11.500درهم قيمة مخالفات سائق خلال شهر واحد في أبوظبي !! (صورة حصرية)

[راشد]

ما ادري عاد شو بيستفيد !!
الله يهدي اليميع ان شالله ..

آمين
شكرا على ردج

[راشد]

الله يكون بعونه
الكل يقول ليش يسرع
السرعات المحددة مرات مش منطقية بالذات في بوظبي
مثلا شارع الكرنيش بالرغم من انه الشارع سريع (المفروض) الرادار يمسك على 60 >> في الرمس امشي اكثر من 60!!!!
في مدخل بوظبي عند التحويلات يمسك على 80 ما ادري 90 !! >> أمرهم غريب
اغلب المخالفات تصير في الفترة الصباحية الزحمة مش طبيعية والناس تبي تروح الدوامات
اغلاق شارع السلام مسوي مشكلة داخل بوظبي والاوضاع مش مريحة
مع ذلك تشوف الرادارات في كل مكان وتمسك على سرعة بطيئة
و من كثر التوتر اللي يسببه ضغط الزحمة الواحد يعدي الاشارة الحمراء وهو مب حاس بنفسه..
بعدين الأخ معدي زيادة 10 km/h ويدفع 400 درهم ؟؟ والبقية ارقام شبه خيالية !!
(كيف تقدر تلوم شخص يمشي في شارع الكرنيش وممكن حتى يكون فاضي على سرعه 70 ويدفع مخالفة 400 )!!

الكل يقول ليش مخالف 19 مخالفة لكن بعد اللي عايش في بوظبي ما يلومه
لانه يعرف انه موضوع المخالفات اصبح تجارة اكثر من كونه حفظ للسير ووقاية من الحوادث !!!
رسوم المخالفات مبالغ فيها وزادت مثلها مثل بقية الأسعار
الله يكون بعونه
نصيحة: دور لك على واسط تشيل نص المخالفات عالاقل ترا الزلمات مب احسن منك يالمواطن

هذا هو الرد المناسب .. ما عليج زوود
والله انج صادقه في كل إلي قلتيه ..
تسلمين على ردج
اما بخصوص الواسطه .. ما اعتقد لانه اذا يبا ينزلهم لازم محكمه و غيره ..
عالعموم تسلمين ..

[راشد]

الصراحه أخوي راشد غلطت يوم حطيت هالموضوع .. كلو الريال بكشوره خخخخخخخ الصراحه الله يحفظه وقوله عن السرعه وهالله هالله .. بس أفضل لويسوق سيكل يمكن تكون المخالفات شوي اقل .. ما اتخيل شكله ع جسر المقطع خخخخخخخخخ وهو فالسيكل .. والسموحه وتشكراااات ع الموضوع

شو ما كلوه هههه
سيكل اونه
شكرا على ردج

[اماراتيه خطيره]

ههههههههههههههههههههههه


والله مادري شو اعطيه هديه لي جيه لازم تكريم له

ما قول غير ربي يهديكم ويحفظك من شر سرعه

يسلمووو ع الطرح

[راشد]

ههههههههههههههههههههههه


والله مادري شو اعطيه هديه لي جيه لازم تكريم له

ما قول غير ربي يهديكم ويحفظك من شر سرعه

يسلمووو ع الطرح

تكريم اونه ههههههه

آميييين

شكرا على ردج

[راشد]

هههـه ،،
ياللـــــــــــــــــــــــه !!!
اللـه يكــون في عوونـــه و اللــه ،،!!!!!
و مـآ بلومـه ،، لآنـه أكيد مب أول وآآحد خخ ،،
اللـه كريـم بس ،،

هيه صح مب اول واحد ..
تسلمين على ردج

[راشد]

السلام عليكم ورحمة الله وبركاته
هذا شي طبيعي تقدرون عيل تتصلون على 8003333
وتستفسرون على سيارة اخوي رقم راس الخيمه ورقم الموتر ××××× مب القلعه العادي وجوفو كم مخالفاته فشهر واحد بس
يمكن اخوي اكثر واحد فالإمارات عنده هالمخالفات لمدة شهر بس داوم فبوظبي فسويحان ويمع هذا كله بصور مخالفاته وبروايكم انشاء الله عليه يمكن فبوظبي 50000
وباجي بعد دبي والشارجه وعيمان وام القيوين وراس الخيمه وشي بعد بالفجيره
هذا منو قده عاد خبله وادعو ان الله يهديه
الشباب يبون حد يصفق لهم ويقولولهم رياييل على هالسرعه
انا ولد خالتي اتوفى فسبة السرعه واضني كلكم عارفينه وجايفين الموضوع فالمنتدى اسم المرحوم علي راشد اليتيم النقبي من راس الخيمه عمره 20 سنه لفت عليه شاحنه وماقدر يتحكم فالسكان فعجلة القياده على قولة العربيه الفصحه
المهم يا اخواني السرعه مب زينه ولا انها فمريله وامطار الخير نازله علينا فراس الخيمه ولا تضيعون اعماركم بسبة السرعه
وهالله هالله بالصلاه انا ماكنت ملتزم خير شر الا من عقب ما اتوفى المرحوم قمت اصلي ومااسرع والله يهدي الجميع يا اخواني
تعديل إدارة 6

وعليكم السلام ورحمة الله وبركاته
ماشاء الله عليه ..
ما خلا مكان ..
الله يحفظه ويهديه إن شاء الله

[راشد]

بس 11.500 عيل لو اراويكم مخالفات موتري بتيودو شعر راسكم

هههههه الله يهديك
شكرا على ردك

[راشد]

أنا أقول في التأني السلامه...
وفي العجلة الندامه...

صح كلامك
شكرا على ردك

[راشد]

فعلًا أخونا و غيره و غيره يبغونا نقول لهم ريااااااااااااااااااااااااااااايل
ريااال يا اخوي
ريااال

لا تقولون اني حاطه على الريااال ،، أنا ما اقصده هو بالذات و ما اقصد موقفه هذا بالذات
يمكن فعلا يكون (مو مسرع مسرع) بس فيه مشكله بالرادارات أو العمليه صارت تجاره فعلا لكن كلامي موجه له ( إذا كان مسرع ) سواء في هذي المره و الا بشكل عام و كلامي للي يتصرفون بنفس هذي التصرفات


عذرًا لاني رديت مرتين بس من حرتي
























و تره عادي أرجع أرد ثالث مره
عادي البيت بيتي <<< وين قاعده الاخت

لا تعليق
حياج الله في اي وقت ..