تسجيل دخول

عام زايد 2018


عدد مرات النقر : 156
عدد  مرات الظهور : 6,239,528


الملاحظات

القصص القصيرة والروايات والشعر ( تنزيل كافة الدواوين الأدبية)

إضافة رد
 
أدوات الموضوع انواع عرض الموضوع
  #11  
قديم 24 - 3 - 2012, 05:48 PM
الصورة الرمزية maroko-77
maroko-77 maroko-77 غير متواجد حالياً
عضو جديد
 
تاريخ التسجيل: 1 - 3 - 2012
الدولة: الامارات,راس الخيمة
المشاركات: 27
معدل تقييم المستوى: 0
maroko-77 will become famous soon enough maroko-77 will become famous soon enough
رد: رواية:بيوم الفرحة تركتك

دارين بجديه: انت صدق بتروح عند ربعك
دحمون مستغرب: لا ليش
دارين بعصبيه: عيل ليش تقول حق عواش جي
دحمون: بس جي ماباها اتيي ويانا ابا نكون روحونا
دارين عصبت بزياده:دحمون حرام عليك هاي أختك وحليلها ما شفتها كيف تضايقت خلني انزل عندها احسنلي
دارين يايه تفتح الباب بس دحمون مسك ايدها ولأول مره يمسك ايدها ودحمون ماكان حاس بعمره كان كل اللي يباه هو انه دارين اتتم بقربه وماتهده وانتو عارفين كيف متعلق فيها واايد
دارين حطت عينها بعيونه وكانت حابسه دمعتها وهذا كله من الدهشه والاستغراب ما كانت مستوعبه ليش مسك ايدها بهالطريقه وعصب عليها وقاللها لا تنزل..خافت منه يوم عصب فمانزلت وعاد دارين ما استحملت هي بنت حساسه ونزلو دموعها مثل الشلال ودحمون تضايق يوم شاف دارين بهالحاله وماكان يعرف انها بتضايق من الموقف و تتحسس منه
مسحلها دموعها وقاللها: حياتي كل دنيتي انتي تعرفين اني ما اقصد يعل ايدي الكسر
ودارين كانت ساكته
دحمون: يعني الحلو بيتم زعلان، خلاص عيل تمي ساكته وانا بمشي على كيفي
دحمون حرك السياره وتم يحوط ودارين خايفه
دارين: عبد الرحمن ممكن توصلني على البيت
دحمون: نعم! شو قلتي؟
دارين: عبد الرحمن انا ما اتمصخر ابا اروح البيت يلا
دحمون: انتي تمي عاندي وانا بزيد
دارين: يعني شو بتسوي
دحمون: مايخصج
دحمون راح المحطه خذالهم عشى عشان يعاند دارين وهو يعرف انها تخاف والمشكله فونها مافيه جرج


عند سلوم واحمدوه..
كانو يالسين ويسولفون فجئه دشت عليهم عواش والوقايه كان على جتفها ما كانت تعرف انهم داخل وكانت تدور على مريوم،، احمدوه ما انتبه لانه بالاصل كان يرمس عالبيبي بس سلوم كان بعالم ثاني اول ما شافها وما شل عيونه عليها وعواش اول ما شافته على طول ردت على ورى وركضت على غرفة مريوم وكانت مستانسه وايد
عواش بينها وبين نفسها:"اوييه هذا مادري شو مسوي فيني ليش هو بالذات؟! ليش كل ما اشوفه احس بضلوعي ترجف وما اقدر اوقف على ريولي؟! ليش جي يستوي فيني لما اشوفه ؟!ليش دقات قلبي تزيد بشوفته؟!"
وبنفس الوقت سلوم بينه وبين نفسه:"هالبنيه شو مسويه فيني؟!ماشالله أخلاق وجمال وادب وكل زين حولها ياربي ماقدر اتحمل مابا احرم عيوني من شوفتها احبها احبها احبها كيف بقوللها؟! يمكن تاخذ فكره عني ياربي ساعدني والله العيشه بدونها ما تسوى.."
"وحليلهم ما كانو يعرفون انه كل واحد منهم يفكر بالثاني"
عواش كانت تدور على مريوم واخر شي لقتها فغرفتها ميوده نتيجتها ودموعها على خدها
عواش وهي تركض عندها وتحاول تهديها:مريومتي حياتي شو رايج اليوم نسوي حفله من بينا نحنا الأهل بمناسبة النسب الحلوه
مريوم وهي تمسح دموعها وبصوتها اللي يرجف:تقصدين نسبكم اكيد.. عواش انا كنت حابسه عمري فالبيت وما اطلع وخر شي 97.9
عواش:مريوم حياتي 97.9 يعني 98 المفروض تحمدين ربج تعبج ماراح على الفاضي بالعكس المفروض تفرحون على هالنسبه لانها عدت 95 ..ها شو قلتي شو رايج نحتفل
مريوم وهي مقتنعه بالكلام بس عاندت عمرها شوي: الحمد لله على كل حال.. خلاص احتفلو من دوني.. انا حابه اكون بروحي اليوم
عواش وهي تدز مريوم بمصخره:تعرف تتغلى بعد،اقول مب على كيفج ترى احمدوه بيكون موجود تكشخيله
مريوم بإقتناعها اللي زاد ونست كل صياحها اللي صاحته:صدق!!بيكون موجود..اوكي عيل خلاص انا بكون اول الحضور.. قوليلي شو البس؟..كيف اسوي شعري..برايج احمدوه يحب المناكير احط ولا؟!...
رد مع اقتباس
اعلانات
  #12  
قديم 24 - 3 - 2012, 06:40 PM
الصورة الرمزية maroko-77
maroko-77 maroko-77 غير متواجد حالياً
عضو جديد
 
