رثاء زايد - ناصر بن حمد آل خليفة

[رذاذ عبدالله]

رثاء زايد

ناصر بن حمد آل خليفة

يالله يا رب السما وال الأقدار
يا عالم ٍ بالغيب شرّه وخيره


يا اللي بحكمك كل شي ٍ لنا صار
ياللي بعلمك كل شي ٍ تديره


جانا خبر غطّا على كل الأخبار
راح الزعيم بليلة ٍ مستذيره


كل ٍ فقد نوره من صغار وكبار
مصيبة ٍ ما هي علينا يسيره


مع زايد الأيام فرحات واعمار
وكن الليالي بعد زايد عسيره


الدار تبكي يا عرب حاكم الدار
والناس ترثي زايد بكل ديره


شعبه بكاه وتبكي الشيخ الأشعار
شيخ ٍ بنا في عالم المجد سيره


خيره وصل للناس في كل الأقطار
سفارته طيبه وفعله سفيره


معروف في شوره إذا جات الأشوار
قايد حكيم وفذ راعي بصيره


ما حط بين الشعب وعيونه أسوار
شعب ٍ عشق زايد ولا حب غيره


تاريخه أبيض ما بها شك وانكار
مسيرة ٍ يا طيبها من مسيرة


يالله ترفع منزله بين الأخيار
وتطّهره يا رب وانك تجيره


يا اللي بحكمك كل شي ٍ لنا صار
يا عالم ٍ بالغيب شرّه وخيره

[الأميرة الحسناء]

ما حط بين الشعب وعيونه أسوار
شعب ٍ عشق زايد ولا حب غيره


نعم والكلام صحيح ,,

رحمة الله عليه واسكنه الفردوس الاعلى مع الابرار والصديقين ..

كشراً رذاذ على الاختيار الرائع ..
دمتي بخير وعافيه ...