لو خطيبك او خطيبتك ارسلوا هالمسج شو بتسوا

[صدى الصمت]

وانتي بالليل الساعه 3 الفجر كنتي بتحلمي بخطيبج وفارس أحلامج يوصلج مسج منه!!

وفجأة ياج مسج منه:d

وكاتب فيه




7777



777


77


7

مريومتي اسمحيلي ما أقدر أكلمج الحين لأني تعبان وأبي أنام

أكلمج باجر الصبح تصبحين على خير


وإنتي لا مريم ولا أي حرف من الأســم يخصك..!

*شو راح يكون موقفج بصراحه؟

.......

او إذا صار العكس

يوصلك مسج من خطيبتك بالليل وكاتبه
حمودي ماقدر اكلمك الحين .. بنام وان اشاءلله باجر أدق عليك

وانت لا اسمك محمد ولا شي !

المهم نرجع للموضوع

شو بتكون ردة فعلكم؟؟

انتظر ردودكم

[عاشقة القمم]

وابووووووووووووويهـ >>> بتخبل
ما أتخيل يصير فيني جذيهـ


صراحهـ لو كنت أنا حزتها أكيد بكون مصدوووومهـ ومنهااااارهـ فبحاول أتماسك عمري وما أتصرف بنفس الوقت ؛ لأن ساعتها الغضب مشكلهـ ..

وبعد ما أهدئ يمكن أدقله وأتفاهم معاهـ ، يعني ليش يخوووني وليش يسو فيني جيهـ ، ع قولتهم الحمد لله بعدنا ع البر ، وبقوله إذا بقلبك وحدهـ غيرك فحرام تظلمني وياك ، وإذا أنت ماحاس بقيمتي وبشعوري فأرجوك خلنا ع جيه ولا نكمل زواجنا للعرس وآخر شي يصير مالا يحمد عقباهـ !!

وبحاله ثانية يمكن أكلم شخص كبير أنا أرتاحله وبينا ثقه ، عسب يعطيني الحل الأمثل ..

وفي النهاية إذا بيغير طبعه وبيحطني ع راسهـ وبيودر عنهـ خرابيطهـ بنكمل طريجنا ، وإذا عاند وأستنكر وظل نفس ما أهو فهنيه أنا بقوله ( أسمحلي ما أقدر أعيش مع واحد يخوووني ) ..
يعني أكون مطلقه بفترة الملجهـ ولا أكون مطلقهـ بعد العرس..


يارب محد يمر بهذا الموقف ،،
الله يبعد عنكم هالسوالف يارب
ربي يهديني ويهديكم أجمعين

[uae699]

وابووووووووووووويهـ >>> بتخبل

ما أتخيل يصير فيني جذيهـ

[مزووحي]

اقول بيستوي شي مو زين وبس

[kla$h]

انا يوم اتخيلت انصدمت وبغيت اسكر المنتدى لاكن بكون بهم وما بعرف شو اسوي



وشكرا عالموضوع

[kla$h]

انا يوم اتخيلت بغيت اسكر المنتدى انصدمت بكون بهم وما بعرف شو بيستوي فيني وشو بسوي بس الحمد الله ان ما ستو جي



وشكرا عالموضوع

[GTR.77]

وابويه بتخبل خخخخخخ

[GTR.77]

وابويه بتخبل خخخخخخخخخخ

[GTR.77]

وابويه بتخبل وبسير البحر ولا اليبل وبتحر خخخخخخخخخخخ

[فضائي]

طبعا ما بييني نوم
و الصبح عند اتصالات .. لو سمحتوا فصلوا هالرقم من الخدمة

[الأميره الناعسه]

بااختصاار لو كاان اسمه احمد >> بقووله عبوودي مسمووح بالحل تيك يور تاايم وهههههههههههههههه

برد له الصااع صاعييييييين ^^

وبث ..


يسلموو ع الطرح ..

[Her Highness]

اولا خطبيها يعني مافي شي يربطهم لا عقد ولا شي ع اي اساس يطرش الها مسجات



وثاني شي بيي فبالي ان هاي حركه يبا يخليني اكلمه بس بطريقه غير مباشره




ييستدرجني فيها>>> هذا لو كنت اعرف رقمه او يعرف رقمي




لو كان ريلي بسكت وبطنش وبشوف لين وين بيوصل

[Time_Racer]

خطيب وخطيبته ... على التلفون .... عجيب

هل نحن أبناء عرب اعتزوا بشرفهم وأهرقوا دماؤهم ثمنا للحفاظ عليه ؟ أو لسنا مسلمين والاسلام يحرم هكذا علاقات؟؟؟

فمن أين أتى منطق أن الخطيب يكلم خطيبته؟؟؟؟


عليكم أن تعرفوا عادة من هذه

[حور العين1]

وي ما اتخيل

ما اعرف شو اقول

[قلب رمساوية]

ذبحه هههه <<<< ما اتخيل الموقف

[patchena]

موقف صعب جدا صراحه .... انا من النوع العصبي جدا يمكن اكسر التيلفون اطلع حرتي ههههههههههه

يسلمو على الموضوع ..

[حورية متدينة]

اتفق مع كلام ام دحماني

[أوكسجين أنفاسي]

الحمد لله الذي عافانا

بعدنا يهاااااااااااااااااااااال

[noof]

بصراحه انا صارت معاي بس ما سويت شي طنشت

[omkhalid]

يارب محد يمر بهذا الموقف ،،
الله يبعد عنكم هالسوالف يارب
ربي يهديني ويهديكم أجمعين

[بشموخي قاهرتنهم]

اول شيئ بحش ريله وبصفعه طراقاااااات .... وبعدين بطلقه ....هههههه

[L A W Y E R]

فعلاً من متى الحرمـه تكلم خطيبهـآ ع الموبـآيـل ؟؟

الشي كلـه يصيـر عقب الملجـه ،،

لكن قبـل لـآ ،، ممنـوع !!

