اللي عنده خوات وبنات في مدرسة جلفار للتعليم الثانوي للبنات يتفضل .. الساكت عن الحق شيطان أخرس

[PAPAYA]

السلام عليكم ورحمة الله وبركاته

أكيد كثير من الأهالي عندهم خوات وبنات أهل يدرسن في مدرسة جلفار للتعليم الثانوي
لكن مافي حد يرضى على خواته وبناته ينهانون والسبة مدرسة من مدرسات هالمدرسة
وفوق كل هذا المدرسة مواطنة بنت البلاد .. يعني شو خلت حق الأجانب .. نخلص من الأجانب إيونا مواطنات وتبهدل بناتنا .. محد يرضى على عياله وماراح نسكت عن الحق


المعاناة اللي يعانونها بناتنا من هالمعلمة الفاضلة إن بنات الصف كلهن واقفات ورا آخر الصف طول الحصة
والأسباب تافهة ... يعني ماعندها شغل توقف الطالبات آخر الصف .. الطالبات يايات يدرسن ولا يايات يوقفن ورا.. أنا أبغي أسأل سؤال واحد هذي ترضى على نفسها أو أهلها .. أو تعاني من حالة نفسية ذكرتها بالماضي ..المهم وكل طالبة تكلمها تقول لها إش .. حتى لو قالت أبله الله يخليج لو سمحتي تقول لها إش
وأكثرية الدفعة درجاتهم في السبعين وهذا المستوى ثابت لمدة سنتين على التوالي


يعني معاملتها للطلاب معاملة غير لائقة بمعلمة إماراتية .. وين وزارة التربية والتعليم عن جميع المدرسين والمدرسات إن كانوا مواطنين أو غير مواطنين ... لين متى الطالبات أو الطلاب يكونون ضحية هؤلاء المعلمات والمعلمين

أناشد وزارة التربية والتعليم بحل هذه المشكلة اللي يعاني منها كثير من الطالبات والطلاب والسبب بعض المدرسين والمدرسات

شاكرين لكم حسن القراءة