تاريخ التسجيل: 1 - 3 - 2012
الدولة: الامارات,راس الخيمة
المشاركات: 27
معدل تقييم المستوى: 0
maroko-77 will become famous soon enough maroko-77 will become famous soon enough
رد: رواية:بيوم الفرحة تركتك

مشكورين على ردودكم
رد مع اقتباس
  #13  
قديم 24 - 3 - 2012, 08:46 PM
الصورة الرمزية maroko-77
maroko-77 maroko-77 غير متواجد حالياً
عضو جديد
 
تاريخ التسجيل: 1 - 3 - 2012
الدولة: الامارات,راس الخيمة
المشاركات: 27
معدل تقييم المستوى: 0
maroko-77 will become famous soon enough maroko-77 will become famous soon enough
رد: رواية:بيوم الفرحة تركتك

باااااااااك,,رجعنالكم

عواش:هههههه شوي شوي,,بنتفق على كل شي بس بالاول خلي دحمون اييب دارين,,اصلا انا الحين بدقلها بشوف هم وين عسب اتيي قبل لا يأذن المغرب..
مريوم:ههه اوكي
عواش يودت فونها و دقت لدارين بس للأسف ردت عليها الرساله"عفواً ان الهاتف الذي تحاول الاتصال به مغلق او خارج التغطيه حالياً يرجى الاتصال لاحقاً و شكراً"عواش بدت علامات الاسغراب على ويهها وهي تكلم عمرها "شو السالفه ياربي"
مريوم:بلاج؟؟ في شي؟
عواش:فون دارين مغلق اخاف يكون صار شي وياهم ياربي
مريوم:بعيد الشر انشالله مافي الا الخير انزين يمكن فونها مافيه جرج
عواش:انشالله
مريوم:انزين دقي حق دحمون و قوليله
عواش:هي صح انا كيف راح عن بالي
عواش يودت فونها ودقت حق دحمون
دحمون وهو يكلم دارين:اكيها عواش المتصله و تقولين تضايقت اكيها ما فيها شي"و رد على عواش"
عواش:هلا دحمون..انت وين؟
دحمون:ليش؟ تبين شي من برع؟
عواش:ابا دارين دقيتلها بس فونها مغلق
دحمون و هو يضحك و يطاع دارين:هيه و حليلها فونها مافيه جرج
عواش:انزين عطني ياها بسرعه
دحمون بمصخره:حتى اهنه لاحقينها خلو البنت فحالها مستانسه وياي
دارين و هي تضحك و تمثل انها معصبه:هه هي بصراحه وايد مستانسه عطني ياها
دارين:هلا عواش حبيبتي تولهتي علي..صدق استحي
عواش:وياراسج هي تولهت عليج,,اقولج انا و مريوم اتفقنا نسوي بارتي اليوم من بينا نحنا الاهل عشان نسبنا الحلوه,,شو رايج؟؟
دارين:هي شي حلو انا الحين بخبر دحمون وقوم عمي و انتو خبرو اللي عندكم
عواش:وين نسوي البارتي بتين اهنه نتجهز ولا نحنا انيي عندكم؟؟
دارين:عندكم لان فبيتنا محد ,انا بيكم
عواش و هي مستانسه:اوكي تعالو بسرعه عسب نكشخ نحنا الثلاثه..بباي
دارين:اوكي باي و سكرت عنها
دحمون و هو يكلم دارين:جي شو السالفه شو عندكم,,بارتي شو؟؟
دارين:حياتي انا و مريوم و عواش اتفقنا نسوي بارتي يعني بين الاهل عسب نسبنا و قلت بخبر قوم عمي شو رايك؟
دحمون و انتباهه كله لكلمة "حياتي"وهو يطاع دارين:شو قلتي اول كلمه حبي عيديها
دارين نزلت راسها و هي مستحيه:امم حياتي
دحمون:فديت هالكلمه يوم تطلع من شفاتج..فديتج وفديت كل شي فيج انتي كل دنيتي
دارين و هي مستحيه:انزين شو رايك عشان البارتي؟
دحمون و هو يأشر على عيونه:من عيوني يا روحي اهم شي عندي وناستج كم دارين عندي انا
دارين و هي مستانسه:الله لا يحرمني منك,,خذني على بيت قوم مريوم البنات يتريوني..وانت خبر قوم عمك و اهلك وخبر اهلي بعد
دحمون:امين ولا يحرمني منج..من عيوني,لو تبيني اخذج للقمر باخذج يا قلبي
دارين مستحيه و ساكته..