المهم ،، آنـآ برد ع الموضوع ع أساس انـه " مليجي خخ "

امم ،،

لو طرش لـي هالمسج مـآ آعرف شو بسوي !!

آنـآ روحي من النوع الي يشك بسرعـه ،،

بعد يطرش لـي هالمسج؟؟ نـآقصـه آنـآ لوول . .

امم ،، يمكـن أسكت ،، و يمكـن اوآجهـه ،،

مـآ آعرف و اللـه ، لكل حـآدث حديث ،،

بس لو ظهر يخونـــــــــي ،، يآ ويلـه ،، أيلس في بيت أهلي أحسن !

شكـراً ع الطرح @_@

[مهاااااري]

أولا تسلم اخوي ع الطرح الغاوي
ثانيا أكيد بتم مصدومه وقلبي يرقع حيل
ثالثا بجلب عليه الدنيا وبفضحه في البلاد كلها
رابعا بفصخ خطوبتي اكيد مايشرفني ارتبط بواحد
خاطب ويرمس بنات هذا ماله امان

[كشيخة المزايين]

بسوي فيه نفس الحركه وبغير الاسم

وإلي ما يباك لا تصيح تبااااه

يسلمووو ع الموضوع

[amaane.ae]

هههههههههههههه

حلو الموضوع..والله الحياه حلوه..هو بيكلم البنت الحلوه بيسهر وياها لين الفجر خل يسهر..ليش انا اعاتبه واسويله مصيبه..الله مابيخليه ..ان الله يمهل ولا يهمل..واحمد ربي ان كشفه لي...المستحيلات الثلاث ( الغول والعنقاء والخل الوفي)

[ابن الإمارات]

يسلموا على الطرح

" لا تعليق "

[حور راك]

والله راح اعصب منه

ما راح اكلمه

[مرايم]

ممممممممممممممممم بزعل .. بس يمكن تطلع اخته ولا شي ^^

"ان بعض الظن اثم" بتصل سيده وبساله منو وكيف وشو ...

[اسيرة الاحزان]

بسم الله علينا
بنصدم بموووووووووووووت من الصدمة لابرقد ولاباكل نفس الناس

[iAbdulla]

ممم ما بسوي شي غير اني افصخ الخطوبه

لان ها الكلام معناته ان فبالها واحد ثاني يا كانت تكلمه او للحين تكلمه

طبعا ما اعتقد في واحد منا يرضى ان خطيبته تكلم غيره او حتى كانت تكلم حد

والسموحه

[مروج]

الحمد لله اني اسكر الهاتف من انام .....
والصبح يحلها الف حلال .... بقول يمكن نكته من النكت البايخة اللي يطرشونها الشباب.

[bo7mo0od]

بسم الله الرحمن الرحيم

السلام عليكم ورحمة الله وبركاته

لو انا بهذا الموقف بحاول اتغاضى لغايه ما تنكشف وتعترف من نفسها

او بقول لها بعد فترة فلان يسلم عليج او شو هالمسج اللي طرشتيه

هذي اكثر من مرة تكتبينه لي ومنو هذا فلان هذي رابع او خامس مرة

تطرينه لي حتى لو ما طرته من قبل وبعد فترة بنفسها بتحتار

وبتحس بشي غلط وبتعترف.

[دلاال]

صراحه مااقدر أكتبلكم شو بيكون احساسي ... لأني مااعتقد بتعبر عن الي بحس به

[سر جاااذبيتي]

طبعا بصيييييييييييييييح والله وبيحترق قلبي وبموووووووت أصلآ مابييني رقاد للصبح بس مابطرش شي لين الصبح (الصباح رباح) بسكت عمري أنه أمطرش المسج حق حد من خواته أو أي حد من أهله بس مابكون مغفله يعني بتريا إذا هو بيقولي الحقيقه وبيصارحني المسج كان لمنو باضبط؟ وليش؟ وكيف؟ كل التفاصيل؟إذا طلع مظلوم فالسالفه ومتأكده من كلامه صحيح ميه بالميه وأقتنعت طبعآ بتمشي الأمور على مايرام......... أما في حالة شكيت بأي تصرف أتجاهه أو بس مجرد أنه أرتبك أو عطاني تبريرات مش مقنعه في هذي الحاله بقوله كلمتين وبدون ضرابه ومشاكل وفضايح(أنت فطريق وأنا فطريق) وبتلاقي مليون وحده غيري والله يوفقك ويوفقني وبدعيلك من كل قلبي وبسكر بدووووووووون تفاوض ورجعه فالموضوع وبحط فلبي تحت ريلي وبرفع كرامتي على راسي.....
واللي خلقه أكيد خلق إنسان غيره يقدرني ,والله بيعوضني بأحسن عنه (وعسى أن تحبوا شيئآ وهو شرآ لكم وعسى أن تكرهوا شيئآ وهو خييييييير لكم) وأكيد الله حطني فهالموقف عشان يكشفلي نيته قبل مايطيح الفاس بالراس وبحمد ربي على كل حال..... وبحاول أنساه :( :(

وأكيييييييييد مابرجع له حتى لو ترجاني وباس ريلي لأن ((( راع الطبع مايوز عن طبعه))) ومع الأيام بيرد على نفس التصرفات فأحسن لي من البدايه ما أتعب نفسي وأصلح شي أساسه خربااااااااان

والله لا يحطني ويحطكم فهالموقف لا بنات ولا شباب.....

وسوري على الإطاله :)

[بــ طعيس ــن]

ماشي هو الخسرااان..