لاتشتكي من جور الايام للناس ...

لا تشتكي من جور الايام للناس
وادفن همومك في ثرى الصمت كله


اسرار عمرك خلها تحت الانفاس
لا صار هرّاج القفا فاطنن له


هذاك يفرح لا لمس جرح الاحساس
و هذا مناه لا لقى فيك عله


جو الربيع بعجة الصيف ينحاس
لاجت هروج(ن) ما تجي في محله


داعب هموم الليل لا هب نسناس
وعطها الخبر من قلب خل(ن) لخلّه


قلّه حبيبك ما وطى قلبه الياس
حتى عذابك بالهوا جايز(ن) له


تعيش بالوجدان ما عاش هالراس
لولاك قلي وش انا عايش(ن) له


إن زانت الايام يا شوق لاباس
ولاّ صبرنا لين ربك يحلّه


مع خالص الـــود

الأميرة الحسناء..ـ

إن زانت الايام يا شوق لاباس
ولاّ صبرنا لين ربك يحلّه





صح لسااانج

ربي يحفظج

اقتباس:

---

المشاركة الأصلية كتبت بواسطة &حمود 17&

إن زانت الايام يا شوق لاباس
ولاّ صبرنا لين ربك يحلّه





صح لسااانج

ربي يحفظج

---

تسلم على التواجد تشرفت بوجود قلمك الرائع

في انتظار زياره اخرى ان شاء الله
دمت بسعاده وخير ...