ليش محد يرضى حد يلعب بتلفونك؟؟؟

[قلب حسآس]

السلامـ عليكمـ ورحمة الله وبركاتـه..

التلفون

( مستودع الأسرار )!!

أصبح التلفون جزء لا يتجزءا من حياتنا اليومية ما نطلع إلا بالتلفون وما نقعد ولا ننام إلا مع اتلفون

غير عن أهميته المعروفة إنه جهاز اتصال

صار يحوي أشياء كثيرة منها الرسائل والوسائط النغمات والشعارات و و و ...!!

اتلفون مثل السكرتير

اللي يذكرنا بالمواعيد والساعات

والتقويم اللي دايم ما نحط فيه التواريخ المهمة :امتحانات ، مستشفى ، إجازة ..:


الملاحظ إن فئة عمريه معينه من سن الـ 18 إلى 25 أو 30 سنه

يرفضون أي شخص يمد يده ويمسك تلفون

ودايماَ َ ما يقولون

( لحد يلعب في بتلفوني ) !!


هالجمله البسيطة تحوي معاني كثيرة (ممكن تفسرونها )

ليش ما نرضى أحد يفتش أو :يلعب: في تلفونا


هل هو الحرص عليه !!


ولا من زوود المحبه !!


ولا فيه شي خطير ماودك حد يشوفه أبد !!

هل لها لدرجه تلفونك خطير ماتخلي حد يقرا رسائلك

ويشوف قائمة الأسماء اللي بتلفونك

ولا يسمع النغمات اللي منزلها ولا يشوف كم فيديو إستعراض

الأسئله كثيره والتساؤلات أكثر حول هالموضوع....

((موضوع للنقاش))

ياليت الكل يقول رايـه
م.ن

[Her Highness]

عن نفسي عادي عندي حد يشوف تيلفوني


بس مرات اضايج اذا حد يلس يقرأ المسجات ويعلق


هالشي اللي اكرهه


اما عن الصور والنغمات والفيديو عااادي عندي


ياخذون راحتهم بعد


يسلموو ع الموضوع

[أصدآء]

بالعكس عادي عندي يشوفون موبايلي ويلعبون فيه،
بس في اشخاص من كثر اهميته بالنسبه لهم يحطون له رقم سري!!
الصراحه استغرب يعني ليش هم جي يسوون أكيد موبايلاتهم تحتوي على اشيا مب مسموح لللآخرين الاطلاع عليها،،
وبالاخص قائمة الاسماء والاستديو لو حد فتحهم جنه ارتكب جريمه،،
عموما شكرا اختي على طرحج لهالموضوع وان شاءالله انشوف راي باجي الاعضاء،،

[قلب حسآس]

شكرا أم دحمااني و شمس الودااع ع المروور
و ربي لا يحرمني منكم إن شاء اللهـ

[قد الحب]

والله الصراحه في بعض المسجات فيها بعض من الخصوصيه وما احب حد يقراها يمكن ربيعتي مطرشه شي او مشكله تخصها وماتبي حد يعرف الا انا عشان جيه وانا الصراحه ما احب اي احد من ربعي يفتح اي مسج او مس كول يوصلني بس لو كانت اختي عادي عندي ومرات اخوي بعد بس مب دووم اما عن الاغاني اوك ما عندي مانع بس صور لا لان صور ربعي بالفون

وانا اتوقع في ناس تحب تكون لها امورها الشخصيه وما في احد يدخل فيها

لو مثلا كانت حرمه متزوجه من حقها ما تراوي احد

هذا راي والسموحه

تقبلي مروري

قد الحب

[صاحب السعادة]

موضوع جيد للطرح

بس عن رأيي اقول انها حريه شخصية

يعني ممكن يكون في التيلفون اشياء خاصة غير مسموح للآخرين الاطلاع عليها

[الصقر الاماراتي]

صراحة أنا تلفوني اسمح اخواني يشوفونه لكن يخربونه هه ما اسمح ما اعطيه لليهال هيه لو خربوه هم بعوضوني طبعا .
وأنا ما عندي مسجات وايد كلها من الجليس الصالح أي ما اخفي اسرار .
والصور ما فيه وايد يمكن صورة لولد اختي الصغير والفيديو حتى .
يعني أنا بختصار ما اخفي من هذي الناحية .
أما للأسماء أنا من اهلي يشوفونها عادي أما من ربعي كلا وألف كلا لأن فيها أرقام عائلية وشكرا ع الطرح .

[soso]

انا بصراااااحة لا ما أرضى بس مرات عادي

ترى موبايلي أسرار و مرات يكون في صور اهلي بس أصورهم يوم يستهبلون او يوم نضحك نسوي حركات ..هههه

بس انا الحين حطيت رمز القفل وها الرمز محد يعرفه غيري وبنت خالتي لأن نحن نخبر أسرارنا لبعض والباقي لا

وأكره شيء عندي يوم أخلي اليهالوا يلعبون في الموبايل عسب جي أمسح ألعاب السيايير عشان ما يلعب فيها الأولاد ..ههه

تسلمين إختي ع الموضوع الرائع

[قلب حسآس]

تسلمووون على ردوودكم :sm125:

[Bo 3@bdallah]

موضوع حلو ... الحمدلله انا واحد مب من النوع اللي يقول عطني مبايلك بطاع شوفيه شو الجديد ...
انا مبايلي صحيح انه مافيه اسرار
المسجات الخاصه امسحها اول بأول
الصور والفيديوهات او اي شي مخالف ما احطه في مبايلي
وفوق هذا كله ما احب حد يجيس مباايلي
بيخلص البطاريه >>> زطي ^^
واذا حد طلب مني مبايلي حسب الشخص
مرات ارده مرات اعطيه ..