عن عواش و مريوم..
مريوم و هي تكلم عواش:وينهم هاييل تأخرو
عواش:هي عيل شو الحبايب ما يملون من بعض
مريوم:انا بنزل بخبر الشباب اللي تحت و بقول حق الطباخ يجهز العشى
عواش:لحظة لحظة انا بيي وياج
مريوم:جي منو عندج تحت,,انا عندي احمدوه انتي منو عندج
عواش متلبكه:ها شو ما يخصج
مريوم و هي تغمز حق عواش:سلوم صح؟..كنت حاسه..اصلاً هو بعد تفكيره كله فيج..انتي ماخذه عقله
عواش:شو!صدق!اويييه عيل طلع عاشق مثلي
مريوم:هههه يلا يلا خلنا ننزل
عواش و هي نازله على الدري تغني"طلع عاشق طلع مهتم طلع ذايب طلع مشتاق و انا احسب وحدي المغرم طلعنا اثنينا عشاق"وعاد عواش ماشالله على صوتها يجنن
مريوم و هي تطاع عواش و هي تضحك:ههه صدق انج مينونه ..على فكره يمكن سلوم سمعج
عواش وهي تنتبه على عمرها انه كانت تغني بصوت عالي:اوييه فششششله
وسلوم كان صدق يسمعها و عرف شو السالفه و بصوت عالي قال:احم ..عاش من سمع هالصوت
عواش نزلت راسها و استحت بس عقبها طنشت
عواش و مريوم بصوت واحد و عالي:سلوووم و احمدووه ترى اليوم في بارتي عشان نسبنا
احمدوه:اونكم عاد بتسوون بارتي
مريوم:يب يب في حد عنده مانع
سلوم و احمدوه ستانسو وبصوت واحد:لا طبعا
عواش:يلا عيل خبرو الاهل و البارتي بيكون اهنه فبيتكم سلوم
سلوم:انشالله يا حضرة جلالة الملكة
عواش بمصخره وعفويه:اوييه و جان استحي
مريوم:وياراسكم بسكم تتغزلون فبعض ..تعالي عواش نجهز و نتجهز
عواش:ههه اوكي يلا
ثواني و اندق جرس البيت وكانت هاي دارين
عواش:اقولج مريوم روحي خبري الطباخ وانا بفتح الباب هاي اكيد دارين بفتح و بنلحقج عسب نقوله شو يسوي
مريوم:اوكي
عواش و هي تفتح الباب:هلا والله هلا بالطش و الرش ها انشالله استانستي ويا الحب
دارين اهلين فيج..هي عادي استانست..مريوم وين؟؟انشالله صارت احسن
عواش:افا عليج بس دام عواش موجوده ما تخلي حد زعلان..احم احم طبعاً بطريقتي الخاصه
دارين:هههه صدق انج خبله
عواش ودارين دشو داخل عند مريوم
مريوم:هلا دارين اي مس يو
دارين:مي تو حياتي
مريوم:مادريتي اخر الاخبار يا دارينوه
دارين:شو السالفه شو صاير
مريوم:الاخت اللي واقفه صوبج طلعت عاشقه
دارين و هي تغمز حق عواش:يالله يالله مانروم عليج خفي علينا شوي
عواش:ههه لا تكبرون الموضوع كل السالفه و ما فيها اني معجبه بسلوم و سلوم معجب فيني و بس
دارين بمضخره:بس؟!,,والله؟!
عواش:هههه بلاكم عليي انتو يلا يلا خلنا نجهز قبل الاذان
دارين ومريوم:اوكي يلا
دارين و هي ترمس الطباخ اللبناني مالهم:تؤبرني اليوم مسوين بارتي بدياك تسويلي ورق عنب و محاشي و اممم سوي مقبلات كمان وهيك اوكي
عواش و مريوم و هم يطاعون دارين:هي هي بعد
دارين و الطباخ:هههههههه
عواش:يلا يلا مافي وقت خلنا نتجهز
عواش و دارين و مريوم طلعو على غرفة مريوم يتجهزون و يتعدلون و يكشخون حق حبايبهم وعاد كل وحده منهم اختارت شو تلبس وكيف تسوي شعرها ..و بعد ساعتين ونص اذن المغرب والكل يالس فالصاله وتريون ملكات الجمال"الثلاثي المرح"



فالصاله عن الاهل المتيمعين..

