تطبيقي البارحة لحلى السميد والقشطة الخاص بالعضوة LoOonely_Girl حيااااكم ^^

[ام محمد من راك]

بسم الله الرحمن الرحيم

امس وانا اتصفح المنتدى,,عالصبح تقريباً


شفت مقااادير سويت حلى القشطه والسميد ويلي هي اساساً مقادير حلى انا اعرفه اسمه ليااالي الشاااام يعني صح مثل ما قلت فردي لها عموضوعها نفس لسويت الي اتسويه مرت خالي^^ ,,بس طبعاً الي يفرق بين الاثنين هو زيااادة ماي الورد فليالي الشاااام



خلونا نبدى بالمقاااادير الي ذكرتهم الحلوة Lo0only-Girl
3كاسات ماي-نص كوب سميد-نص كوب شكر-نص كوب حليب-2دريم ويب-1قشطه-وللتزيين فستق وناريل (مجرووشين)



اوووه^^ نسيت اعرفكم عالشيف الحلو خليفة ,,فديته يموت فشي اسمه مطبخ ويحب يساعدني دووم,,عاد انا قلت اليوم بربشه عسب ما يرقد العصر كان راد من الرووضة الظهر منتهي و عالعصر موووول متخدر ههههه ,,قتله يلا حبيبي تعال المطبخ وبنسوي شي حلوو,,وبدى يحط اول شي الماااي



نسيت اصوور اهنا,,اترييت الحليب والماي يغلوون اشوي عقب ضفنا الشكر




والسميد


بديت اخلطهم ,,عسب ما تجمد ابسرعه عندي ,,ومن تبدى تغلط اشلها ,,,ممممم قوامها بيكون شراات البشاميل ,,مب واايد غليظة ولا سايحة وااايد


اهنا عقب ما حطيتها فالبايركس,,دخلتها الثلاجة عسب تجمد الطبقة الفوقية اول شي




فهالوقت يلسنا انجهز الطبقة الفوقية,,شليت حبيبي وحطيته فووق الطاولة ,,اقووله ماماتي اشوي اشوي صبه عشاان اصورك,,وكل اشوي يسألني ليش اتصوريني هههههه اقوله عشان احطيك فاللابتوووب ,,ويرد يسأل ليش؟؟ اقووله عشاان الناس يعرفون نحنا شطاار ونشتغل فالمطبخ وعقب يقولون خليفة الحلو شاااطر ويسااااعد ليموه فالمطبخ ههههههه جان يقوولي اوكي ^____*...المهم ظفنا فهالخطوة لدريم ويب



والقشطة




خلطتهم عدل ,,لين يمتزجووون زين




ولين يخلط الخلااااط ,,عاد انا قمت وطحنت الفستق



طلعت لسويت من الثلاجة بعد ما جمدت الطبقة التحتية,,وحطيت فوقها طبقة القشطة والدريم ويب


احينه يا وقت التزيين ,,ومثل ما ذكرت لونلي قيرل,,اما الناريل او الفستق ,,بس انا ظفت ال2^^
اهنا ذريت عليه النااريل




واخيراً الفستق




هاي عقب ما طلعتها من الثلاااجة وهي جامده^^ عاد نسيت اصوورها وهي امقصقصة,,خذت قطعه حق الوالدة اقوولها جربي ,,جان اتقوول الله ليااالي الشاااام من زمااان ما كلناها هههههههه جان اقوولها الله يخلي بنات المنتدى الي يذكروونا فهالامور,,يزاهم الله خير ^________^


والسموووحة من الجميع

[أم عبادي]

ماشاء الله ع الشيف خليفه

الله يحفظه يارب العالمين


تسلمييييين ع الاكله

[بياض الروح]

صباح لسويت الحلو .. انا طبقت طريقة الأخت لونلي وطلع لسويت متماسك واعجب الجميع .. كل الشكر لك ولشيف خليفه -الله يحفظه يا رب - وبإنتظار اطباقك اللذيذه ..

[ام لمياء]

تسلمين اختي ويسلم الشيف خليفه على هالاكله الحلوه

[LoOonely_Girl]

مــآشـآءالله مــآشـآءالله

شو اللي مستوي هنــــــــــيه .. تطبيق هنــــيه ومن منوووو من إيــد خلـــووووف .!

., ربي يحفـظه ويخلــيه يـــآرب ,.

والطريقـــه ولـآ أرووْووْووْووع تطبيق بمعنى الكلـــمة .. تســلم إيدج أم محمد وبالع ــآفيه علـــيكًـم


., ربي يحفــظـج ,.

[Rak_Princess]

مشكوره اختي ع وصفه رااائعه

[ام محمد من راك]

ربي يسلمكم^____^ويخليلكم كل عزيز وغااالي

ام عباادي فدييت عنوووونج^^ اسمه خليفة مب خالد

[بياض الروح]

اليوم طبقت طريقتج .. طلعت لذيذه ومتماسكه وشكلها وايد حلو .. تسلمين حبيبتي ويسلم الشيف خليفه على ليالي الشام .. وتقبلي سلامي وتحياتي ..