كلن من اسمه له نصيبن يواليه

[الشايش]

كل (ن) من اسمه له نصيب (ن) يواليه
واحد(ن) خساره فيه اسم(ن) دعوبه

البعض ما تدري من اللي امسميه
زلة عمر .. يا بالغلط غلطوبه

يا كبر اسم(ن) ضاعت ابه المشاريه
اسم(ن) ولكن ما ملا الاسم ثوبه

تسمع به أبرك من إنكّ اتناديه
ما تكسب إمن اللآش الا ذنوبه

يمشي على اخفاف النفوس المعاتيه
ولى الرجال الفاهمه ما دروبه

عايش كذا مستعطف اللي حواليه
و لقى له ارخوم(ن) اتغطي اعيوبه

هذا يهلي به وهذا يغديه
وهذا على الفضلات ينفض اجيوبه

يا صاحبي لا تغرك اسماء و اوجيه
اختار منها طيبين المثوبه

[حمــودي]

صح لسانك وسلم منطوقك خويه.... بصراحة كثير من الناس تتباهى وهي كلها عيوب ومكشوفة..


ننتظر جديد بوحك ^_^ ( بصراحة عجبني الشعر)