ابو دحمون:وينهم الملكات مو جنهم تأخرو
ام دحمون:هاييل البنات ما يصدقن يلاقون مناسبه عسب يكشخون ..خلهم خلهم الحين بينزلون
احمد:تراني مليت
سالم:ماعليك الحين بينزلون


عن البنات فالغرفه..
كانو مخلصين وبيفتحون الباب و بينزلون وكل وحده نشوف الثانيه و تقول:انا حلوه؟
فتحو الباب و مستحين ينزلون و كل وحده تدز الثانيه وتقوللها انتي اول لا انتي اول وبعد ثواني..بعد حوار الاهل وانتظارهم ..نزلو البنات وحده ورى الثانيه ودشو الصاله وكل وحده واقفه صوب الثانيه ومستحيه و منزله راسها
احمدوه و سلوم و ودحمون من الدهشه فاتحين حلوجهم


بنكمل فوقت ثاني و بنقوللكم شو كانت ردة فعلهم و شو صار بعدها انشالله
رد مع اقتباس
  #14  
قديم 25 - 3 - 2012, 11:14 AM
قمة الرحبة قمة الرحبة غير متواجد حالياً
عضو جديد
 
تاريخ التسجيل: 3 - 2 - 2012
المشاركات: 10
معدل تقييم المستوى: 0
قمة الرحبة is on a distinguished road
رد: رواية:بيوم الفرحة تركتك

يلا يا احلا وحدة انتي القمر الساطع
رد مع اقتباس
  #15  
قديم 25 - 3 - 2012, 01:34 PM
الصورة الرمزية maroko-77
maroko-77 maroko-77 غير متواجد حالياً
عضو جديد
 
تاريخ التسجيل: 1 - 3 - 2012
الدولة: الامارات,راس الخيمة
المشاركات: 27
معدل تقييم المستوى: 0
maroko-77 will become famous soon enough maroko-77 will become famous soon enough
رد: رواية:بيوم الفرحة تركتك

بااااااااااااااك

ابو احمد : ماشالله ماشالله تبارك الرحمن
ام سالم: الله يحفظكم يا بنياتي
ابو دحمون:ماشالله عليكم الله يحفظكم
ام احمد: طيحتو الطير من السما ماشالله
ام دحمون: الله يحفظكم من العين تف تف تف
سعيد:ماشالله على ملكات الجمال
" البنات سمعو الرد من الكل الا من الشباب وكانو يتريون ردهم"
ابو سلوم: ها شباب بتمون ساكتين
ابو دحمون: خلهم خلهم بعدهم بالإعجاب والدهشه
دحمون وهو يطاع دارين: ا ا ا مادري شو اقولج دارين مادري من وين أبدا بوصفج .. ماشالله ماشالله " دحمون اول ما شاف دارين نسى كل اللي حوله"
الكل ضحك: هههههه
ام دحمون: ههه ولدي تخبل بلاك جي ترمس
دحمون وتوه منتبه : ههه اسمحولي ما انتبهت
البنات يلسو حذال بعض ومستحيات


بررررررررررب بنكمل بعدين
وبنقولكم شو اللي بيصير

رد مع اقتباس
  #16  
قديم 26 - 3 - 2012, 12:43 PM
الصورة الرمزية maroko-77
maroko-77 maroko-77 غير متواجد حالياً
عضو جديد
 
تاريخ التسجيل: 1 - 3 - 2012
الدولة: الامارات,راس الخيمة
المشاركات: 27
معدل تقييم المستوى: 0
maroko-77 will become famous soon enough maroko-77 will become famous soon enough
رد: رواية:بيوم الفرحة تركتك

