[quote=Time_Racer;109142]عدنا من جديد!!!
مرحبا بك وبأسألتك الحلوه
والآن هناك بعض الاسئلة والتي تدور في بالي بشأن المستقبل:
1- المهنة الطبية كائنا ما كانت ، ألا تلاحظين أن مرتب الدكتور ذاته في الحكومة أضعف من مثيله في أي دائرة أو وزارة أو مؤسسة خاصة أخرى ، فكيف بالممرض أو الصيدلاني؟ ألا يؤرقك هذا الأمر وتعيدي التفكير أكثر من مرة بشأن النجاح المستقبلي خصوصا مع المشاكل التي تواجهها وزارة الصحة
صح الحق عندك بخصوص هالشأن لان المرتبات فوزاره الصحه ضعيفه بالمقارنه مع المؤوسسات الثانيه وان شاء الله الحال يتغير بس هالشي مايمنع ان الواحد يدرس وياخذ اعلا الشهادات والشهاده سلاح مافادت اكيد مابضر و كل انسان يقدر يبدع فمجاله ويبذل اللي يقدر عليهم عسب يثبت عمره ويوصل للهدف اللي فباله ..
2- هذه ملاحظة على أهل الطب، ألا ترين أن الطبيبات المتخصصات في مجال الجراحة قليل جدا ، حتى أني نادرا ما أسمع بهن ، فلم رأيك السبب في ذلك ، رغم أن حالات الجراحة كثيرة لدى النساء
يمكن لصعوبه وقوه المناظر اللي بتتعرض الها لو تخصصت الطبيبه فهالمجال ومعروف ان قلوبهم رقيقه وماتتحمل ومب اي وحده تقدر تكمل فهالمجال لانه يباله قلب قوي ...
3- التفاؤل والتشاؤم في الحياة هل لكل منه نصيب في حياتك ، أم هناك فلسفة خاصة بك؟ وكيف تواجهين المواقف الصعبة إن أحلكت عليك الدنيا وضاقت؟
بطبيعتي دوم متفائله وعندي امل بكل شي مع الصعوبات اللي مريت فيها بحياتي ...
بذكر موقف مريت فيه بالمدرسه وانت احكم بنفسك من لما كنت صغيره حاطه فبالي اوصل لهدف معين واحققه مهما كانت الصعوبات وبطبعي مااحب اذاكر وايد او حفظ وايد احب اعتمد ع ذاكرتي واستيعابي للمنهج ومااحب اضغط ع عمري وفبدايه مشواري اللي هو بالعلمي والادبي لقيت اسمي بالادبي مع اني حاطه علمي لما رحت وكلمتهم رفضوا ينقلوني بحجه انه مستواي ادبي رحت وخذت كتب العلمي ووقعت باستلامي لكتب العلمي وبينت الهم اني قويه ومتماسكه واول ماوصلت البيت انهرت ومت من الصياح لدرجه اني رفضت اسير المدرسه وابا انتقل لمدرسه ثانيه لانهم بهالتصرف هدموا طموحي واليوم الثاني انحلت المشكله بتدخل الاهل طبعا ورحت علمي وصدقني كان من الصعب اني اكمل تخيل ان كل مدرسه تدخل وتقول العلمي صعب وصعب انكم اتمشون فيه ويبا له مذاكره واللي مستواها ادبي تروح ادبي احسن وانا اسمع من اذن واطلع من الثانيه ولااتأثر بكلامهم وفنهايه مشواري دخلت الجامعه والكل يقولي مابتمشين التخصص صعب وايد و اللي وياج كلهم اوائل الدوله والحمد الله مشيت بفضل ربي ولو استلمت وتشاءمت ماظنتي بوصل لشي ..
4- الغضب هو أحد الصفات التي يصعب على الانسان التغلب عليها، فماذا تفعلين كي توقفيه ؟ وخصوصا إن غضبنا من الذين نودهم ونعزهم يكون أختبارا عظيما فماذا تفعلين؟
اذا كنت معصبه احاول ع قد مااقدر اني مااكلم حد لاني اخاف اغلط ع ناس احبهم واعزهم واكيد بندم عقب فافضل اكون بروحي لين مااهدء وافكر بالموضوع بعقل وبدون تسرع ....اما اذا انسان غالي علي معصب اسكت او اتكلم معاه ع حسب شخصيته في ناس لو كلمتهم وهم معصبين تمتص غضبهم بسهوله وفي لو سكت وسمعت رمستهم تمتص غضبهم واسلوب التعامل بيكون ع حسب شخصيه الشخص ..
المشاركة الأصلية كتبت بواسطة قد الحب
