيارات و خروجها بشكل منتظم حيث تخفف بذلك العبء على أبناءنا الطلبة و أولياء الأمور و نقلل أيضا من الإزدحام خارج المدرسة..
[SIZE=3][COLOR=red][/COLOR][/SIZE]
[SIZE=3][COLOR=red][IMG]http://img71.imageshack.us/img71/3425/abnaadm19poee4su1.jpg[/IMG][/COLOR][/SIZE]
[SIZE=3][COLOR=#ff0000][/COLOR][/SIZE]
[SIZE=3][COLOR=red][/COLOR][/SIZE]
[CENTER][SIZE=3][COLOR=red]إني بليت بأربع مـــــــا سلـــطوا .. إلا لعظم شــقاوتي و بلائــــي[/COLOR][/SIZE][/CENTER]
[CENTER][SIZE=3][COLOR=red]إبليس و الدنيا و نفسي و الهوى .. كيف الخلاص و كلهم أعدائي[/COLOR][/SIZE][/CENTER]
بالتأكيد هناك سلبيات وايجابيات وبما ان القرار جديد فيجب ان يكون محل للدراسة حيث يتم تجربته لفترة زمنية معينة يتحدد من خلالها ان كان هذا القرار في الصالح العام أم لا ..
السلام عليڪم ورحمه الله وبرڪاته
خـوآتيے طـالـبـات مدرسه الرؤيـﮧ
أخـتيے الي ادرجتي الموضوع وأختي رمساويه
عندي لڪم سؤال وجاوبوني بڪل صراحه
انتو الحين اعترضتوا ع المسافه الي تمشونها من بوابه المدرسه لـ ڪلاساتڪم الصبح ؟
انزين ثرڪم المسافه هذي نفسها ڪنت تمشونها يوم ترجعون ع البيت وبعز الظهر والشمس تڪون [ حاره اشد عن حراره الصبح ]
ليش يعني اعترضتوا ع الصبح ؟؟
ثره ما صار شي
ولا عسب تحاتون ڪشختڪم وسشوارڪم ويولتڪم الصبح . .وبآخر الدوام برايـﮧ لو تخترب الڪشخـﮧ عسب رادين البيت !!
لان موقفڪم بڪبره مجرد دلع بنات لا أڪثر . . باجر بتروحون الجامعـﮧ . .وبتمشون من السڪن للڪليـﮧ بالصيف والشتا . .بڪل الأجواء . . مطر ولا حر .. هوا ولا عاصفـﮧ . . محد ينشد عن حد . .
أتمنى لو تشدون حيلڪم وترڪزون ف دراستڪم وتتحملون المسؤوليـﮧ . . ثرڪم ڪبرتوا واللـﮧ يوفجڪم
انا من رايي القرار سليم 100%
احنا قبلكم بسنوات درسنا وتخرجنا والحين موظفات الحمدالله
كانت حياتنا بسيطه في المدرسه
نحب مدرستنا ونقدر مدرساتنا
وما نعترض على اي من شدة خوفنا واحترامنا الهم
والين اليوم نذكرهم بالخير
انتو احمدو ربكم انتو موفر الكم كل شي
واي قرار يصدر من المدرسه هو له هدفه الخاص والله يعطيهم العافيه
ومشكورين على الموضوع
كل شخص يملك في حياته رساله
يا تعتلي به فوق والاتوطـــــيه
http://www.youtube.com/watch?v=kqUQJhOiKck
انا اؤيد الصراحه اتكون السياير برع لسلامه الطالبات
ومعظم مدارس راس الخيمة اتكون السياير برع
فنحن حالنا من حال مدارس راس الخيمة ولا شو رايكم
بسكم دلع يا بنات الرؤية
لا حول ولا قوة إلا بالله
من خلال الردود أرى كل شخص يبحث عن مصلحته الشخصية.. كيف تقدر نحافظ على سلامة الطالبات في وسط من الإزدحام خارج المدرسة و من الذي يقوم بتنظيم السير خارج المدرسة.. و الإعتراض ليس فقط عن الصبح أيضا الظهر و انا كولي أمر الصراحة لا اشعر بالراحة إلا إذا ادخلت بناتي داخل المدرسة و اطمأننت عليهم بدل وقوفي خارج المدرسة وسط الإزدحام انتظر دخولهم ووصولهم داخل المدرسة و اطلب من إدارة المدرسة أن تتعاون مع أولياء الأمور بذلك و لااعتبر هذا دلعا من قبل بناتنا و لكن أمر تطلب منا الكلام عنه...
كنت بعدل الرد وبكتب شي زياده بس تعايزت افتح اللاب مره 2 . .
والي كنت بكتبه : : اوكي نحن بنشمي بس غيرنـآ ؟ يعني المدرسات واولياء الامور ؟؟
[CENTER] [/CENTER]
ضوابط المشاركة