بااااااااااااااااااااك

~{البـــــــــــــــــارت الثانــي}~

مريوم بصوت واطي:يعني لين متى؟!
دارين و عواش:اتحملي
"على فكره العائله كلها يعرفون انه دحمون و دارين حب من الطفوله و سلوم حاط عينه على عواش و احمدوه محطي فراسه مريوم"
دحمون:اقول احمدوه ليش دارين احلى عنك
احمدوه:هه لانها اختي يمكن
عواش:اقول خالوه انا يوعانه متى العشى
ام سلوم:يوم بيأذن العشى
عواش:ياربي خالوه انا وايد يوعانه
ام دحمون:خلاص روحي المطبخ
عاد عواش ما صدقت على طول قامت و راحت المطبخ و الكل تم يسولف وبعد ثواني
سلوم:بروح اشرب ماي
احمدوه:تقصد انك بتشوف الحب
دحمون:هي هي رايح عسب يشوفها بس
سلوم: جب جب ما يخصكم فينا
سلووم راح المطبخ و عواش مب منتبهه يالسه تغني و تاكل و سلوم كان ذايب بصوتها
سلوم:احم احم
عواش و هي تصد ورى:نعم بغيت شي
سلوم:هي ماي..شو فيج علي انتي؟! انا شو مسويلج
سلوم يود ايد عواش و هي يايه بتطلع من المطبخ و كانت تقول:ماشي بس لو سمحت ابا اطلع
سلوم:ابا اقولج شي بس ياريت انج تفهميني عواش كل مره اقول اني بقولج بس ما الاقي الفرصه المناسبه و الحين صار الوقت المناسب اني اقولج ياريتج تسمعيني
عواش:تفضل قول اللي عندك انا اسمعك
سلوم:عواش انا ماباج تكونين لغيري دخليج انا اباج
عواش استحت و نزلت راسها:ادري انزين
سلوم وهو مستانس:يعني تقصدين بكلامج انه انتي بعد
عواش و هي مستحيه اكثر عن الاول:خلاص انا بطلع الحين بروح ايلس وياهم
سلوم:اوكي هالرمه بخليج بس المره اليايه بتقوليلي
عواش طلعت من المطبخ و راحت يلست بين دارين و مريوم
دارين:شو ستوى
مريوم:كالعاده لازم تتضارب
عواش:لا ما ستوى شي
دارين:عيل شو فيج؟
عواش:مافيني شي
مريوم:ايواا خلاص عيل بسأل سلوم
عواش طنشتهم و ضحكت
"مر الوقت بسرعه و اذن العشا و كل الريايل راحو ويا الشباب و الحريم و يا البنات كلهم راحو يصلون و بعد ما خلصو صلاه
في المطبخ..
مريوم يالسه تساعد امها و دارين و عواش يالسين في غرفة مريوم و يسولفون
ام سلوم و هي توجه الرمسه لمريوم و الشغاله:ودو العشى الميلس و انا شوي ويايه
مريوم:لا امي استحي..
ام سلوم:ودي وبدون رمسه
عواش:انزين بس ثجيل وايد,,حرام عليج امي
وبهاللحظه دخل احمدوه المطبخ
احمدوه:هلا خالوه
ام سلوم:اهلين
احمدوه:خالوه شوفيج معصبه
ام سلوم:العله مريوم مب طايعه تودي العشى اونها تستحي
مريوم:امي انا مو عله ..احمدوه تعال و شله عني
ام سلوم:الله يعينك يا احمدوه
احمدوه وهو يشل الاكل عنها:ههه انشالله..
احمدوه:بستحملها كيف ما استحمل حرمتي
ام سلوم وهي طالعه من المطبخ: ههه جيل اخر زمن والله ..المهم خلاص مريوم احمدوه بيساعدج
مريوم معصبه و مستحيه في نفس الوقت
احمدوه:شحالج مريوم
مريوم:بخير الحمد لله
احمدوه:ترى باجر بنروح دبي
مريوم:اوييه صدق..عيل باجر بنكشخ
احمدوه:نعم نعم ماسمعت..كلكم تتغشون
مريوم:ههه يصير خير بنفكر
"عدا هاليوم على خير و ستانسو و الكل كانت عيونهم على الاميرات الثلاث"الثلاثي المرح"
فاليوم الثاني ترى كلهم باتو فبيت ام سلوم لانهم تعبو وماقدرو يروحون بيوتهم..كل وحده قايمه و تعبانه من ليله امس و الشباب بعد نفس الحاله و الاهل كانو كلهم متيمعين و يتريقون..
ام احمد:ها اليوم رايحين دبي
احمد:انشالله بنروح
دحمون:انتو كلكم بتروحون صح
ام احمد و ابو احمد:نحنا ما بني مواعدين جماعه بنروح وياهم
ابو دحمون و ام دحمون:ونحنا بعد مانروم نروح وياكم في كم شغله لازم نخلصهم
ام سالم و ابو سالم:اسمحولنا يا عيال نحنا بعد ما بني دامهم ما بيروحون و اصلا تعب وايد
سالم:نعم..عيل ليش نروح
ام دحمون:انتو شو تبون فينا روحو و ستانسو
ابو احمد:هي انتو طلعو وغيرو جو
"على فكره هم متفقين انهم ما يروحون عشانهم^*"
عواش ودارين ومريوم:كل وحده فاتحه حلجها ومتحين وايد
مريوم:لا لا ما يصير جي تعالو ويانا
احمد:خلاص قالو ما بيروحون عندهم ظروف
"وكل واحد يشوف حبيبته ويبتسملها..اول ما الكل خلص ريوق يلسو فالصاله ويتمصخرون ويسولفون..صارت الساعه12 ونص وقامو الشباب والبنات يتلبسون"
دارين وعواش ومريوم كالعاده فغرفه وحده
دارين:لازم نكشخ دامنا بنروح دبي
عواش ومريوم:هي والله
عواش:ياربي استحي محد وويانا من الكبار
مريوم:يب يب..بس احس منستانس
دارين:اكيد دام كل وحده وياها واحد يحميها ويحبها
البنات بصوت واحد:ههههههههه
البنات محطين اغاني ومستانسين ويرقصون فالغرفه ويتلبسون ويتكشخون
عند الشباب فالغرفه..
دحمون:يالسلام فضالنا الجو..ياربي مو مصدق بنتم انا وهي روحنا
سلوم:انا عواش بنتمشى روحنا ومايخصنا فيكم
احمدوه:وانا بعد ما يخصني فيكم
دحمون: هي والله
الشباب وهم مستانسين وبصوت واحد يا سلااااام ههههههههه
مر الوقت وكل واحد مطلع بسايرته حبيبته بس كلهم ورى بعض يمشون راحو دبي وستانسو واايد و غيرو جوو عاد فطريج الرده على راك كل وحده كانت تعبانه و محطيه راسها عالجامه و سرحانه و تفكر
عند دارين و دحمون دارين كتانت بعالم ثاني و تتذكر صغرهم و ايام الطفوله,,
"احبها انا وايد اكثر من العابي كل يوم اشوفها اخليها تلبس كابي احس فله استانس لما تشاركني اغراضي لو كانت تبي كل العابي انا راضي ابا بابا وماما و هي نعيش على طول و نصير مثل القصص اللي يقراها يقول:ياليتني نفسهم..بس لا يحلمون هذي حبيبتي و محد مكاني بيكون..ويوم واحد ياه و يتمصخر:انزين خلني اتزوجها و بعطيك ايسكريم..قام و قاله:لا مابي حتى لو تسويلي بيت كله كوافي اختر وحده ثاني هالبنت بس حقي انا انا و هي عندنا قروب و محد يدش معانا..كنا نقول ليش نموت لما نصير كبار عقبها قررنا نصير انا و هي عشاق صغار..مرت السنين و كبرنا فالعمر و البنت تحلو زياده صارت احلى من القمر..فالدراسه هي نجحت ورده و تفتحت لو انزلت مني دمعه حطت ايدها و امسحت..حبيبها اول واحد شافها تلعب بالمكياج..سألها شو تسوين؟؟..اضحكت و ماتت من الاحراج قالت لا تعلم حد ابي العب دور الاميرهاللي بتتزوج و انت بتلبسني التاج..استانس و طار لها و على الالعاب يدوس اركض و ادوس و ما وعيت الا ودش فريلي دبوس..طلع دم..قامت تصيح قلن لها:اششش سكتي اليوم عرسج مبروك يا عروس..كنا قمه فالبراءه يهال و قاعدين نلعب وصلت للعشرين وكنا ضايعين فاللعبه اموت فيها و تحبني و الحاله حدها صعبه"
دحمون:حبيبتي ليش ساكته..ولاحظ الدمعه البريئه على خدها
دارين و هي تمسح دمعتها:ماشي حبي تذكرت طفولتنا و تخيلت اشياء
و دحمون طول الطريج ماسك ايدها و ما هدها
وصلو راك و كلهم كانو تعبانين بس يبون يرقدون..بدلو و خلصو و كل واحد حط راس على المخده و رقد..
مرت الايام بسرعه و خلصت الاجازه وبدا الجد بدت ايام الجامعه و وقت الدراسه
الصبح عند البنات..
كل وحده كانت مجهزه شنطتها ويتريون يوصلونهم عند الباصات..مر اليوم و عاشو جو الجامعه و بعد مرور الايام و الاسبابيع و الشهور وصارو بالكورس الثاني

