رحلة لم تكتمل

[Just_me]

امس طلعنا صوب وادي البيح عشان نشوف الشارع اللي يوصل لجبل جيس وين وصل وطبعا كانت هناك الكثير من الممرات الضيقة وعشنا الصراحة جو المغامرة والاثارة وشفنا المناظر الخلابة وقلنا سبحان الخالق والله العظيم واخليكم مع الصور

طبعا قبل لا نوصل مركز الجيش بكيلو تقريبا البلدية شغالة هناك وترتب دوار فمرين وطفنا عنه وطلعنا على هذا الشارع الرملي جهة اليسار طبعا




عقبها يتنا كسارة وطفنا عنها يمين ومشينا بالقرقرة شوية وطلعنا عقب على شارع قار اللي هو هذا



طبعا خلال المسافة لين وصلنا منطقة اسمها لحسة خاصة بشعبية البخيتي بنرفق صورها عقب صادفنا مناظر حلوة اخليكم وياها













ووصلنا عقب منطقة لحسة الخاصة بقوم البخيتي كما ذكرت واخليكم ويا الصور

وقفت موتري هني ونزلنا



وصورنالكم هالجم صورة










طبعا ما قدرت انزل اصور تحت تدرون مخلين حلال ومال وجيه ولو جافني حد هناكي وغريب بعد يالله بتقوم القيامة عليه واصور بعد لا اكملت خخخ

كملنا عقب وجفنا الشارع من ضيق لاضيق ونشوف هالممر الوحيد المؤدي الى جبل جيس اللي كنا نبا نشوف الشارع لين وين يوصل




وهنيه جفنا البلدية مسوين حدايد عسب تمنع الحصى لا يطيح بالشارع شاكرين لهم هالشيء




ومن ارتفاع اكثر صورنالكم هالصور








ومشينا وارتفعنا اكثر واكثر






وفي الطريج حصلنالكم اليات المستخدمة لترتيب الطريج من حدايد واليات وغيره

هاي آله مستحدمة للتكسيرة وهي راس تكسير




وجفنا هاللافتة الارشادية موجودة




وهيه صورة لطرف الشارع وخطورة المكان وهاللي خلاهم يحطون اللافتات وغيره




ولان الجو كان شوية مطر وينقطع ويرجع مرة ثانية نزلت امطار الخير خلال ما كنا فوق











وكان الجو روووووووووووعة امطار ومرات نفاف على كثافة برد على برودة على هوا نقي على مناظر شي شي الصراحة اخليكم ويا الصور







ووصلنا اخر شي وردينا عقبها هالمكان لان شافونا ناس انعرفهم نصحونا ننزل عسب الجو كان مطر والمنطقة ضحلة وكله صعدات خطيرة وممكن اذا كملنا يستوي شي نندم عليه عقب فردينا




وهنيه يبين المطر من لمعة اليبال نفسها







ونحن رادين لاحظنا وجود اشياء حلوة تخلنا نسبح ربنا ليل نهار

كهف على ارتفاع وصعب الوصول اليه بسهولة وشكله بطيح منه حصى بتكسر البوابة




وها كهف ثاني بعد ووايد منها الصراحة



وهنيه شجرة طالعة من الحصى ووايد منها هناك بس صورنا واحدة ونقول سبحان ربي الاعلى




دخلت عقبها هالوادي ادور شي بنفسي جايفنه من زمان بس للاسف ما حصلته



وعقبها ردينا واستلمنا الشارع ووينج يا عوافي





طبعا اللي لاحظته ان كل سيارة تخطف عليك اتعرفها او لا تسلم عليك ووالله حسيت بايام اول وكيف الناس كانت عايشة ببساطة وطيبة وتعاون وحب هب شرات الحين


اتمنى هالرحلة البسيطة اللي طبعا الحذر ما خلانا نكملها اتعيبكم وترى الروح غالية خخخخخ

وسالنا عن المسافة بين نهاية الشارع ونقطة الوصول لجبل جيس قالوا انه المسافة بعدها يبالها شوية

ونشكر حكومة راس الخيمة والبلدية وكل القائمين على المشروع على هالشي اللي ما ينوصف الصراحة

وشكرا

[نقطة]

رااااااااااااااائع بصراحة


زياراتك لمناطق جميلة جدا وغريبة

اشكرك واشكر عدستك واشكر نشاطك وحماسك

[منصوريه كووول]

وااااااايد حلوووووووو المكاااااااان
مع انه قريب من عندنا ما رحته
ولا مره هههههه
تسلم ع الصور النااايس اخويه

[Her Highness]

سبحان الله


مناظر حلوه واااااايد


وهالصوره عيبتني






رحلتكم حلوه وان شاء الله استانستوا فيها



بس مره ثانيه شل جيس الكرواسون ولا يغرمك كل لمده شهر كل يوم الصبح اتييب كرواسون بيتنا ههههه




>>>>اسولف



تعرف تخلي الجيس فالسياره ابرك من انك تفره بالشارع


تسلم ع الصور

[أصدآء]

[align=center]
من الصور باين أنها رحله رووعهـ بس خطره بنفس الوقت..
صوو جمييله منك أخووي لمنااآطق جميله.وخاصة منطقة لحسه من أجمل مناطق الشحوح..
وبالاضافة إلى انها تابعة للبخيتي فهي تتبع اليعاقبه والمهابيب وهي (عشائر شحيه)..


تقبل مرووري..^^
[/align]

[~{ليش آناآ}~]

هيه والله شكلها ارحله الجبليه وايد حلوه

مشالله عليك ياخوي
مناظر ولا اروع الصراحه

كفييت ووفيت بها الرحله

يعطبك العافيه اخوي

[الشميلية]

يسلمووو عالصور

[حور العين1]

ررررررررررررروعه ؟

[Just_me]

رااااااااااااااائع بصراحة


زياراتك لمناطق جميلة جدا وغريبة

اشكرك واشكر عدستك واشكر نشاطك وحماسك

العفو اخوي ولا تشكر العدسة بغار منها تراني خخخخخخ

شاكر لك مرورك اخوي

[Just_me]

وااااااايد حلوووووووو المكاااااااان
مع انه قريب من عندنا ما رحته
ولا مره هههههه
تسلم ع الصور النااايس اخويه

الله يسلمج اختي

شو مانعنج تروحينه لو انج قريب

الا قولي تخافي وخلاص ... شو بعد ما رحته وما ما رحته خل عنج هالعلوم


شكرا لج على مرورج الكريم