يوم ماقدرو يسون شي قالو هذي اشاعة ومن نسج الخيال
هذا يدل على عدم قدرتهم على السيطره على اتفه الامور
الناس اقتحمو بيتوهم وأضربو أمهاتهم وكسرو سيايرهم مب متفيجين يطلعون اشاعات على عمرهم
وبعدين مب شرط تكون عصابة افريقيه حتى لو كانو اسيوين مثل مايقولون ؛؛
اوكي الاسيوي مب مجرم ينخاف منه
المشاركة الأصلية كتبت بواسطة ريهام
كيف تقولون اشاعه وهوه كله صدق
الشيء اللي ماذكرتوه للحين كم حالة اغتصاب الشغالات بالفتره الأخيره؟؟؟ كم بلاغ في هالشهر وصل لشرطة الرمس من تكسير السيايير ؟؟؟ كم بلاغ وصل اعتداء على اصحاب البيوت.؟؟ لازم نسوي لقاء مع الحرمه اللي اعتدوا عليها بالضرب والكل يعرف هالشئ عشان تصدقون يعني لين يموت شخص عقب بتقولون الخبر صدق مب اشاعه شو هالعقل اللي فيكم كل هذا اللي يصير وبعد تقولون اشاعه بعيونا نشوف البلاوي ويقولون اشاعه ل متى يعني بيستمر هالمسلسل ونحن نقول اشاعه ترا اذا الموضوع ما اتخذ بتحري دقيق بتكثر فيه المصايب
عايشين بقلق نفسي رقادنا متقطع من الخوف صرنا نتخيل كل صوت يطلع انه فيه حد موجود
بي اليوم اللي بيمسكون هالاجراميين .... واتمنى عاجلا غير اجل
لاتقولون اشاعه لان كل يوم نسمع قصه جديده يعني الموضوع في تطور
اشكر شباب الرمس خاصه وراك عامه على وقفتهم القويه لحماية المنطقه صج صج انهم اسود الرمس
ياليت لو حد يترك رقم معين وينشرونه عشان لو صار اي شي يخبرون الكل عشان يفزعون للمكان
الله يحفظكم يا عيال بلادي والله يديم علينا الأمن والأمان
ترا هذي لا اشاعاات ولا شي
الشرطة بس جي تقول عشان ما يخوفوونا
لان بيت يرانا ناقزيين لهم ونحن نعرف هالناس
وطلع صدق للأسف
بلاكم انتو ع البلااااك بيري لولا البلاك بيري جان محد عنده خبر
صح انه البلاك بيري يكووون فيه خرررط بس مب على كل الحالات عاد
وبعدين اقولكم شي ماشي دخااااااان بدون ناار والزوبعه اللي صارت مب شويه
شكلهم يتريون شي كبير يصير عقب هايك الساااعه اللي مجذبيناا بيصدقووووون
الله يحفظ الكل يااااارب
شوالحين السالفه صدق ولا اشاعه مب فاهمين شي طمنونا
حفظ الله دولتنا الإمارات العربية المتحدة من كل مكروه
السلام عليكم ورحمة الله وبركاته
في البداية أقدم جزيل الشكر والتقدير للجميع على الجهود التي بذلت لتحقيق الطمأنينة والأمان في المنطقة ، أرغب أن أوضح معلومة وهي أني من مستخدمي جهاز البلاك البيري ، وليس العيب في الجهاز أو التقنية ، دائماً يكون العيب في سوء الاستخدام ، ما تم تداوله عبر الرسائل ما بين إشاعة و حقيقة ، نحن نعرف أن بعضه صحيح من اعتداء على سيدة(وكان من جنسية آسوية)وكسر للسيارات (الله أعلم بالمتسبب) .
لا أطيل عليكم ولكن ما أريد اقتراحه هو تخصيص سكن عمال يكون خارج المنطقة ، وليس كما نراه حاليا في بعض الأحياء القديمة في المنطقة حيث يكثر تواجدهم ، ثانيا يجب أخذ الحيطة والحذر دائماً.
اتفق مع الكثيرين بان الاشاعات لها مردود سلبي
ولكن هناك دروس وعبر يجب التوقف عندها
وذلك من خلال التلاحم بين ابناء الرمس فالسراء والضراء بالاضافة الى الاستعداد والتجاوب السريع في الحالات الطارئه والمفاجأه
عموماً الكل يعلم بان العمالة بمختلف جنسياتها قد اكتسحت دولتنا بشكل مخيف ينذر بالخطر ان لم نسيطر عليها نظراً لما يحملونه من فكر ومعتقدات وديانات غريبه على مجتمعنا وهذا ظاهر للعيان
نسأل الله ان يحفظنا من كل سوء او مكروه
الله يكون في العون والله يستر ان شا الله
لا حول ولاقوة الا بالله
لنرتقي بتفكيرنا وأفكارنا إلى المستوى المطلوب ولو قليلا
أيعقل في مدينة كلها أضواء وبيوتها متقاربة فيما بينها
أن يأتي إليها لصوص بدافع السرعة وخاصة أن الاجواء هذه الايام باردة
وأغلب الوقت يعم الهدوء .. وأي حركة بسيطة وصغيرة يتم رصدها
فما بالنا بلصوص وعصابة ..
وأرى في الصور كأن هناك حربا قادمة !!
لنرقى بأفكارنا وعقولنا قليلا ولندع لرجال الأمن المخلصين القيام بواجبهم على الوجه الأكمل
ولا تأخذنا الشائعات لأمور مضحكة .. يضحك الأخرون بها علينا ..
كل الشكر للتغطية والخبر
..
..
ضوابط المشاركة
رد مع اقتباس
