تسجيل دخول

عام زايد 2018


عدد مرات النقر : 159
عدد  مرات الظهور : 6,349,326

العودة   منتديات الرمس > المجالس الاخرى > مجلس الاسرة الاماراتية > مجلس النواعم

مجلس النواعم مجلسنا يهتم بملابس الأطفال والعطور والمكياج واهتمامات المرأة

إضافة رد
 
أدوات الموضوع انواع عرض الموضوع
  #1  
قديم 29 - 9 - 2011, 05:09 PM
ام محمد من راك ام محمد من راك غير متواجد حالياً
عضو فضى
 
تاريخ التسجيل: 16 - 4 - 2008
المشاركات: 1,544
معدل تقييم المستوى: 55
ام محمد من راك has much to be proud of ام محمد من راك has much to be proud of ام محمد من راك has much to be proud of ام محمد من راك has much to be proud of ام محمد من راك has much to be proud of ام محمد من راك has much to be proud of ام محمد من راك has much to be proud of ام محمد من راك has much to be proud of ام محمد من راك has much to be proud of ام محمد من راك has much to be proud of
Wink طريقتي البيرفكت فالبديكير المنزلي حيااج عزيزتي ودلعي عمرج آخر دلع فبيتج^___^

بسم الله الرحمن الرحيم


هلا خواااتي ^^

احب انزل بين فترة وفترة امور العناية بالجسم عسب الي ماعندها خلفية بهالامور تستفاااد منها فالمستقبل..ومب شرط العراايس هم بس الي يعتنون بعمااارهم
انا استغرب من البنااات الي يهملوون نفسهم ولي يت حزة العرس اتلااقينها متورطة ومب عارفة شتسوي بعمرها ,,وتيلس ادور عن احسن الاماكن الي اتسمكر فيها جسمها >_< انزين ليش من البداية ما تعتنين بنفسج اول بأول عشان تتجنبين كل هالخوف والرهبة الي اتصيبج قبل الملجة او يوم العرس !!!!

عالعموم موضوعي اليوم بيكون عن العناااية بالريووول ,,وراح انسوي بديكير منزلي واظن مافي اريح واضمن من البيت ^_____^ بس البنااات الي فيهن اهيااازة طاغية هم الي يدورون الصالونات هههههه
انا احيدني مرة وحدة بس سويته فصالون ومعرووف واايد فراااك بس حرمت اني اسير لهم عقب ما خبقت ريلي >_< صدق انه ألم فظيع ويوم رديت البيت انتبهت انه صوب ظفري العوود دم شكلها قاصة اليلد بزياااادة وحافرة من خاااطر تحت الظفر ,,والتووووبة ارووح لهم ,,وبعدين احسن للوحدة تشتغل برووحها على عمرها بدل ما تتفصخ لي تحت الركبة جدام الخلق ,,عفكرة يومها موول ما ارتحت وانا جذا يااسه ,,احس هالحريم الي يتكشفوون فالصالونااات واايد جريئاااات >_< واانا يومها صاااااخة على غير العااادة لأني متلوومة عمنظري ابهالطريقة ,,فقلت ما في احسن من البيت واستر لنا ^_____^من هالباب انا انصح كل وحدة انها اتجرب البديكير فالبيت واتريح نفسها من عنى الرووحة والردة عالصاالونات وتدفع مبلغ وقدره على دقايق بس من العناااية ^____^ في حين انها تقدر تحتفظ ابهالمبلغ في شي اهم من جذا او تصرفه في شي ينفعها دنيا وآخره

خلونا نبدى وانقوول بسم الله

اول معلوومة احب اقوولها ,,بخصوص الاغرااض ممكن تاخذونها من نزيه او اي محل يبيع ادوات الصالونات
اول شي,,اييب هالجهااااز واذا ما بغيتي تاخذينه اكتفي بطشت وحطي فيه ماااي داااافي



حطي ملح الريل ,,انا افضل بالليمون والفانيلا لأنه انفه وانفع للريل ومطهر بنفس الوقت ^___^ اترومين تاخذين من نزيه او من بدي شووب عندهم رواايح رووووعه واتخبل ,,المهم اترياااا عليهم من 10دقاايق لي ربع سااعه,,اذا بتستخدمين الطشت حبيبتي لازم بتغيرين الماي بين فترة وفترة لأنه بيبرد عندج ,,من جذا هالجهاااز اخيرلج لأنه بيتم دافي ومنه مساااج يعني 2في1..عفكرة انا احط ويا الملح غطااة ديتووول صغييرة عسب التطهير


