ملك بدون مملكة تحت ضوء الاعتراف !!!

[Silence]

أهلا ..

متى ستتزوج ؟
لو كان بيدك الأمر .. ما الذي ستفعله وقتها؟

[ملك بدون مملكه]

أهلا ..

متى ستتزوج ؟
لو كان بيدك الأمر .. ما الذي ستفعله وقتها؟

سؤال ماتوقعته .... ومنك انت .........طلعاتك غريبه

انا للحين مافكرت .. بس ان شاء الله من اخلص دراستي واستقر راح اكمل نص ديني ...

وانته اول المعزومين ان شاء الله ...

بس ما فهمت لو كان بيدي شو بسوي وقتها ..؟ ممكن توضح اكثر .


يا هلا

[Silence]

سؤال ماتوقعته .... ومنك انت .........طلعاتك غريبه

انا للحين مافكرت .. بس ان شاء الله من اخلص دراستي واستقر راح اكمل نص ديني ...

وانته اول المعزومين ان شاء الله ...

بس ما فهمت لو كان بيدي شو بسوي وقتها ..؟ ممكن توضح اكثر .

يا هلا

أنت تفهمني ولكن لا تريد الأجابه : )

أعيد : ماذا لو كنت رئيس جلس أدارة النادي !

سؤال آخر : تقرأ لمن من الكتّاب ؟
وما هي أكثر المواضيع التي تجذبك في المنتدى!

[ملك بدون مملكه]

أنت تفهمني ولكن لا تريد الأجابه : )

أعيد : ماذا لو كنت رئيس جلس أدارة النادي !

سؤال آخر : تقرأ لمن من الكتّاب ؟
وما هي أكثر المواضيع التي تجذبك في المنتدى!

لو كنت رئيس مجلس الاداره ... طبعا برضى كل الناس ... وبالانتخاب ...والاجماع ...

اوظف كل شخص فاهم وعارف الشغله الي بيسويها ..مثلا .. اداري الفريق الاول يا يكون لاعب سابق وخبره .. او انسان فاهم بالكره وتاريخه يشهد ..

مدربين ..التعمق والتفكير بالاختيار ...والتجديد

بكل شئ يكون المتخصص موجود .. من كرة طايره ل تنس لالعاب قوى دراجات ..

الاستفاده من الخبرات والاحتكاك فيهم والمشاوره .. اسمع اراء الجماهير وانتقادهم ..

ابدي مصلحة واسم النادي على كل شئ ..

الاهتمام بالمراحل السنيه ..

حب النادي واسم النادي يكون الشعار ..

__ عن سؤالك الثاني .. بصراحه ما اقرى كتب بالوقت الراهن بالاحرى منشغل بالكتب الي ادرسها ..مب شغوف بالقراءه

عطني اسم كتب وكتاب واقدر استفيد منهم وبقرى ..اتمنى اكون من الي يقرون بس مب عارف من وين ابدي

اكثر المواضيع احب اعرف اخبار الرمس ..وما يلفتني شئ محدد ..وشوي من كتاباتك

ولو كنت انته رئيس مجلس اداره شو بتسوي .؟

اتريا الجواب بالخاص ..

[جريحة زماني]

بسم الله الرحمن الرحيم

يلا نبدأ ان شاء الله جاهز

؛

كم عمرك

هواياتك

اقرب انسان الى قلبك

عضو او عضوه ترتاح لها بالمنتدى

هل تحب البحر

تكتب الشعر

ماهو طموحك

افضل سيارة عندك

لونك المفضل

كم مره سافرت

اجمل مدينه عندك

خبرنا عن ايام طفولتك

احلى اوقاتك اين تقضيها

من تتمنى يقعد بعدك على كرسي الاعتراف؟

؛

والسمووووحه

اختك جريحة زماني

[ملك بدون مملكه]

جريحة زماني

بسم الله الرحمن الرحيم

يلا نبدأ ان شاء الله جاهز

؛

كم عمرك
شيبه فوق 24 ..واختاري

هواياتك
جاوبت قبل بس بعد بقول .. لعب كره ..سباحه غواصه ..تربية طيور(الزينه) .. سفر ..تنظيف ..زراعه

اقرب انسان الى قلبك
وااايد..لانه ماشئ اسرار

عضو او عضوه ترتاح لها بالمنتدى
لم احتك بالكثير علاقات سطيحه جدا
بشكل عام كل الاعضاء على العين والراس

هل تحب البحر
بيتي الثاني البحر ..عشقي وشغلي ..

