خبز الخمير (بالصور)

[الأغين]

[align=right]السلام عليكم..[/align]

[align=center]
من جم يوم وصلني عتاب لطيف من أخت عزيزة تقول (أنها لا ترى الأغين إلا في حدود مجلسها) << اللي هو القلم المبدع!!

[ ابتسمت هناك لصفاء القلوب ورقة العتاب ]

وقررت أن أجوب في أرجاء المجالس!!

وأنزل جم موضوع غير اللي تعودت عليه << وطبعا أجمل بداية تكون عند الأكل

وحسب معلوماتي الريال إذا يشوف مرته تنش من الفير وتخبز الخمير يقول عنها والنعم!!! يا زين ما تزوجت.. شيخة الحريم!! >> وأول ما يظهر من البيت يطالع اللي تمشي بالمول والميك أب تارس الويه وبخاطرة يقول (يا شين اللي عندي في البيت!!)

المهم ما أريد أطلع من الموضوع الأساسي..

يالله يا بنات المنتدى قصوا أظافركن !! >> بلا منكير بلا خرابيط

ويالله جدامي عالمطبخ! >> أدريبكم مش فالحات إلا بتقطيع السلطة


وتعلمن طريقة عمل (خبر الخمير)

أولا: مكونات العجين (طبعا الطريقة مسروقة لاني وببساطة أكثر شي اعرف له اني أصور وآكل )

المقادير :

جيلتيين طحين رقم ١
ملعقه صغيره من الخميره
نص ملعقه صغيره من بيكينج باودر
فنجان سكر
فنجان سمن
ذرة ملح
القليل من الزعفران
٤ ملاعق حليب نيدو باودر
ماء دافىء للعجن


ألحين شمري عن ساعديكِ ..

هذي الخطوة يبالها قوة جسدية الصراحة!!


نخلط جميع المقادير مع بعضها البعض مع اضافة الماء الدافىء حتى نحصل على عجينه متماسكه ولزجه بعض الشيء، وتترك العجينه لمدة ساعه في مكان دافىء حتى ترتاح ويتضاعف حجمها.




وكل ما ضربتي العجين كل ما صارت أحلى!! >> تنفع للناس العصبية اتظهر حرتها بالعجين
واللي ما تعرف تخبر الوالدة تساعدها


بعد ما ترتاح العجينه

كوريها كور متوسطة نوعا ما!! شرات اللي بالصورة




بعدها أفردي الكور حتى يصير شكلها شرات الخبز >> شو هالوصف شوفوا الصورة أحسن!!








وطبعا لو كنتِ ربة بيت ممتازة بتنشين الفير وبتزمرين اليمر وتخبزين عليه الخمير << شي جهاز كهربائي لكن عاليمر طبعا غير!! ولا شورايكم؟؟


عموما ضعي العجين المفرود في التاوة مال الخمير (شكلها دائري مسطح)
وخليها لغاية ما تحمر من الأسفل!!



أقلبيها عسب تحمر من فوق!!



وأول ما تحمر أرفعيها من النار بسرعة >> انتي وشطارتج.. وأغلب الظن انها بتحرق !!



بعدها باستخدام (الملاس) شيلي الخبز !!



ولو كانت مهارتج عالية استخدمي أكثر من تاوة >>لانه ياخذ وقت وايد !



ادهني الوجه بالسمن!






وتقدم ساخنه مع العسل أو الدبس



وعليكم بالعافية ..
[/align]


[align=left]
الأغين
1-6-2008
[/align]

[ملك بدون مملكه]

يا سلام عليج ..... حتى بهالغرفه يكون قلمج مبدع بالكتابه .........

.... خاطري الحين اكل ويا دبس وجبن ..... اوووه ذكرتينا بايام الشتا ....

بالعافيه عليكم ........

شكرا على الموضوع والصور .....

الله يحفظج ويوفقج ..

تحياتي

[قوس قزح]

يمي يمي

ياسلام عيلج يالأغين... ياحظ ريلج... وين بيحصل وحده تنش من الفير وتخبز له

" أمس كنا مسووين خمير بس بالمكينة الكهربائية ما ادري جان صورته "

تسلمين الغلا وكثري من هالمواضيع

[جروح]

احم احم ونا شااطره بالخمير والله والله صدقيني ههههههه لان يتني فترات اسوي بالعصريه واوزع للجيران اللكل يتخبل عليه شباب وبنات وشوااب وعييااز ههه

لالا صدق والله

تسلمين حبيبتي كنت اتحراج ريال لان ماعرف شو معنى نكج

[الصحفية]

السلام عليكم ورحمة الله وبركاته ،،


بصراحة الأكلة ولا أروع وأنا أحبها جداً .. وإن شاء الله مرة لما نكون فاضيين بنجربها ..

عادةً لا أدخل هذا القسم ولكن عشانك يا الأغين الغالية دخلت ووضعت بصمتي عليه ..

واعذريني على التقصير ...

المشاركة الأصلية كتبت بواسطة الأغين

وكل ما ضربتي العجين كل ما صارت أحلى!! >> تنفع للناس العصبية اتظهر حرتها بالعجين

المشاركة الأصلية كتبت بواسطة الأغين

[/align]

أيواااااااااااااا .. تنفعلي دي

أُفرغ كل طاقتي فيها ... بس ساعِدي لا يساعدني في الإنهماك بأعمال ثقيلة عليه، فسرعان ما يُعلن عن ارتجافه وضعفه


شكراً لكِ على تلك الوصفة وإلى المزيد من اكلاتكم الشهية ..



الصحفية

[بنت أمي وأبوي]

[frame="2 98"]
رووووووووووووووووووووعه الصرااااااااحه

اشتهيتها يالله عاد الحين منو يسكتني اهي اهي اهي

مايخصني ابا ابا هههههههههههههههههههههههههههههه

تسلمين غاليتي عالطريقه والصور

وبتظاار الايدد

[/frame]

[بن سعيد]

تسلم اخوي عالصور

شهيتنا الصراحه

يبالنا حق الفطور والله

عقبال ما نطلب احد من المنتدى يسويلنا خبز خمير

تحياتي لك ونتريا كل يديد منك

[الأغين]

ملك بدون مملكة

شكرا لمرورك الكريم..

[نفسي عزيزة]

تسلميين اختي الاغيين ع الطريــقه والصور

.....ونترياا اتسويلنا واطرشينهاا لكل اعضااء المنتدى ....

[عايشة زماني]

ياسلااام...
ماشاء الله عليج... الله يعطيج العافية....


خويتج ... & عايشة زماني &