اصب المااااي و اظيف ملين اليلد (هذا عساس يطري اليلد وما يتعبني فالشغل,,شي منه واايد اشكال الي دااارج عند الاغلبية اللوون الوردي بس شي مثل ما ذكرت وااايد انواع وألوااان) ,لا اتصبين وااايد حطي قد الفنياااان (شي منه نوووع صغير شرااات المنااكير حق اصابع الريل عقب بشرح عنه فالخطوات اليايه) ,,بعدني بخلي ريلي فالحوووض مال دقايق بس مب واايد ,,وارد اظيف عقبها ماااي حاار مرة ثانية



استخدم المبرد العوود ,,هذا اتحصلينه عند العطاارين وفالجمعياااات وحتى فكارفوور ,,استخدميه عكااامل ريلج ,,حتى عسطح الريل من فوووق ,,يعني مب بس قاعة ريلج ,,وركزي على المنطقة الي اتصلين عليها وقشريها ^^صدقيني بتطرى عندج ولو شي سمااار بيخووز بالتقشير


احينه اييب الموووس ,,هذا من نزيه واترومين اتبدلين الشفرة الفوقية ,,والموس استخدام مرة عقب اتعقين الشفره الا اذا حبيتي تستخدمينها اكثر من مرة (ولج انتي برووحج بس مب لحدن غير) من اتخلصين منها حطيها فماي وديتول عقب نشفي الشفرة وحطيها داخل الفووطة او كلينكس لين المرة اليايه..بخصوص طريقة استخدام هالشفرة ,,خواتي بتييبونها من صوووب قاااعة ريلج(الكعب) وبتيرين المووس عداااخل ,,مب من داااخل لي برع لأنج جذا بتزيدين من صلااابة اليلد عجهة الكعب


احينه بشتغل على اصاابع الريل ..اتشوفين هذا الملين؟؟ تراه شرات الي فوق وشي منه بعد لون وردي ,,بس هذا اييج شرات المناكير عسب تتحكمين فالكمية الي تبينها حوالين الظفر




احينه ألبس مفرق الاصابع ,,بتلااقين منه فدااايسو وفنزيه


اقص اضاافري بالمقراااض



اقص اليلد الزااايد حوالي الظفر وبنفس هالاداة ايي احدد شكل ظفري عند الجوااانب ,,لأنه المقراااض العااادي ما بيحدد لي الاطرااف



اييب هالادااااة الي تشبه السجين..هاذي حق نحت سطح الظفر ,,شوفي لها جهتين ,,جهة وااايد حاااده وجهة ثانية عادية ,,شوفي معاااي الظفر العوود بنبتدي فيييه اول شي ..بتلاااقين شي زواايد فوق الظهر شراااات الرقااقة الضعييفة وهاي عباارة عن زواايد يلدية طاغية عالظفر,,المهم بتلااقين شي منها يتبطل ابسرعه وشي بصعووبة,,اول شي بييب الجانب المب حاد وااايد وبيي انحت الظفر عداااخل مب عبرع عساس اوسع من حجم الظفر..ولو لقييتي صعووبة في انج تنحتين اليلد الفوووقي حزتها استخدمي الطرف الحاااد لأنه ابسرعه بيشله بس حاااذري لأنه وااايد حاااد وبسرعه يشل اليلد (هذا السبب في جرح ريلي المرة الي طااافت فالصالون)



احينه اشكل اظاافري بالمبرد العاادي ^^ واقوس الظفر او اخليه سيده



احينه استخدم هالبروووش في اني انظف الاظاافر من دااخل وبرع ,,ألبسه بإيدي واحرك البرووش يمين ويسار بسرعه وارد اغطس ريلي فالمااي


احينه اييب المقشر وهالنووع وااااااااااااااااايد زين ^__^امكوود فالجمعياااات ,,اوزعه على ريلي كااامله فوق وتحت واسوي مسااااج بسييط لها بالمقشر


احينه اييب هالمبرد,,اول شي استخدم الطرف الي ياي فيه حصاااااة البحر ,,واتم ابرد وآخر شي ابرش بالفرشة وارد اغطس ريلي مرة ثانية