تكتب الشعر
لا

ماهو طموحك
اخذ الماستر بالهندسه الميكانيكيه

افضل سيارة عندك
مرسيدس E65 <<مب عندي بس تعيبني

لونك المفضل
برتقالي..رمساوي

كم مره سافرت
واااايد..مب مخلي مكان ... مستوي النورس الرحال

اجمل مدينه عندك
مدينة الزهور .. بنقلور بالهند

خبرنا عن ايام طفولتك
ايام كنت فيها شيطان وكله اضارب ومخبل بامي وابوي ..وتفكيري كان ليومي محدود .. ماحب اخسر بلعب الكره ازعل ..لعبنا محدود بالفريج بس ايام حلوه باص المدرسه وخرشه .. نمشي ونحصل ربعنا الحين لو نمشي مانحصل حد ..كنت احب احتفظ بالاشياء ..ازعل يوم يخلص الصيف وتيي المدارس ليلة السبت عاد هم ..جني وعطبه ويا المدرسه .جرئ وايد ..اكثر من مره انضرب من المدرسين الله يذكرهم بالخير آباءنا هايلا ..كنت مابا اسوي شئ ويعرفون فيه اهلي ...اشرد عند يدتي دوم تدافع عني وتحلف لابوي الله يرحمها ويغمد روحها الجنه ..احب النادي وااايد بس ابويه كان يهددني لو ما درست ويبت نتايج وذاكرت ماشئ نادي ميودني من العوق ..الحمدلله كل حد كان يحترمني من ربعي واحترمهم لليوم وعلاقتي معاهم طيبه لا حسد ولا كره ولا شئ ..مازعل ولا احب ازعل حد ..كنت ماحب اتمشى ويا الشطار احب العفوين والعاديين ماهتم للمظاهر هذا عنده وهذا ماعنده الامور عندي ابسط من البساطه..هالي اقدر اقوله .. بس في سلبيات وااايد مب زين نقولها ..احسن صح

احلى اوقاتك اين تقضيها
بالرمس طبعا

من تتمنى يقعد بعدك على كرسي الاعتراف؟

من فتره قلت اجرب هالمغامره واشوف الاسئله الي بتنسأل لي .. وانطباع الاعضاء وفكرتهم عني .. احب الاعتراف وجلسات الصراحه ... بس اول مره واخر مره ...

؛

والسمووووحه

مسمووووحه بالحل ...

اختك جريحة زماني

يا هلا بجريحة زمانك
تشرفنا

[soso]

السلام عليكم ورحمة الله وبركاته ...

ما شاء الله اخوي الملك بدون مملكه في كرسي الإعتراف ^_^

قبل ما تبدأ في الرد على أسئلتي إصبر خمس دقايق عشان أشرب ماي و بي ما تروح أي مكان إيلس ع كرسيك ...اوكي ^_^

.
.
.
.
.
.
.
.
.
.
.
.
.
.
رديت ما شاء الله عليي رديت بسرعة ..^_^

اوكي يلا منبدأ بسؤال الأول والأخير ..

هل / كم / ليش/ تحب منتدى الرمس ..؟؟؟

أتمنى ما ترد بكل خجل .خخخخخخ^_^

اوكي قود باي وفي آمان الله..

[ملك بدون مملكه]

السلام عليكم ورحمة الله وبركاته ...