عند الشباب..
دحمون:افكر اني اطلب دارين من اهلها..دامها الحين فأيدي عادي باجر تكون فأيد واحد غريب
احمدوه:تقدملها يالذيب وشد الهمه
سلوم:هي والله
دحمون:انا بكلم الوالده و الوالد بس تتوقعون دارين بتوافق؟!
سلوم و احمدوه:ههه اكيييييد
دحمون هدهم وراح عند الوالد و الوالده
دحمون فالبيت:احم احم السلام عليكم
ام دحمون و ابو دحمون:وعليكم السلام
ام دحمون:خير انشالله مو من عوايدك ترد البيت بهالوقت
دحمون:اممم..اباكم بموضوع الصراحه
ابو دحمون:تفضل نحنا نسمعك
دحمون:انا ابا اتزوج
ام دحمون وحليلها استانست و لولشتوقالتله:والله كبرت و بتهدني
دحمون:امي يا حياتي البنت مو غريبه تحب جنتج و نارج
ابو دحمو:الساعه المباركه بس ها ترى هذا زواج يعني مسؤوليه و عيال مو لعبان لازم تكون مستعد
دحمون:ماعليك ابوي دارين مو غريبه
ام دحمون:انشالله الجمعه بنروح و بنطلبها من اهلها
دحمون:صدق امي!! ..فديتج والله
ابو دحمون:ههه
"دحمون راح باس راس امه و ابوه و طلع من عندهم و هو فرحان وراح غرفته يبا يدق حق دارين و يتطمن عليها"
دحمون:الوو هلا حياتي
دارين:اهلين فيك قلبي..اشوفك مستانس خير انشالله
دحمون:دارين احبج اموت فيج يا كل دنيتي
دارين وهي مستحيه:بلاك شو السالفه؟؟
دحمون:دارين يا حياتي على يوم الجمعه بنيي و بنطلبج من اهلج
دارين:ها؟!!!!
دحمون:بلاج حياتي شو يعني ما تبين؟!
دارين:اممم لا مو جي بس..
دحمون :بس شو قولي؟!
دارين:خايفه
دحمون:لا حياتي لا تخافين انا وانتي حبنا من سنين مو من كم شهر
دارين:انشالله..يلا انا الحين لازم اسكر ربيعاتي يزقروني
دحمون:انزين حبيبتي ديري بالج على عمرج الله يحفظج
دارين:انشالله و انت بعد بباي و سكرت السماعه

