امس طلعنا صوب وادي البيح عشان نشوف الشارع اللي يوصل لجبل جيس وين وصل وطبعا كانت هناك الكثير من الممرات الضيقة وعشنا الصراحة جو المغامرة والاثارة وشفنا المناظر الخلابة وقلنا سبحان الخالق والله العظيم واخليكم مع الصور
طبعا قبل لا نوصل مركز الجيش بكيلو تقريبا البلدية شغالة هناك وترتب دوار فمرين وطفنا عنه وطلعنا على هذا الشارع الرملي جهة اليسار طبعا
64...658b95be6a.jpg
عقبها يتنا كسارة وطفنا عنها يمين ومشينا بالقرقرة شوية وطلعنا عقب على شارع قار اللي هو هذا
64...6f5c555b68.jpg
طبعا خلال المسافة لين وصلنا منطقة اسمها لحسة خاصة بشعبية البخيتي بنرفق صورها عقب صادفنا مناظر حلوة اخليكم وياها
64...3174f2c3a7.jpg
64...8b400c425e.jpg
64...e351743c08.jpg
64...2eb86e89f7.jpg
ووصلنا عقب منطقة لحسة الخاصة بقوم البخيتي كما ذكرت واخليكم ويا الصور
وقفت موتري هني ونزلنا
64...1a3cef4264.jpg
وصورنالكم هالجم صورة
64...011a548fed.jpg
64...88030ae069.jpg
64...06e6457994.jpg
طبعا ما قدرت انزل اصور تحت تدرون مخلين حلال ومال وجيه ولو جافني حد هناكي وغريب بعد يالله بتقوم القيامة عليه واصور بعد لا اكملت خخخ
كملنا عقب وجفنا الشارع من ضيق لاضيق ونشوف هالممر الوحيد المؤدي الى جبل جيس اللي كنا نبا نشوف الشارع لين وين يوصل
64...e63976d48c.jpg
وهنيه جفنا البلدية مسوين حدايد عسب تمنع الحصى لا يطيح بالشارع شاكرين لهم هالشيء
64...b57402fc2a.jpg
ومن ارتفاع اكثر صورنالكم هالصور
64...a52ccbaf7f.jpg
64...8f7b8f89a3.jpg
ومشينا وارتفعنا اكثر واكثر
64...27f98aece9.jpg
وفي الطريج حصلنالكم اليات المستخدمة لترتيب الطريج من حدايد واليات وغيره
هاي آله مستحدمة للتكسيرة وهي راس تكسير
64...6227633a0a.jpg
وجفنا هاللافتة الارشادية موجودة
64...20816a798c.jpg
وهيه صورة لطرف الشارع وخطورة المكان وهاللي خلاهم يحطون اللافتات وغيره
64...697dcbe235.jpg
ولان الجو كان شوية مطر وينقطع ويرجع مرة ثانية نزلت امطار الخير خلال ما كنا فوق
64...fa3a4ded2b.jpg
64...4a05193839.jpg
64...900fc299f1.jpg
وكان الجو روووووووووووعة امطار ومرات نفاف على كثافة برد على برودة على هوا نقي على مناظر شي شي الصراحة اخليكم ويا الصور
64...7d3922c919.jpg
64...90e0d6b518.jpg
ووصلنا اخر شي وردينا عقبها هالمكان لان شافونا ناس انعرفهم نصحونا ننزل عسب الجو كان مطر والمنطقة ضحلة وكله صعدات خطيرة وممكن اذا كملنا يستوي شي نندم عليه عقب فردينا
64...90f499e50c.jpg
وهنيه يبين المطر من لمعة اليبال نفسها
64...65f5067e6e.jpg
64...f0d88b5ce9.jpg
ونحن رادين لاحظنا وجود اشياء حلوة تخلنا نسبح ربنا ليل نهار
كهف على ارتفاع وصعب الوصول اليه بسهولة وشكله بطيح منه حصى بتكسر البوابة
64...0090d3de21.jpg
وها كهف ثاني بعد ووايد منها الصراحة
64...2d4f686a09.jpg
وهنيه شجرة طالعة من الحصى ووايد منها هناك بس صورنا واحدة ونقول سبحان ربي الاعلى
64...f19b5570cd.jpg
دخلت عقبها هالوادي ادور شي بنفسي جايفنه من زمان بس للاسف ما حصلته
64...f0ad1913db.jpg
وعقبها ردينا واستلمنا الشارع ووينج يا عوافي
64...09e27a4aa2.jpg
طبعا اللي لاحظته ان كل سيارة تخطف عليك اتعرفها او لا تسلم عليك ووالله حسيت بايام اول وكيف الناس كانت عايشة ببساطة وطيبة وتعاون وحب هب شرات الحين
اتمنى هالرحلة البسيطة اللي طبعا الحذر ما خلانا نكملها اتعيبكم وترى الروح غالية خخخخخ
وسالنا عن المسافة بين نهاية الشارع ونقطة الوصول لجبل جيس قالوا انه المسافة بعدها يبالها شوية
ونشكر حكومة راس الخيمة والبلدية وكل القائمين على المشروع على هالشي اللي ما ينوصف الصراحة
وشكرا