والحيين دلعي عمرج آآآآآآآآآآخردلع وانتي براااحتج ,,اتنقي الريحة الي تحبينها ,,فبدي شوووب نكهااات اتخبل ,,شمي واختااري الي تبينه ,,احب اسوي المساااااج وااايد حق ريلي بالذااات عند القاااعة..اول شي ارفع ريلي اليمين واخليها على ركبتي اليسااار وعقب آخذ كمية بين ايدي( انا عسرى فأشل قوطي زيت المسااااج بإيدي اليسااار واصب فإيدي اليمين) وابتدي امسح ايدي اليمين الي انا شاله الزيت فيها واسحبها من قاااعة الريل لييين الاصااابع وارد اشل من الزيت مرة ثانية بس كمية بسييييطة وابتدي انقط نقط نقط نقط على سطح ريلي (خلي مسااافة بين سطح الريل والزيت يوم اتصبينه ,,لأنه النقط يوم اطيح على الجسم من بعد مسااافة قليلة (بحدود 5سم) راااح اتخليج اتحسين بإحساس روووعة ^^ ورااااحة غريبة بتحسيبها,,هاي نظرية يابانية وكنت اجربها قبل ما اقرى عن هالامور ) ,,عقب افرك ايديني اشوي عسب الي تم فأيدي من الزيت يتوزع عالجهتين ,,المهم انيي لأهم مرحلة فالمساااج ,,وهي الطريقة,,شوفي الغالية لاازم اتكوون ريلج بين ايدينج يعني ممممم اتكون جذا {-} اعتبري انه ريلج هي الشرطة الي فالنص وايدينج هم الاقواااس ^^ فهمتوا علي؟؟ ,,ابتدي من قاااعة الريل واخلي اول 4اصاابع عدى الابهااام في كل من الايدين تحت والابهااام من كل يد يكوون فووق ,,وابتدي اسوي المساااج ,,اول شي احرك ال4 الي تحت بطريقة بطييييييئة جني اضغط على الريل من برع لي داااخل ,,ابتدي امشي من الشمال لي الجنوووب ^_____^ ((ادري صعبة فالكتااابة بس اتمنى تفهموون)) واسوي نفس الحركة بالابهااام ,,آخر مرحلة وهي صووب الاصااابع,,ادخل اصاااابع ايدي بين اصااابع ريلي ( هالمرحلة تراها اتحرك الدورة الدموية وبتريحيج وااايد ) وفآخر المسااااج بقووم بجسف ايدي شراات القبضة وجني اسوي ضرباااات خفيفة وبطيئة عباااطن الريل بإيد وحدة والايد الثانية جني حاضنة سطح ريلي ^^فهمتوا علي؟؟ يعني ماسكة ريلي بخفة بإيد والايد الثانية اخليها شرات القبضة,, من اخلص ريلي اليمين اسوي العكس وارفع ريلي اليساار واحطيها عركبتي اليمين واسوي نفس الي قلته قبل ^^ وبجي انكون خلصنااا المسااااج الطبيعي


احينه ابا اريح نفسي بزياااادة^^ وايلس على قنقة اتريحني واشغل الجهااااز ,,مممم هذا بتلاقونه فالصيني ,,دراغون موول ,,واروم اتحكم بالسرعه الي ابااااها ,,هالجهااز يحرك الدوورة الدموية بعد ^____^


آخر مرحلة اغسل ريلي وانشفها وعقب ادهنها بلوووشن لذييييذ^______^ بعد من بدي شوووب او من اي مكااان


وفالنهااية البس دلااااغ دلع عسب ما يرووح تعبي هباااءً منثووراً ^_____^ واحرص فأول 3 ايام اني عالاقل احافظ على ريلي من الشمس والهوا والغبار بلبس الدلاااغ لأنه اليلد يكوون مكشووط بالشفرة والمبرد ولااازم نحمي البشرة من اي شي يضرها لأنها ابهالوقت بتكوون اسرع من اي وقت ثاااني في تقبل التغييرات الجوية على الريل ^^


عفكرة^^ساعات اسوي حق الوااالد جلسة بديكير >_< جي مب فأخر الجلسة الاااقيه راااقد هههههههه
وووووووووووووووبس اتمنى استفدتوا من الموضوع لأني صدق تعبت فيه ^^ واي سؤال انا حااضرة
بس ملحوووظة بسيطة عزيزتي ,,اترومين اتسوين هالشي 1كل اسبووع بس (باستثناااء سالفة الموس والشفرة لأن يلدج ما بيكون محتاااي كشط شرات اول مرة اتسوين فيها ^^)