عن البنات فالجامعه..
البنات كانو مستانسين و يلولشون و يصارخون..مبروووك مبرووك والله و بتتزوجين
دارين:الله يبارك فيكم عقبالكم ..مو مصدقه بس خايفه
عواش:وياراسج لا تخافين بالعكس عادي
مريوم:وايد فرحانتلج وااايد..متى بيونج؟
دارين:الجمعه انشالله
عواش:يعني بعد كم يوم..لازم تتجهزين



كااااااااااااااات
بنكمل فوقت ثاني
وبتعرفون شو اللي بيصير وياهم خلكم معانا و نتريا تعاليقكم*_^
رد مع اقتباس
  #17  
قديم 27 - 3 - 2012, 10:56 AM
الصورة الرمزية maroko-77
maroko-77 maroko-77 غير متواجد حالياً
عضو جديد
 
تاريخ التسجيل: 1 - 3 - 2012
الدولة: الامارات,راس الخيمة
المشاركات: 27
معدل تقييم المستوى: 0
maroko-77 will become famous soon enough maroko-77 will become famous soon enough
رد: رواية:بيوم الفرحة تركتك

باااااااااااااك


مرت الايام وصار يوم الجمعه والبنات يتجهزون والكل مستانس لانه هاللحظه يت بهاليوم كان الكل فرحان والبسمه ما فارقت ويههم وبالذات" دحمون ودارين" مع شوية خوف.. الأهل كانو كلهم يالسين وكلهم مستانسين وطلبو دارين من اهلها ودارين وافقت الحمد لله وهي اصلا مستحيل انها ترفض حب حياتها والأمهات من سمعو انه دارين وافقت قامو يلولشون ويباركون حق دحمون ودارين.. الأهل خذو قرار لانهم يبون يفرحون فيهم بسرعه ما يبون يتريون فقررو انه تكون الملجه بعد أسبوعين ...

ام دحمون وهي تكلم دارين:فديتج انشالله تتهمنين بحياتج وهو ما بيقصر وياج بشي انشالله
دارين وهي مستحيه: انشالله
ام احمد:مبروك يا بنيتي وأخيرا يت هالحظه وبنفرح فيكم.. منه المال ومنج العيال يا بنيتي.. الله يهنيكم عسى درب السعادة وهو بيحطج فوق راسه بس انتي بعد يا بنيتي لا تقصرين وياه بشي
دارين وهي تمسح دموع امها:امي لا تصيحين امي انا دوم بكون بقربج وما بهد دحمون اوعدكم ما اقصر معاه بشي حتى
الأمهات :انشالله
البنات خذو اجازه من الجامعه عشان يزهبون عشان الملجه.. لان ماباجي غير أسبوعين وبيملجون .. وكل يوم كانو يطلعون على المولات ويروحون دبي وشوي على بوظبي وشوي الشارجه ويتشرون ويزهبون العروس وأغراضها وكل وحده من البنات اشترت من دبي فستان سهره من مصمم فرنسي والفساتين كان طررر..بس مال دارين كان غير عنهم وكان احلى عن مالهم بوايد وهي جسمها حلو مشالله كان وايد حلو عليها والوانه وايد تليق عليها...


