بصراحة ماعرف شو اسم هالاكلة

هالاكلة ماعرف شو اسمها خبصتها من راسي ,, لكن جربوها حلوة

http://im14.gulfup.com/2012-01-02/1325466371361.bmp

المقادير

2 باذنجان _ 2 بطاط _ 1 علبة حمص ( دنقوا ) _ روب _ لبنة _ 2 فص ثوم مدقوق
سماق _ بقدونس مفروم _ خبز لبناني مقصوص مكعبات ومحمص في زيت

الطريقة

قشري الباذنجان والبطاط , وقطعيهم مكعبات صغيرة
اقليهم في الزيت , وحطيهم على ورق النشاف ( عسب يشرب الزيت )
اخلطي الروب واللبنه والثوم وملعقتين ماي وذرة ملح
حطي الباذنجان والبطاط والدنقوا في البايركس وصبي عليه خلطة الروب
اخر طبقة حطي الخبز المحمص والبقدونس والسماق واللوز حسب الرغبة
دخليها الثلاجة لمدة ساعة قبل التقديم

وعليكم بالعافية

اسم الأكلة : المخبوصة ..!! ههههههه
جربت هالأكلة في رمضان..الجيران عطونا

أنا سألت ؟؟؟قالوا إسم الأكلة :
فتّه السعودية ,.,. أو بس ,., فتّه

تسلمين اختى

اقتباس:

---

المشاركة الأصلية كتبت بواسطة الحالم

اسم الأكلة : المخبوصة ..!! ههههههه
جربت هالأكلة في رمضان..الجيران عطونا

---

هههههه ,, لو هذا اسمها محد بياكلها
الفته طريقتها غير فيها مكونات وايد , بصراحة ماعرف اسويها
يمكن هالاكلة شبيهه الها

احنا شغالتنا تسوي نفسها بس تسوي لحم مفروم ومكعبات بطاطس مقلية وجزر مكعبات وبازلا وتقول اسمها فته

اقتباس:

---

المشاركة الأصلية كتبت بواسطة وفوي المطاف

احنا شغالتنا تسوي نفسها بس تسوي لحم مفروم ومكعبات بطاطس مقلية وجزر مكعبات وبازلا وتقول اسمها فته

---

شغالتنا وشغالتنا ,,, ليش مب انتي اللي تطبخين ؟؟

يسلمووووا مهم اكله حلوووة ................
اسمها فته ............

شكلهآآ إيشهّي ،’

ححد يسويلي شرآتهآ ,, بس بطلع منهآ آلثومْ قبل لآ أكلهآ (=

تسلمين مآمآهْ =p

هاي الاكلة اسمها فته وتتسوي بعدة طرق
حد يسويها بالباذنجان والخس ، وغيرهم يسويها بالخضرة ، وبعد بالبطاط ، وشفت ناس امسوينها بالدجاج

بس ما حاولت اجرب اكلها ولا افكر مع اني اسويها

وبالعافية عليكم