الخوف ما ينبت بأرض الامارات ()()() وماله على شعب الامارات تأثير
قلعه حصينه في وجيه المغيرات ()()() هذا الوطن حاميه والي المقادير
البيت متوحد ولا فيه ثغرات ()()() دام الفريق اول يحط التدابير
نابليون الشرق الاوسط وهيهات()()()محنك مخضرم طوّف كليب والزير
ماهوب حاجه للشعر والعبارت()()()حنا معه ع الموت والشر والخير
اسرج ظهور الخيل والخيل عجلات ()() واكرب رسنها امسودسات المسامير
هذي بلاد الجيش مابه مراوات ()()() جيشاً اماراتي يهزّ الطوابير
جوك النشاما لابسين المظلات ()() صقور زايد ما تهاب الاعاصير
ان كانها بالجو أبشر بغارات ()() أسراب اف 16 لا طارات اتغير
وان كانها بالارض ابشر بهجمات ()() تزحف عليهم مطبقات الجنازير
وان كانها بالبحر ابشر بساعات ()() اسطول البحر جاهز ولا جاه تقصير
الجيش متأهب في جميع القطاعات ()()والرد موجع ما حصل فيه تأخير
انقصّ! يد اللي علومه طريات ()()وناطى على خشمه ونرميه فالبير
واكبر دليل ٍ للفدا والبطولات ()() فزعة عدن يوم النشاما مغاوير
في نص ساعه حرروا هالمطارات ()() ردوا النقا واستبشروا بالتباشير