( توطين )

[سوسو القيوانية]

السلام عليكم ورحمة الله وبركاته


اشحالكم عساكم ابخير ........

يلا نبدأ .... بسم الله الرحمن الرحيم

وش عاد يادار بها صار (توطين )

وفي مكتب التوظيف سوسن وميسون !

مديرهم مدحت ونائبته نسرين

وعلى الرسبشن حمص وفول وزيتون !

كل ما اتصلت اسمع (الو مرحبا مين ؟

بدك وظيفه ؟ .. مين دلك على هون ؟ )

اقول انا لي اتصل صار شهرين

وانتوا وعدتوني متى بس تو فون

اسمي (مواطن ) (جامعي) طيب وزين

كني ابخطب عندكم واتّغلون !

عندي شهاده طايحه بجبدي سنين

عشش عليها شي له ستة عيون !!

لو للشهاده لسان قالت (على وين

ناوي توديني .. تلف فيني الكون ؟ )

من كثر ما صورتها غارق بدين

الهندي راعي المطبعه صرت مديون

لا ليلي ليل ولا نهاري نوى يبين

دقيت راسي لين ما صرت مينون !

مطلوب خبره عالأقل في مجالين

ولاّ تجينا بواسطه وسير مدهون !

ولا انبثر في بيتك ... أفرك بكفين

يومك يشابه امسك وعيش مغبون

تعدادنا ويّاهم أربع ملايين

واهل البلد للحين ما صاروا مليون !!

ويلاه من باكر اذا وضعنا الحين

واحنا اقل من الربع حالنا شجون !

واللي ابتسم له حظه والله مسكين !

حصّل وظيفه ... بس في وين ... تدرون ؟

ساكن في راس الخيمه ...حطوه في العين !!

واللي سكن في الذيد ..في السلع مدفون !!

يشوف اهله بس في الاسبوع يومين

واذا حسبتوا الدرب كم الساعه .... تبكون

يعني في كل احواله ذاق الأمرين

شغّال محزون وبلا شغل محزون

والأجنبي اللي راتبه فوق عشرين

فله وسياره وتذاكر ... وطاعون

عنده بدل كل شي عالراتب الفين

حتى بدل معجون اسنان وصابون !

ومن بعد ما يجمع من بلادي فلسين

ويربّي من القعده على الكرسي بطون

ويصير في بلاده غني وعنده برجين

يرحل وهو جاحد ... وكم مثله ملعون !

وحتى الجماعه قوم مدحت ونسرين

مردهم لبلادهم لو يطولون

يرضون بشوية دراهم ... وشفتين

صبح وعصر ...لو حتى في الليل يرضون

لا تحسبوني عنصري ...كلنا طين

والخل لو عاتب محبينه يمون

داري وانا اولى بها من الغريبين

ما يوصلون لحبها لو يموتون

و (الأقربون اولى ) ....كلام من الدين

ما جبته من شعري مع الهام وظنون

ولد البلد ما يبغي لبلاده الشين

بالروح بالدم يفتديها ولا يخون

لكن سؤاله يوم قلتوا له (توطين)

يا كيف بيد الغرب توظيفه يكون ؟؟!!

شعارهم معروف (راااااااجعنا بعديييين )


ها شرايكم ........ وصلتلي رساله وحبيت انقلها
لكم


ودمتم سالمين

[PAPAYA]

آآآه
كلام 100 %
ياليت هالقصيدة توصل للحكام وكبار المسؤولين في الدلوة
عسب يحسون بحالة المواطن

[كلى احساس]

كلمأإأإت في قمت إلرووؤوعه
وانتي صأإدقه والله
يعطيييك ربي مليوووؤن إلعووؤأإفي غلآي

[سوسو القيوانية]

يسلمووووووو عالمرور الطيب ف صفحتي

ومستانسه وااااااايد لان القصيده عيبتكم

ربي يعطيكم الصحة والعافية

[الواضح]

فعلاً شئون الموظفين ومسئول التوظيف يكونوا من الوافدين . سواءً العرب

أو الآسيويين وشروطهم تعجيزية للمواطنين وخاصة يركزون على مسألة

الخبرة . والمواطن مايحصل عمل إلا في أبوظبي . وأما الأعمال التي فيها

البونص وبدل السكن والسيارة والأثاث وتداكر السفر فهي محصورة للأجانب

وتسلمين على الموضوع أو القصيدة .. ودمتم سالمين ..

[ع الدرمكي]

مشكوره أختي عـ الطرح ..
ربي يعطيج العافية ..

[▌║ℳř Ŏบị ~♛]

.
/
\
.
وعلييييكم السلاإأآم ورحمة الله .,~
الله الله الصراإأآحـــــــــه ابداإأآع .,~
سلمت اناإأمله الي كاتبنهاإأ والي ناقلنهاإ.,~
تسلميييين اختي سوسو ع القصيده الروؤؤعه .,~
يحفظ ربـــــــــــــــــي .,~
مستر وي .,~
.
/
\
.

[LoOonely_Girl]

ْ وعلــــــيكًـم الـسلـآم ورحـــًمـه الله وبـركًــآته ْْ

*
*
كًــــلـآم ولــآرووووووع وجـــآن زيــن حـــ د يحــــس بالمــوآطـنْ ويفــهم شع ـــوره


~ْْ تســــــلم إيـــد اللــي طــرحت المــوضوع الـــرآئع والكًــلمآت النــآيس ْْْ~

.,’ دمـــــــتي بحــفظ الــرحمن ورع ـــآيته ’,.

[◦•Ḿη6๏O8❤8ℓbў•◦]

وعلييكم السلـآآآم ورحمــه الله وبركــآآته

ههههههه

كلمـــــآآآت روؤوؤوعــه


تسلميين ع الطرح

[سوسو القيوانية]

يسلمووووووو ع المروووووور

نورتوووو صفحتي بوجودكم

مستر وي اكيد ف الصراحه راحه ولا انته شرايك ؟؟

ربي يعطيكم العاااااافيه

[كاشونة]

تسلميين اختي سوسو القيوانيه ع الطرح الطرطريششششن ..


تبين الصرراحه القصييده واايييد حلوووه ..

[سوسو القيوانية]

الله يسلمج خيتووو كاشونة

ربي يعطيج العااااااااافيه