..{ الدراسه الجامعية هل هي ضروره ام موضه تقليديه ..}..
|
بسم الله الرحمن الرحيم..!!
.
.
بعد اسبوع دراسي طويل عريض ..
بعد اسبوع دراسي مليئ بالمغامره والمشاكل والبحوث والتقارير والواجبات..
من زمان خاطري اطرح موضوع يقدر الكل انه يناقش فيه..
يعني من ناحية الشباب من ناحية البنات..
.
.
موضوع ما اعتقد انه يديد بالنسبه لكم..
لكن اسلوب الكتابه اهو الي يختلف..
افكارنا و نقاشاتنا اهي الي تختلف ..
طموحاتنا سنا اهو الي يختلف..
.
.
موضوع جدا بسيط ومحتاج نوع من التفكير والتعمق فيه..!!
ما كتبت لكم الموضوع الا لاني شفت له موقف جبرني اني اكتب عنه..
وهو انه كنا قاعدين فلكلاس ننتظر متى يمر الوقت ويخلص البريك وايي الدكتور ..
خلاص تعبانين هلكانين من الصبح ونحن كراف في كراف..
سألني واحد من الطلاب شو الي خلاك تدخل هالتخصص ..
لاني انا شوي مزعج بلكلاس واسأل الدكاتره وايد..
وعلاقتي فيهم ولله الحمد وايد اوكي..
المهم قلت له بسبب طلاق اخوي.. وبعدين طموحاتي ابا اصير انن شاااء الله وكيل نيابه
قالي لي ايوا..المهم واحد من الطلاب قالي انا ما دخلت هالتخصص الا لانه اسهل واحد..
قلت لها بعدك ما شفت شي .. تونا في بداية المشوار..
قالي عادي المهم واحد ثاني قالي انا ما دخلت هالتخصص او بالاحرى الجامعه .
الا لانه موضه وامشي وياها ؟؟!! انا هني طلعت عيوني على برع قلت لها شو..؟؟
قالي موضه ربعي كلهم متبعين الموضه.. انا ما عرفت شو اقول..!!
السؤال هني الحين يعني الشباب يدرسون علشان الموضه ؟؟
والبنات مثل الشباب بعد يتبعرون الدراسه موضه؟؟.
.
.
..{ ما ابا احد يرد علي بجواب عادي .. ابا الكل يناقش نحن كبار ونمي المنتدى يكون غير ..}
لا ابد , طبعا انا بادرس عشان اتوظف و اخدم بلدي و ديني
الحمدلله الله فاتح على امي وابوي و عندنا خير كثير
بس العلم و دخول الجامعة ضروري زي شرب الموية
في فرق كبير بين المتعلم { المثقف } و الجاهل ..
و المتعلم الا بيتعلم العلم عشان ينفع نفسه و اهله و وطنه و دينه
مو عشان موضة و كلام ...
و الله الموفق ..
موقنة بــــ أن أمانّي قد حان قطافها
يسلموووووووووووو
ع المروووووووووووووور
اذا كانت الدراسه موضه منتشره بين الشباب والبنات ومنها فايده انا مع هذي الموضه الصراحه
دام انه الواحد يضيع عمره على العلم والدراسه ما فيها شي في النهايه بيطلع من الجامعه متعلم شي وعنده شهاده
عكس الموضات الرايجه هالايام الموضه السلبيه المنتشره في البلاد هذي ما منها فايده
اذا كانت الدراسه موضه منتشره بين الشباب والبنات انا مع هذي الموضه لانه فيها فايده وفيها نفع عليهم في النهايه بيتخرجون بشهاده وعلم وتخصص استفادو منه
عكس الموضه السلبيه المنتشره هالايام الي ما منها فايده ولا وراها غير الشر والضرر
يسلموووووووووووووووووووووو
ع المروووووووووووووووووووووور
صح كلامك يا اخوي الصراحه اللي بخاطره يدرس بيكون مجتهد وشاد حيله واللي ما يبغي بيقول لك نحن اصلا داشين الجامعه بس عشان الناس ترمس ويقولون بنتهم بالجامعه والله حاله العالم ما اعرف كيف اتفكر وناس ما حصلتنها هالجامعه
اشكرك على الطرح الحلو
منتديات الرمس نت
يسلمووووووووووووووووووو
ع المرووووووووووووووووووور
انا اعتبر نفسي طموووحه وايد من كنت صغيره وانا ابا ادرس و اكل الكتب اكل
وما اكتفيت بالباجلر ابا ماستر ودكتوراه وابا وظيفه اداريه حلوه وابا وابا وابا واحلم وايد
ما كنت اعتبر هالشي مووضه.. احسه ضرووره عشان شخصيتي وعشان مستواي ما يكون اي شي...
وما كنت بتنازل عن هالشي ابدا.. ولو الريل ياني بشترط عليه انه ما يعارض دراستي وشغلي.. وعادي ابيعه بس ما ابيع "مستقبلي" ع قولتي
بس ف يوم من الايام صارت عندنا مشاكل ف البيت..
وشفت حرمة اخوي كيف يلست ويا بناتها وعيالها وتمت تخفف عليهم وتحاول تحل المشكله وياهم بطريقة فنانة...
وحسيت ان كل طمووحاتي واحلامي ف صووووووب... وتربية العيال صح والاهتمام فيهم بصوووووب...
وكنت اتخيل البنت اللي تهد دراستها وشغلها عشان ريلها ما عندها سالفه..
بس الحين احس اني عادي ف يوم من الايام اسوي هالشي...
يعني الدراسه طلعت مب ضروووره مثل ما كنت اتخيل
يسلموووو
ع المروووووور
ضوابط المشاركة
رد مع اقتباس