[أصدآء]

يمكن بالرد الأول نسيت نقطه مهمه والي هي الارقام العائليه وذكرها اخوي الصقر الاماراتي،،
يمكن تكون سبب من الاسباب الي تخلي الشخص يمنع الاخرين من اللعب بموبايله واعتقد من حقه،،
وبعد الصور الشخصيه والي يمكن تكون لحد من الاهل واكيد اي واحد ما يرضى حد يشوف صور اهله،،
وعن المسجات مثل ما قال اخوي قايد نمسحها اول بالاول،،،
حبيت اعدل من ردي الاولي لأنه يفتقر لعدة أشيا ضفتها بهالرد،،

[عاشقة القمم]

صراحة أنا عادي أخلي الكل يشوف تيلفوني ...

بس إذا كنت متزوجه يمكن ما أخليهم ،، يمكن يكون في أسرار ....... (( إلا ريلي طبعا ))

[◦ ςℓόşεđ ◦]

.

كلن له وجهه نظر فهالقضيَة اللي صار
الكبير والصغير يتحفظ فيــهآآ ..

بالنسبة لي عآدي حد يشوف موبآآيلي
ويقرآ المسجآت خاصة لو قريب مني
بس هالشي ما يخليني ادخل ويا الشخص
في مناقشة حآآدة لهالشي
إذا يبا يتفضل ..! وخاصة في ناس إذا قلت لهم
لا تلمسون فوني > تفكيرهم بيروح بعيد ..!
عسب جي الواحد يبتعد عن الشبهآآت ..
بس اللي يقهر بي مرآآآت ..
تشوف واحد ولد ولاا بنت 12-16 سنة
اونه عدهم خصوصيآآت ويقفلون الفون برقم سري!!
دامهم من صغرهم هالكثر يخشون اسرآآرهم كيف يوم بيكبرون!!
وخاصة فهالسن ما اعتبره حرية شخصيَة ..

أما اذا الواحد كبير وعاقل يمكن يكون بفونه أشيا
مهمَه ما يصح حد يتطلع عليها .. !

بالأخير الشي رآآجع للشخص .. وتفكيره ..
تسلمين الغالية ع الطـّرح ..

اختكم :// ◦ ςℓόşεđ ◦

[نورالبدر]

*

طرح موفق عزيزتي ]

وأنا من نآحيتي ..

أحيآن لما أكون رآيقـة ؛
عآدي كل حد يشـووف موبآيلي~
يتنقل مآ شاء الله من إيد لإيـد ..:sm121:
ويردونه والبطآريـة فآضية ‘‘ لوول ..

أمآ لمآ أكون فـ مزآج أو اللي ويآي ما يرضى إني أشوف موبآيله
تطلع قرووني .. ! وما أعطيه لأحد :sm158: ~ > محد قآلهم خخ ..

يعني على حسب الأشخآص ..
أعآملهم مثل ما يعآملوني ..

*

[love-s]

ξـن نفسي آنآ ..
مآ آحب حد يمسڪ فۈني مۈۈۈۈڷيــﮧ
فيـﮧ آسرآر هـξ .
يمڪن خۈآتي آڷڪبآر بس آڷصۈر ۈآڷمۈسيقى .. ۈبـξـد مب ڪڷ آڷصۈر ..
ۈڷآ آيڷس حذآڷهم بξد ξسب مآ يفتحۈن شيء ثآني هـξ
يـξـني بشڪڷ ξـآم مآ آحب حد يمسڪ فۈني آبدآ آبدآ .. فيه آسرآر ..
ثآنڪس ξ آڷمۈۈضۈξ آڷرآئــξ .. تسڷم آيدج ..

[bo7mo0od]

بسم الله الرحمن الرحيم

السلام عليكم ورحمة الله وبركاته

انا بصراحه ما احب اي حد يلمس اغراضي

لاني ما احب المس اغراض حد مهما كان الشخص.

[أبو عبادي]

شكرا ع طرح الموضوع المثير للنقاش
أنا أسمي قيام أي شخص بالاطلاع على تليفون شخص آخر تطفل
التلفون أصبح بيت الاسرار ووجود رقم سري ممتاز خاصة لو كنت في العمل ونسيته على مكتبك المثل يقول حرص ولا تخون
شكرا ع الطرح

[مرايم]

انا اهلي عادي اخلي تلفوني عندهم يسووو فيه اللي يبوووه ولوو انهم احياناا يقصوو علي ويردوونه سالب 2^^

اما ربعـي لا ولا ولا وبعـد لا ..ما اثق بحـــــــــــــــــــــــد ...... >>>تعقدت من موقف صاير لي

يسلموو على الموضوووع