مستعد أكتب تعهد ولو على موتي رضيت
لك يمين الله وعهده ما بعد غيرك خليل
يشهد الله في كلامي غيرك انته ما هويت
أنت أول من هويته وحبه بقلبي نزيل
ودون حبك يا حبيب الله ما عشت وحييت
عشت في الدنيا من أجلك لا ولا غيرك بديل
أنت لي أغلى محب وغير حبك ما بغيت
والله ما أرضى بغيرك لو بعد دمي يسيل
لجل عينك يا عيوني لو على الرمضا مشيت
العمر فدوى لعينك يا ذهب غالي وأصيل
لا تفتكر أني أخونك لا تقول أني نسيت
مستحيل أغتال حبك بالخيانة مستحيل
في غرامك يا غرامي كم تعذبت وبكيت
وكم سهرت الليل حاير والجفن نومه قليل
يا كبر معروفك اللي يوم بالحب ابتديت
وقلت لي كلمة أحبك وأنا بعيونك قتيل
العهد بيني وبينك واعتبرني لك وفيت
منتظر توفي بعهدك والوفا أكبر دليل
لك غلا يجري بدمي في الوريد
لك محبة لا قياس ولا حدود
آآه يا وجدي وأنا عنك بعيد
يا عزاية في عذابي والصدود
فيك كل اللي كتبته من قصيد
وأنت أجمل ذكرياتي في الوجود
