المساعد الشخصي الرقمي

مشاهدة النسخة كاملة : عاجل.. الكويت تؤجل الدراسه في المدارس إلى اجل غير مسمى


SaFeeR-Shj
1 - 10 - 2009, 05:21 PM
قررت الحكومة الكويتية تأجيل الدراسه في مدارس الكويت إلى ان يتم إكتشاف لقاح (يكون مجرب وموثوق) لإنفلونزا الخنازير.
وأكدت أنه لن تخاطر بمواطنيها والمقيمين بها يزجهم إلى المجهول.
وكانت دول قطر وعمان قد أجلت الدراسه عندها وكذلك فعلت السعودية بوضع ضوابط مشدده للعام الدراسي.
ام احمد
1 - 10 - 2009, 05:43 PM
تأجيل الدراسة مب حل ....الاسبوع الأول مر بسلام والله يحفظ الجميع
انسان عادي
1 - 10 - 2009, 05:45 PM
الله يحفظهم جميعا
فتى شمل
1 - 10 - 2009, 05:47 PM
تأجيل الدراسة مب حل
Bo 3@bdallah
1 - 10 - 2009, 06:22 PM
اوكى بتتأجل الدراسه كم يعني شهر ولا شهرين ولا سنه ..!!؟
وبعدين هل المرض راح يزول ...!؟

وانا متأكد الحين طلبة الامارات راح يطلبون بأجازه وبيقولون ليش دول الخليج سوت جي وحنا لا

وانا ضد هالشي ..
الصقر80
1 - 10 - 2009, 07:37 PM
تاجيل الدراسة لن يفيد فلن يحبس الناس انفسهم في البيوت
حركة الاسواق والمولات والحدائق و...و... لم تتغير فهل المرض سينتشر في المدارس فقط دون الاماكن العامة التي ذكرت ويرتادها الناس صغارا وكبارا...؟؟
L A W Y E R
1 - 10 - 2009, 08:19 PM
و اللـه نحن درسنآ عآد الحين . .

و لحد الحينه مآ استوى فينآ شي و لله الحمد . .

كلنآ بخير و صحه و نعمه !

كل الشكر على هالطرح . .
الطرف الاغر
1 - 10 - 2009, 08:54 PM
اين المصدر؟؟؟؟ هذي اشاعه ولاوجود للخبر في وكالة الانباء الكويتيه والعام الدراسي في الكويت الاحد المقبل
omkhalid
1 - 10 - 2009, 11:43 PM
عقبالنا ياربي
admire
2 - 10 - 2009, 05:32 AM
الله لا قال وإن شاء الله المداارس ما تتسكر عندنااا

خلاص نحن بدينا والحمدلله ما استوى فينا شئ

أنا عن نفسي مكاني بالنص يعني على اليمين واليسار

وجدامي وراي كلها بناات بس ما استوى لي شئ الحمدلله

وعلى قول بعض الناس المرض لين متى بتم المرض شهر سنة لا نعلم ؟؟!!

اشمعنى بالأسوااق والمركز و الحدايق كل هالزحمة وما خفنا على عمارنا سواء أكان بالإمارات أو بالكويت أو أي دول خليجية

ويوم قلنا نبا انسيير المداارس ذيك ساعة خفنا على عمارناا وقلنا لا لا ما نبااا

وبعد لازم يرعون البنات الثانوية عامة حليلهم يبون يخلصون المداارس ما صدقواا آآخر سنة >> قصدها هيي لووول

والسموحة
MR.ALRAMS
2 - 10 - 2009, 12:58 PM
الله يحفظ الجميع من الامراض الخبيثة
iAbdulla
2 - 10 - 2009, 01:05 PM
ممم الصراحة ما نبا الاجازة باقي لنا سنتين ونبا نخلصهم ونفتك

ولو تأجلت الدراسة بتستوي عفسة بالترتيبات والاجازات والدوامات

خلونا جي احسن

بس المدارس خطيره بعد يعني لو واحد ياب وياه المرض بيعطي 20 طالب ع الاقل وقت الحصه وبالبربك كل طالب ويا ربيعه يعني ع الاقل 50 طالب ويوم بيروحون البيت بعد بينشرونه بالبيت وبتستوي كارثه كبيره لان الدولة عقب ما بتقدر تعالجهم كلهم

الله كريم
حور و نور
2 - 10 - 2009, 01:29 PM
الكويت وغيرها من الدول الخليجيه تفكر بمصلحة الشعب وخوفهم عليهم خلاهم يسون جيه

المرض هذا تضاربت الاراء حول خطورته بعض الدكاتره يقولون عادي

وبعضهم يقول خطير ويستهدف الشباب ومنهم يقولون الاطفال

تأجيل الدراسه انا معاكم مب حل

بس لازم ينوجد حل لمثل ها المرض

واذا فيه منكم قال ما شفنا حالات للأن في مدارسنا

انا اقول بلى ظهرت حالات في المدارس عندنا في بوظبي والله أعلم في الامارات الثانيه




والله المستعان


نصيحه :::::
عليكم بالثوم مع الروب مضادحيوي فعال ومقوي للمناعه من اي اصابه
بن ثالث
2 - 10 - 2009, 01:48 PM
التاجيل حل و الف حل







بتكون ماشي تجمعات ولا شي كل واحد راقد ومرتاح ولا امراض ولا عوار راس ارقد وارتاح وخلوا الدراسه ينب وارتاحو ومحد يعور راسه من الامراض ولا غيرها وكل الطلاب مأيديني واللي يداومون لا لأنهم بيكرفون ونحن راقدين وهم درسوا قبل ومحد اجل لهم
Bo 3@bdallah
3 - 10 - 2009, 03:34 AM
التاجيل حل و الف حل







بتكون ماشي تجمعات ولا شي كل واحد راقد ومرتاح ولا امراض ولا عوار راس ارقد وارتاح وخلوا الدراسه ينب وارتاحو ومحد يعور راسه من الامراض ولا غيرها وكل الطلاب مأيديني واللي يداومون لا لأنهم بيكرفون ونحن راقدين وهم درسوا قبل ومحد اجل لهم

تبا تقنعني انه إذا تأجلت الدراسه ما راح يزيد من انتشار المرض ..!؟

اوكى انت قلت اذا تأجلت الدراسه الكل بيكون نايم ومرتاح وبعيد عن المرض

فهل بتمنع عمرك من الطلعه من البيت ومن المجمعات والمراكز والشوارع ...الخ !؟؟

ع الاقل فالمدراس بتكون فيه رعايه واهتمام من قبل الاداره وطبيب المدرسه
أما فالمراكز الشوارع .. من وين بتحصل رعايه ...!!؟؟

كلامك غير مقنع نهائيــا ..