دعوة حلوة منكم بظهر الغيب تكفيني ^______^
__________________



رد مع اقتباس
اعلانات
  #2  
قديم 29 - 9 - 2011, 07:49 PM
mischocolat mischocolat غير متواجد حالياً
عضو جديد
 
تاريخ التسجيل: 29 - 9 - 2011
المشاركات: 1
معدل تقييم المستوى: 0
mischocolat is on a distinguished road
رد: طريقتي البيرفكت فالبديكير المنزلي حيااج عزيزتي ودلعي عمرج آخر دلع فبيتج^___^

مشكوره على الموضوع الحلو وجزاج ربي كل خير
رد مع اقتباس
  #3  
قديم 30 - 9 - 2011, 02:34 PM
الصورة الرمزية السامعيه
السامعيه السامعيه غير متواجد حالياً
عضو فضى
 
تاريخ التسجيل: 24 - 4 - 2010
الدولة: والله موجوده...
المشاركات: 1,659
معدل تقييم المستوى: 52
السامعيه has a brilliant future السامعيه has a brilliant future السامعيه has a brilliant future السامعيه has a brilliant future السامعيه has a brilliant future السامعيه has a brilliant future السامعيه has a brilliant future السامعيه has a brilliant future السامعيه has a brilliant future السامعيه has a brilliant future السامعيه has a brilliant future
رد: طريقتي البيرفكت فالبديكير المنزلي حيااج عزيزتي ودلعي عمرج آخر دلع فبيتج^___^

مشكووووووووووره ع الموضوع الحلو ... تسلميييييييين
رد مع اقتباس
  #4  
قديم 2 - 10 - 2011, 01:19 PM
الصورة الرمزية فراشة الرمس
فراشة الرمس فراشة الرمس غير متواجد حالياً
رئيسة مجلس الأسرة الإماراتية
 
تاريخ التسجيل: 28 - 9 - 2007
المشاركات: 1,865
معدل تقييم المستوى: 50
فراشة الرمس is a splendid one to behold فراشة الرمس is a splendid one to behold فراشة الرمس is a splendid one to behold فراشة الرمس is a splendid one to behold فراشة الرمس is a splendid one to behold فراشة الرمس is a splendid one to behold فراشة الرمس is a splendid one to behold
رد: طريقتي البيرفكت فالبديكير المنزلي حيااج عزيزتي ودلعي عمرج آخر دلع فبيتج^___^

بارك الله فيك اختي الكريمة

موضوع يستحق التثبيت

والله يعطيك العافية
__________________


تصميم رووووووووووووووعه ....

جزاك الله كل الخيرأختي إمـرأه لا تُنسـىعالتوقيع

ووفقك الله في الدارين


تستطيع أن ترى الصورة بحجمها الطبيعي بعد الضغط عليها
رد مع اقتباس
  #5  
قديم 3 - 10 - 2011, 03:02 AM
ام محمد من راك ام محمد من راك غير متواجد حالياً
عضو فضى
 
تاريخ التسجيل: 16 - 4 - 2008
المشاركات: 1,544
معدل تقييم المستوى: 55
ام محمد من راك has much to be proud of ام محمد من راك has much to be proud of ام محمد من راك has much to be proud of ام محمد من راك has much to be proud of ام محمد من راك has much to be proud of ام محمد من راك has much to be proud of ام محمد من راك has much to be proud of ام محمد من راك has much to be proud of ام محمد من راك has much to be proud of ام محمد من راك has much to be proud of
رد: طريقتي البيرفكت فالبديكير المنزلي حيااج عزيزتي ودلعي عمرج آخر دلع فبيتج^___^

^_________^شاكرة مروركم

اتمنى الافاااادة للجميع
__________________



رد مع اقتباس
  #6  
قديم 7 - 10 - 2011, 12:04 AM
الصورة الرمزية ست الحبايب
ست الحبايب ست الحبايب غير متواجد حالياً
عضو ذهبى
 
