رثاء زايد - ناصر بن حمد آل خليفة

رثاء زايد

ناصر بن حمد آل خليفة

58..._701181250.jpg

يالله يا رب السما وال الأقدار
يا عالم ٍ بالغيب شرّه وخيره


يا اللي بحكمك كل شي ٍ لنا صار
ياللي بعلمك كل شي ٍ تديره


جانا خبر غطّا على كل الأخبار
راح الزعيم بليلة ٍ مستذيره


كل ٍ فقد نوره من صغار وكبار
مصيبة ٍ ما هي علينا يسيره


مع زايد الأيام فرحات واعمار
وكن الليالي بعد زايد عسيره


الدار تبكي يا عرب حاكم الدار
والناس ترثي زايد بكل ديره


شعبه بكاه وتبكي الشيخ الأشعار
شيخ ٍ بنا في عالم المجد سيره


خيره وصل للناس في كل الأقطار
سفارته طيبه وفعله سفيره


معروف في شوره إذا جات الأشوار
قايد حكيم وفذ راعي بصيره


ما حط بين الشعب وعيونه أسوار
شعب ٍ عشق زايد ولا حب غيره


تاريخه أبيض ما بها شك وانكار
مسيرة ٍ يا طيبها من مسيرة


يالله ترفع منزله بين الأخيار
وتطّهره يا رب وانك تجيره


يا اللي بحكمك كل شي ٍ لنا صار
يا عالم ٍ بالغيب شرّه وخيره

ما حط بين الشعب وعيونه أسوار
شعب ٍ عشق زايد ولا حب غيره


نعم والكلام صحيح ,,

رحمة الله عليه واسكنه الفردوس الاعلى مع الابرار والصديقين ..

كشراً رذاذ على الاختيار الرائع ..
دمتي بخير وعافيه ...