سويـــــتي ولا أحلـــــــى من تصوري الخااص^______^
السلام عليكم
مساكم الله بالخير
البارحة ياسه احوس واحوس بالاقسام وجان ألقــــى قسم الطبخ
لقيت معظم سوالف ومواضيع القسم منقولة فقلت ليــــش ما اســــوي حركة يديدة فالقسم واحطي روحي انا سويتي وبيكون من جهدي وتصوري الخاص ^_____^
صح اني اتعبلت اشويه بس فدوى للمنتــــدى ^_____^
المهم انا ما بطول فالرمــــسة خلونا انشـــــوف المقــــادير الخاصة بالسويت وعلى فكرة حلو حق رمضان عقب الفطور يوم انه بتحطونه بارد عالسفرة ^____^
يالله خلونا انقووول بسم الله:
77.../yujycv8s3.jpg
نحن نبا كوبين حليب بودرة
فنيان شكر(انا خذت استكانة بدل الفنيان لأني وايد امحطيه حليب فإذا بتحطين فنيان معناته تبين لج كوب ونص حليب)
فنيان زيت(نفس الشي بخصوص الزيت)
قشطتين
2ككاو فليك او جلكسي الي يعيبج (انا ما حصلت جلكسي البارحة فحطيت لفليك بداله )
2كريم كراميل
بسكوت الحلويات (الي اوريدي يكون طعمه امشكر مب الي فيه ملح)
77.../i5v2l02v6.jpg
آخذ كوب ونص من الحليب البودرة واحطيه فمقلاة
77.../c4zgb2kzt.jpg
واحمس الحليب
77.../r2934bh9z.jpg
بيصير لونه جذا واقوم اشخل الحليب بحيث مايكون هناك كتل حليب كبيرة
77.../rwv1y13si.jpg
بعدين اظيف عالحليب قشطة وحده+الزيت+الشكر واخلط عدل
77.../aq282sq7x.jpg
لين يصير جذا شكله ,,وبتحسين قوامه زين يوم ما اتلاقينه متكتل وما بيتم لج شي بقاع المله
77.../7agt1i6wd.jpg
احينه آخذ خاشوقة وحدة من الحليب الي تم وياي واييب ماي بارد ترس لقلاص
77.../kiedlvb8m.jpg
77.../sc12flgr5.jpg
اييب صحن غاير اشوي واصب فيه الحليب البارد
77.../2038z6lbq.jpg
آخذ البسكوت واحطه فالحليب واصفه فصحن البايركس
77.../cx1kdtmkh.jpg
بعدين آخذ الخلطة الي سويتها قبل واحطها فصحن الباريركس وارد احط فوقها نفس الشي البسكوت الي مازرتنه بالحليب البارد (يعني اسوي طبقتين)
77.../074x75y2g.jpg
حسيت انه البسكوت مب متروس حليب جان اقوم اقوطر فوقه طشونه (احب يكون قوام البسكوت طري عندي ^__^ )
77.../gjtbuxx6r.jpg
احينه انييب المقادير الباجية عدنا(2كريم كراميل-قشطه –الحليب الي تم قرابة 3خواشيق)
77.../rfx1o82gi.jpg
احينه بنسوي كستر عادي –بنييب الحليب الي تم +قلاس ونص ماي) واخليه يغلي اشوي وعقب اظيف لكريم كرامل)
77.../x99ryo7bk.jpg
بعدين اخلطه (صدق مهمه مستحيلة انج تخلطين واتصورين >_<)
77.../8ytudglmd.jpg
بعدين احط القشطة(عقولة امي قيمر) وهاي اهم خطوة فالسالفة لو ماظبط عندج قوام هالكستر بيخترب عندج السويت لأنه يباله ظرب سريع عالنار كون القشطة غليظة وبتتكتل عندج
77.../xtvl29kd4.jpg
بس جذا اوكي ....لاحظي الرغوة الي طلعت من كثر الخفق-بعدين اشل الكستر من عالنار واحطه بالثلاجة عسب يبرد اشوي (بس انا ما خليته يبرد واهنا انا غلطت >_< لأني كنت مستعيلة على مسلسل أبلة نورة الحلقة الاخيرة وما وحاني اخلي الكستر يبرد وبتقولين ليش ابرده؟؟ شوفي الخطوة الي عقبها )
77.../x9n9nr11g.jpg
لاحظي الي صار >_< البسكوت ارتفع بسبب احرورة الكستر عسب جذا لازم اتخلينه يبرد عقب اتحيطنه بس عادي ما يؤثر
77.../yq17zo85z.jpg
وأخيراً اكسر لفليك واحطه فوق الكستر واخليه يبرد فالثلاجة وجانج بتحطين جلكسي ابشريه قبلها
طعمه ولا أحلــــى
جربيه وخبريني ^______^
رد: سويـــــتي ولا أحلـــــــى من تصوري الخااص^______^
شكله لذيذ ما حطيتي قطعه نطعم ^_^
تسلمين وبنجرب وبنخبرج بالنتايج
رد: سويـــــتي ولا أحلـــــــى من تصوري الخااص^______^
عجييييييييييييييييييييييييييييب
يسلمووووو ع الطريقه
مشكله اللي يطبخون ويصورون
رد: سويـــــتي ولا أحلـــــــى من تصوري الخااص^______^
رد: سويـــــتي ولا أحلـــــــى من تصوري الخااص^______^
يسلمووووووووووووو ع الوصفة الطيبة..
رد: سويـــــتي ولا أحلـــــــى من تصوري الخااص^______^
تسلمين حبوبه ع الوصفة
يعطيج العافية
دمتي بخير
رد: سويـــــتي ولا أحلـــــــى من تصوري الخااص^______^
اقتباس:
المشاركة الأصلية كتبت بواسطة الفارس_الملثم
شكله لذيذ ما حطيتي قطعه نطعم ^_^
تسلمين وبنجرب وبنخبرج بالنتايج
الله يسلمك ^____^
وفالك طيب ان شاء الله متى من بغيت خبرني عالخاص
رد: سويـــــتي ولا أحلـــــــى من تصوري الخااص^______^
اقتباس:
المشاركة الأصلية كتبت بواسطة her highness
عجييييييييييييييييييييييييييييب
يسلمووووو ع الطريقه
مشكله اللي يطبخون ويصورون
هههههه حبيبة قلبي والله ^____^
صح انزين مشكلة يوم اتصورين وتشتغلين كذا مرة طار الكستر على ايدي وهو فوق النار >_<
عالعموم انتي جربي وخبرينا
رد: سويـــــتي ولا أحلـــــــى من تصوري الخااص^______^
اقتباس:
المشاركة الأصلية كتبت بواسطة ملاك المشاعر@
الله يسلمج حبوبة ^____^
مشكورة عالمرور
رد: سويـــــتي ولا أحلـــــــى من تصوري الخااص^______^
اقتباس:
المشاركة الأصلية كتبت بواسطة ذهب الطنيجيas
يسلمووووووووووووو ع الوصفة الطيبة..
الله يسلمج يا قلبي ^___^
جربي وخبرينا