تاريخ التسجيل: 10 - 8 - 2010
المشاركات: 4,675
معدل تقييم المستوى: 83
ست الحبايب has a reputation beyond repute ست الحبايب has a reputation beyond repute ست الحبايب has a reputation beyond repute ست الحبايب has a reputation beyond repute ست الحبايب has a reputation beyond repute ست الحبايب has a reputation beyond repute ست الحبايب has a reputation beyond repute ست الحبايب has a reputation beyond repute ست الحبايب has a reputation beyond repute ست الحبايب has a reputation beyond repute ست الحبايب has a reputation beyond repute
رد: طريقتي البيرفكت فالبديكير المنزلي حيااج عزيزتي ودلعي عمرج آخر دلع فبيتج^___^

__________________
[]
رد مع اقتباس
  #7  
قديم 12 - 11 - 2011, 03:17 PM
شرجاوية و أفتخر شرجاوية و أفتخر غير متواجد حالياً
عضو مشارك
 
تاريخ التسجيل: 9 - 11 - 2011
الدولة: الشارجة . .
المشاركات: 190
معدل تقييم المستوى: 30
شرجاوية و أفتخر is a name known to all شرجاوية و أفتخر is a name known to all شرجاوية و أفتخر is a name known to all شرجاوية و أفتخر is a name known to all شرجاوية و أفتخر is a name known to all شرجاوية و أفتخر is a name known to all
رد: طريقتي البيرفكت فالبديكير المنزلي حيااج عزيزتي ودلعي عمرج آخر دلع فبيتج^___^

وااااااااااايد حلووة الطررريقة مب معقدة ..

ربي يوفقج ويحفظج ..

يعطيج العاافية ..
رد مع اقتباس
  #8  
قديم 19 - 11 - 2011, 10:15 PM
أم الأطفال أم الأطفال غير متواجد حالياً
عضو فعال
 
تاريخ التسجيل: 15 - 11 - 2009
المشاركات: 338
معدل تقييم المستوى: 35
أم الأطفال is a jewel in the rough أم الأطفال is a jewel in the rough أم الأطفال is a jewel in the rough أم الأطفال is a jewel in the rough
رد: طريقتي البيرفكت فالبديكير المنزلي حيااج عزيزتي ودلعي عمرج آخر دلع فبيتج^___^

تسلم ايدج يام احمد

موضوعج راقي ومفيد جدا

والله يعطيج الصحه والعافيه
رد مع اقتباس
  #9  
قديم 12 - 12 - 2011, 09:51 AM
رويه2004 رويه2004 غير متواجد حالياً
عضو جديد
 
تاريخ التسجيل: 7 - 12 - 2011
المشاركات: 2
معدل تقييم المستوى: 0
رويه2004 is on a distinguished road
رد: طريقتي البيرفكت فالبديكير المنزلي حيااج عزيزتي ودلعي عمرج آخر دلع فبيتج^___^

وااااااااااااااااااااااااايد رووووووووووووووووووعه الموضع تسلم ايدج حبيبتي
رد مع اقتباس
  #10  
قديم 12 - 12 - 2011, 09:43 PM
الصورة الرمزية بحر الذكرى
بحر الذكرى بحر الذكرى غير متواجد حالياً
عضو مميز
 
تاريخ التسجيل: 15 - 3 - 2008
الدولة: ~ حيث يوجد الجبال ~
المشاركات: 877
معدل تقييم المستوى: 54
بحر الذكرى has much to be proud of بحر الذكرى has much to be proud of بحر الذكرى has much to be proud of بحر الذكرى has much to be proud of بحر الذكرى has much to be proud of بحر الذكرى has much to be proud of بحر الذكرى has much to be proud of بحر الذكرى has much to be proud of بحر الذكرى has much to be proud of بحر الذكرى has much to be proud of
رد: طريقتي البيرفكت فالبديكير المنزلي حيااج عزيزتي ودلعي عمرج آخر دلع فبيتج^___^

موضوع قيم ومتعووب عليه

بارك الله فيج يالغلا
وما قصرتي

وعساااج على القوووه دووووم




في أمان الله





بحر الذكرى
رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 02:35 AM


Powered by vBulletin® Version 3.8.8
Copyright ©2000 - 2018, vBulletin Solutions, Inc.
Ads Organizer 3.0.3 by Analytics - Distance Education
المواضيع و المشاركات المطروحة بمجالس الرمس الحوارية لا تمثل رأي الموقع او ادارته بل تمثل وجهة نظر كاتبها