((عجيب غريب)) مسلسل كوميدي يسيء الى رأس الخيمة واهاليها

[العنود]

ماعليكم منهم لاتهتمون ف رمستهم المهم انكم واثقين من اعماركم وهذا اهم شي واهل راس الخيمه كلنا انحبهم بس في ناس مايحبونا ونحن مب مسوين شي والله يهديهم

[العنود]

ماعليكم منهم ولاتهتمون فرمستهم اهم شي انكم واثقين من اعماركم وكلنا انحب اهل راس الخيمه بس في ناس مايحبونا ونحن مب مسوين شي والله يهديهم

[حور العين1]

لا والله بالعكس المسلسل وايد حلو ومافيها شي


انت فاهم السالفه غلط يمكن ؟؟؟

[سفاحة الرمس]

اممممم احس عادي

مافيها شي

[خليجيه وكلي فخر]

الله يهديكم بس
احس انكم مضايجين انفسكم
فديتكم والله الامارات واهلها على روسنا من فووق
وانا تابعت المسلسل وبصراحه وايد حلوووو
وسهيل وعبيد هم اللي محلين المسلسل
برمستهم الغاويه
فخاطريه بس اعرف شو اللي مضايجنكم واللي مخليكم تعصبون
لايكون على ملابس سهيل وعبيد؟؟؟
عادي فديتكم ماشي يزعل بالموضوع
فيه ناس وايد محتاجين بكل مكااان بالدنيا "ويليت بس اتجوفون
مسلسلنا (طاش ماطاش ) اللي يتكلم عنا وعن النماذج والمواضيع اللي موجوده عدنا
بالسعوديه ///ولازعلنا ولاشي
واحنا نعرفكم ياهل <<<رأس الخيمه>>> ونعرف اخلاقكم الطيبه
فديتكم /// واكييييييييييد ماراح نغيير نظرتنا فيكم لووو شو بيستوي
____________________________
اما هاييييلا الهنود والزلمات
اللي منتشرييييييييييين بكل دوول الخليج
وحتى بيصيرون اكثر عنا شووو تبوونا نسوي فيهم
خلاااااااااااص صاروا اهل الخليج
لدرجة تيي تبا تسأله عن شي يرد عليك من غييير نفس
عنبووووو انته ماأسترزقت الا من بيزاتنا يعلك العووق <<<استغفر الله بس
___________________________________

وهاا اللي عندي

اختكم ومحبتكم دوووووووووووم

خليجيه وكلي فخر

[هذا انـا]

الشي الحلوو اللي ف المسلسل عباس و حرمته و ضبابه

و اللي قالوه عن راس الخيمه غلط ف غلط
راس الخيمه الاماراه الوحيده اللي لا زالت محتفظه بعادتها وتقاليدها و ناسها عايشين بخير ونعمه و اللي شفته ف ها المسلسل الصراحه شي غلط , ونحن واثقين من نفسنا بس اللي يشاهد ها المسلسل شو راح يقول خصوصآ انه يعرض على قناه دبي الا هي القناه اللي الكل يتابعها من دول العالم وعن طريقها يعرف اللي صاير ف الامارات , شو راح تاخذ الناس فكره عن راس الخيمه , ليش ينقلوا فكره غلط عن راس الخيمه مب نحن ف دوله الامارات يعني دوله وحده ,
كل دوله فيها الفقير و الغني بس هم ف المسلسل سلطوا الضؤ على الفقر و دفاشه و ان اهل راس الخيمه غجر الصراحه ها الشي مب حلو بحقنا نحن والا ف حق دوله الامارات , اتمنى من المسؤلين انهم يتخذوا الاجراءات اللازمه و اعاده السمعه الطيبه لراس الخيمه واهلها
وما عاش من يغلط على راس الخيمه و على اهلها
وكلنا اهل و اخوه و الكل يعرف الثاني و الراوبط الاجتماعيه اقوى من اي اماره ثانيه

والسموحه

[dalal]

الصراحه المسلسل حلو وبعدين يا جماعه الخير هم ما يقصدوووووون كل اهل راس الخيمه انهم دفشين ومتخلفين ولا ولا ولا هم يقصدون فئه من الناس جيه يعني نحن اهل دبي ما عندنا ناس يتميزون بالدفاشه ولا التخلف
ولا بعد البلوش الله يهديهم هني في دبي سمعت انهم اشتكو فالبث المباشر على قولي حليلها
والله انها تونس حداحدا

يا جماعه الخير اذا تمينا ننتقد كل شي جان حياتنا كلها نكد في نكد

حدا حدا
السمووووووووووووووووووووووووووووووحه

[جروح]

مايخصه والله

المسلسل جدا رائع لا يسئ ولا شي ولو شفت بعض الحلقات يقولون ان اهل راس الخيمه هم اللي متمسكين بعداتهم وتقاليدهم يعني نفخر في هالشي

[فيصل محمد]

السلام عليكم

بالعكس المسلسل جميل جدأ ويلامس واقع موجود منذ زمن ولا يزال موجود حتى اليوم .. أعتقد ان البعض ياخذ الامور بعصبيه .. خصوصا .. مثلما قال البعض .. بانها اسائه .. لم ارى اسائه ابدأ لاهالي راس الخيمه من خلال هذا المسلسل ولكني ارى .. انهم محافظين لعاداتهم وتقاليدهم حتى اليوم ...

بالنسبه للهجه .. محد يقدر ينكر . هذا ..

[قطرة من الأمل]

المسلسل فيه بعض الحلقات الحلوة
وهو مسلسل كوميدي
وانا شخصيا ً أتابعه

ولكن

الممثلان (سهيل وعبيد)
(وهما من رأس الخيمة)

أعتقد أساؤوا لأهل رأس الخيمة بظهورهم بهذه الملابس
ملابس رثة
غير مكواية
الأزرار مفتوحة

وخاصة كندورة واحد فيهم لونها برتقالي

يعني هم يبينون للناس بأن أهل رأس الخيمة غجر ومش مطورين
وأهل رأس الخيمة عايشين بين الحيوانات وهذي حياتهم
وخاصة يوم شرب العصير كأنه في حياته ما شرب ولا شاف شيء اسمه عصير

من حق أهل راس الخيمة يزعلون

محد يحس بالجرح غير رأس الخيمة وأهلها

أكيد ما كانوا يقصدون الإساءة
ولكن
هذا اللي حصل

والمسامح كريم