ما شاء الله اخوي الملك بدون مملكه في كرسي الإعتراف ^_^

قبل ما تبدأ في الرد على أسئلتي إصبر خمس دقايق عشان أشرب ماي و بي ما تروح أي مكان إيلس ع كرسيك ...اوكي ^_^

.
.
رديت ما شاء الله عليي رديت بسرعة ..^_^

اوكي يلا منبدأ بسؤال الأول والأخير ..

هل / كم / ليش/ تحب منتدى الرمس ..؟؟؟

أتمنى ما ترد بكل خجل .خخخخخخ^_^

اوكي قود باي وفي آمان الله..

هل...اكيد احبه ولا ما بتشوفيني اهنيه ...

كم ... ( من عدد رمل الصحارى من المطر اكثر واكثر )

ليش __ كافي يحمل اسم ( الــرمـــس )

[جروح]

السلام عليكم


انا يييت..وعندي كمن سوال (عصرت مخي والله ) ههه

شو احلى شي في النجااح؟؟

انت اللحين برع البلاد .كيف ادبر اموورك من طبخ وتنظيف وهالسوالف (شو تطبخ ههه )

شكلك في رمضان بتكون برع البلاد ,شو شعورك وكيف بدبر امورك(احس هالشي اصعب شي والله )

الدراسه هنااك صعبه ولا سهله؟ وتخصصك الجنس اللطيف عادي يدرسونه ولا مقتصر للشباب؟

اللحين راس الخيمه قامت تطور ,شو رايك بالتطورات اللي صايره اللحين وشو شفت من هالتطور

اتحب الاختلاط بالشحوح ههههههههههههه (شحيه ههه)

اذكر لي موقف خلى دموعك تنزل

[ملك بدون مملكه]

جروح

=السلام عليكم
وعليكم السلام


انا يييت..وعندي كمن سوال (عصرت مخي والله ) ههه
بس تحملي عن يستوي عصير

شو احلى شي في النجااح؟؟
انك تفرح اهلك واحبابك ......

انت اللحين برع البلاد .كيف ادبر اموورك من طبخ وتنظيف وهالسوالف (شو تطبخ ههه )
بالبدايه كانت الامور صعبه مانعرف شئ .. مع الايام ..تعلمنا كل شئ وقمنا نطبخ ..وطلعت المواهب ..نسوي برياني دياي وربيان وتونه .. ونسوي معكرونه .. يعني نمشي الامور ..الشعار ( نأكل لنعيش) بالبلاد ( نأكل لنشبع ) والتنظيف بروحنا نغسل ونكوي .. مافي دلع help ur self

شكلك في رمضان بتكون برع البلاد ,شو شعورك وكيف بدبر امورك(احس هالشي اصعب شي والله )
اممم رمضانين كنت اهنيه وحياه ارف ما بعدها ارف .. والسنه الي طافت كنت بالتدريب العملي بالبحر يعني ما تهنيت الا كم يوم بس ..الحمدلله على كل حال

الدراسه هنااك صعبه ولا سهله؟ وتخصصك الجنس اللطيف عادي يدرسونه ولا مقتصر للشباب؟
الدراسه مب معقده بس يبون اهتمام ... واهم شئ الحضور لو غبت مشكله ..تخصصي فيه كم بنت انجليزيات بس ماحسهم بنات ..عفان الله

اللحين راس الخيمه قامت تطور ,شو رايك بالتطورات اللي صايره اللحين وشو شفت من هالتطور
التغير حلو .. وشئ لمصلحة الشعب نباه .. شفت صور الشوارع بس ..

اتحب الاختلاط بالشحوح ههههههههههههه (شحيه ههه)

اوووف ليش ماحب .. يدتي شحيه قح باديه مال اليبل بعد.. واعرف ارمس شحي .. ( البن بيئ ) تعرفين معناها ..؟ بييب لج حلزونه لو عرفتيها



اذكر لي موقف خلى دموعك تنزل
وفاة الجده ... الله يرحمها .. ماذكر شئ ثاني