قبل الملجه بيوم..

الشباب محتفلين و مستانسين اما البنات كانو يتحنون ويجهزون العروس وحجزو فالصالون عشان ثاني يوم شعورهم والمكياج...دارين كانت طول الوقت تضحك ومستانسه وكله تفكر بالعرس وتدعي "الله يقربه ويجمعنا"..جهزو غرفه حطو فيها كل ملابس العروس وعباياتها ومخاويرها وكل شي..
دحمون وهو يكلم دارين عالفون:متى بيي باجر..حبيبتي انا وايد مستانس لان هالحظه يت..حياتي كل دنيتي ابي منج توعديني انج ما تهديني ولو شو يصير وانج اتمين بقربي
دارين: اوعدك حياتي انه ما يفرقنا غير الموت اوعدك اني اتم بقربك واسوي كل اللي تبيه
دحمون: بسم الله عليج بعيد الشر عنج يومي قبل يومج حبيبتي
دارين: بسم الله عليك حياتي
دحمون: مو مصدق انه باجر بنملج والله يالس اتريا..
دارين طبعا كانت مستحيه وايد
مر هاليوم على خير وصار يوم الملجه والكل متلبك اكثر شي دارين..دارين راحت على الصالون هي و البنات لان كل وحده يبالها وقت عشان التسريحة والميك اب بس كل وحده راحت بسيارتها عشان اللي تخلص ترد بسرعه..دارين التسريحة اللي سواها كانت وايد حلوه و حتى الميك اب كان وايد طالع حلو عليها ومن كثر حلاتها كانت تخبل العاقل و البنات"عواش و مريوم"كانو مخلصين وكانو طالعين يخبلون..و عشان ما يتأخرون كل وحده راحت بسيارتها وطلعو من الصالون بنفس الوقت كلهم..دارين كانت تسوق وهي متلبكه وتفكيرها كله فدحمون ومستانسه وااايد وفجئه...


بنكمل فوقت ثاني انشالله
رد مع اقتباس
  #18  
قديم 28 - 3 - 2012, 05:50 PM
الصورة الرمزية maroko-77
maroko-77 maroko-77 غير متواجد حالياً
عضو جديد
 
تاريخ التسجيل: 1 - 3 - 2012
الدولة: الامارات,راس الخيمة
المشاركات: 27
معدل تقييم المستوى: 0
maroko-77 will become famous soon enough maroko-77 will become famous soon enough
رد: رواية:بيوم الفرحة تركتك

هههههههههههههه....شو
رد مع اقتباس
  #19  
قديم 29 - 3 - 2012, 11:41 AM
reeman reeman غير متواجد حالياً
عضو جديد
 
تاريخ التسجيل: 25 - 3 - 2012
الدولة: RAK
المشاركات: 19
معدل تقييم المستوى: 0
reeman is on a distinguished road
رد: رواية:بيوم الفرحة تركتك

ثانكس حياتي
رد مع اقتباس
  #20  
قديم 29 - 3 - 2012, 04:46 PM
الصورة الرمزية نبض انسان
نبض انسان نبض انسان غير متواجد حالياً
مشرفة نبض الوطن
 
تاريخ التسجيل: 7 - 12 - 2011
الدولة: فوق البيــــــت
المشاركات: 37,889
معدل تقييم المستوى: 1528
نبض انسان has a reputation beyond repute نبض انسان has a reputation beyond repute نبض انسان has a reputation beyond repute نبض انسان has a reputation beyond repute نبض انسان has a reputation beyond repute نبض انسان has a reputation beyond repute نبض انسان has a reputation beyond repute نبض انسان has a reputation beyond repute نبض انسان has a reputation beyond repute نبض انسان has a reputation beyond repute نبض انسان has a reputation beyond repute
رد: رواية:بيوم الفرحة تركتك

يالله كملى نتريااااااا
__________________

رد مع اقتباس
إضافة رد

الكلمات الدلالية (Tags)
(ta , gs)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 10:33 PM


Powered by vBulletin® Version 3.8.8
Copyright ©2000 - 2018, vBulletin Solutions, Inc.
Ads Organizer 3.0.3 by Analytics - Distance Education
المواضيع و المشاركات المطروحة بمجالس الرمس الحوارية لا تمثل رأي الموقع او ادارته بل تمثل وجهة نظر كاتبها