تطبيقي البارحة لحلى السميد والقشطة الخاص بالعضوة LoOonely_Girl حيااااكم ^^

بسم الله الرحمن الرحيم

امس وانا اتصفح المنتدى,,عالصبح تقريباً


شفت مقااادير سويت حلى القشطه والسميد ويلي هي اساساً مقادير حلى انا اعرفه اسمه ليااالي الشاااام يعني صح مثل ما قلت فردي لها عموضوعها نفس لسويت الي اتسويه مرت خالي^^ ,,بس طبعاً الي يفرق بين الاثنين هو زيااادة ماي الورد فليالي الشاااام



خلونا نبدى بالمقاااادير الي ذكرتهم الحلوة Lo0only-Girl
3كاسات ماي-نص كوب سميد-نص كوب شكر-نص كوب حليب-2دريم ويب-1قشطه-وللتزيين فستق وناريل (مجرووشين)
70...37hqo0au7s.jpg


اوووه^^ نسيت اعرفكم عالشيف الحلو خليفة ,,فديته يموت فشي اسمه مطبخ ويحب يساعدني دووم,,عاد انا قلت اليوم بربشه عسب ما يرقد العصر كان راد من الرووضة الظهر منتهي و عالعصر موووول متخدر ههههه ,,قتله يلا حبيبي تعال المطبخ وبنسوي شي حلوو,,وبدى يحط اول شي الماااي
72...xswi3gvpzj.jpg


نسيت اصوور اهنا,,اترييت الحليب والماي يغلوون اشوي عقب ضفنا الشكر
78...ks1ggxkadt.jpg



والسميد
70...3mykfognex.jpg

بديت اخلطهم ,,عسب ما تجمد ابسرعه عندي ,,ومن تبدى تغلط اشلها ,,,ممممم قوامها بيكون شراات البشاميل ,,مب واايد غليظة ولا سايحة وااايد
79...2gnr9svpc9.jpg

اهنا عقب ما حطيتها فالبايركس,,دخلتها الثلاجة عسب تجمد الطبقة الفوقية اول شي
73...wzttxkubqs.jpg



فهالوقت يلسنا انجهز الطبقة الفوقية,,شليت حبيبي وحطيته فووق الطاولة ,,اقووله ماماتي اشوي اشوي صبه عشاان اصورك,,وكل اشوي يسألني ليش اتصوريني هههههه اقوله عشان احطيك فاللابتوووب ,,ويرد يسأل ليش؟؟ اقووله عشاان الناس يعرفون نحنا شطاار ونشتغل فالمطبخ وعقب يقولون خليفة الحلو شاااطر ويسااااعد ليموه فالمطبخ ههههههه جان يقوولي اوكي ^____*...المهم ظفنا فهالخطوة لدريم ويب
80...yp7aeldnwh.jpg


والقشطة
71...8wh145j4m0.jpg



خلطتهم عدل ,,لين يمتزجووون زين
70...4ncqlweva7.jpg



ولين يخلط الخلااااط ,,عاد انا قمت وطحنت الفستق
77...vcdc6axydh.jpg


طلعت لسويت من الثلاجة بعد ما جمدت الطبقة التحتية,,وحطيت فوقها طبقة القشطة والدريم ويب
69...248kcqpxqb.jpg

احينه يا وقت التزيين ,,ومثل ما ذكرت لونلي قيرل,,اما الناريل او الفستق ,,بس انا ظفت ال2^^
اهنا ذريت عليه النااريل

77...6dc2gmrpf3.jpg


واخيراً الفستق
80...cy950cxgqe.jpg



هاي عقب ما طلعتها من الثلاااجة وهي جامده^^ عاد نسيت اصوورها وهي امقصقصة,,خذت قطعه حق الوالدة اقوولها جربي ,,جان اتقوول الله ليااالي الشاااام من زمااان ما كلناها هههههههه جان اقوولها الله يخلي بنات المنتدى الي يذكروونا فهالامور,,يزاهم الله خير ^________^
75...xv69qz4r5u.jpg

والسموووحة من الجميع:sm164:

ماشاء الله ع الشيف خليفه

الله يحفظه يارب العالمين


تسلمييييين ع الاكله

صباح لسويت الحلو .. انا طبقت طريقة الأخت لونلي وطلع لسويت متماسك واعجب الجميع .. كل الشكر لك ولشيف خليفه -الله يحفظه يا رب - وبإنتظار اطباقك اللذيذه ..

:3ajeeb:تسلمين اختي ويسلم الشيف خليفه على هالاكله الحلوه

مــآشـآءالله مــآشـآءالله

شو اللي مستوي هنــــــــــيه .. تطبيق هنــــيه ومن منوووو من إيــد خلـــووووف .!

., ربي يحفـظه ويخلــيه يـــآرب ,.

والطريقـــه ولـآ أرووْووْووْووع تطبيق بمعنى الكلـــمة .. تســلم إيدج أم محمد وبالع ــآفيه علـــيكًـم


., ربي يحفــظـج ,.

مشكوره اختي ع وصفه رااائعه

ربي يسلمكم^____^ويخليلكم كل عزيز وغااالي

ام عباادي فدييت عنوووونج^^ اسمه خليفة مب خالد

اليوم طبقت طريقتج .. طلعت لذيذه ومتماسكه وشكلها وايد حلو .. تسلمين حبيبتي ويسلم الشيف خليفه على ليالي الشام .. وتقبلي سلامي وتحياتي ..