دونات*دونات*دونات*من ايدينا انا واختي^__^حياكم
السلام عليكم ورحمة الله
كيف الحال خوااتي؟؟^___^عساكم ابخير؟؟
اليوم الظهر اشتغلنا انا واختي على الدونات :)
ادري الكل يقول الدونات يبالها وقت وشغل بس اتصدقون؟؟يوم الوحدة تشتغل ابروحها اكيد بيكون تعب عليها +ايد وحدة ما اتصفق^___^
المهم دخلنا المطبخ بحدود الساعة3و25دقيقة وخلصنا الشغل كله عأذان المغرب يعني قولوا الشغل مال 3ساعات الا اشوي
ما بطول عليكم فالرمسة,,بس حبيت اقولكم انه الدونات شي منه وااايد انواع وعلى حسب العجينة اترومين اتشكلين الدونات فيها
وشي مكاين خااصة حق الدونات تغنيج عن التعب والعجن والقلي والزيت وغيره من هالامور,,يعني سوي العجينة السايحة عالسريع حطيها فالمكاين واستريحي :aa_Popcorn:
بس نحن انحب نتعب على أكلنا عساس يكون له طعم ومذاااق خاص واتكون ردة فعل الي ياكل دووناتنا لأول مرة يقووول :coool:
المهم خلونا نبدى بالمقادير
77.../92e8bklz9.jpg
مثل ما اتشوفون:بيضة وحدة-كوبين ونص طحين رقم 1-كوب حليب يكون دافي(اترومين اتحطين 3خواشيق حليب بودرة فقلاس ماي اذا ماعندج حليب طازج)-فانيلا خاشوقتين كبار(انا احب طعم الفانيلا على الحلويات عسب يخوز ريحة لهسوسية عن البيض ولو انه اختي بس اتحطي خاشوقة وحده اكبيرة-بيكنج باودر خاشوقتين كبار-خميرة خاشوقة كبيرة ونص-اشوية ملح-30غرام زبدة(يعني من هالنوعية 3حبات واذا عندج الزبدة العودة حطي ربع كوب منها-ثلث كوب شكر (وانا من صووبي اقول زيدي الشكر وكل من زيدتي كان احلى ^_^)
اهنا حطينا الطحين
77.../9t7dwf1ia.jpg
والزبدة(بس مب كلها لأنه بنحطيها على مراحل)
77.../nzu4t6vdu.jpg
والخميرة
77.../h3jt1wixe.jpg
والبيضة(بس خليها تدفى مب اطلعينها من الثلاجة وعلى طول تشتغلين عليها,,هالنقطة حطيها فبالج حتى فالكيك)
77.../hn189yli8.jpg
ورشة الملح
77.../quyppjwho.jpg
والفانيلا(اهنا كانت اتصب وجان اشوت ايدها لأنها لعوزتني كله اتقول لألأ:sm166: ما انحطي خاشوقتين وانا اقولها زيدي يوم عاندت جان اكفخ ايدها واتصب الفانيلا:sm133:بس والله رووووعة اساساَ الي حلى الدونات كان الفانيلا:sm126:وهي تتخقق اتقول اونه لأنه ايدي الي تشتغل فأكيد بيكون طعمها غير:sm88:)
77.../9xwhi0007.jpg
ظفنا الشكر
77.../wb1gaseit.jpg
والبيكنج باودر
77.../y96ot5tf8.jpg
والحليب
77.../tinjobamj.jpg
اول شي انفتت الزبدة ويالطحين ونعجن
77.../cwc04ljui.jpg
لين اتصير جذا وانغطيها نص ساعه(هذا شكل العجينة عالساعه3و47دقيقة وقررنا انغطيها وانرد انشوفها عالساعه 5لأنه الوقت بارد فما بتخمر ابسرعه )
77.../a5i8cgp7d.jpg
شكل العجينة عقب ما اتخمرت
77.../xhnoxct2s.jpg
شلينا قشنا وسرنا الحوووش عسب انه اشرح من المطبخ :sm125:
77.../3y01c6m4n.jpg
بدت اختي تعجن وفردت العجينة ويبنا القواطع وبدينا انسوي حلقات الدونات
77.../syg96hwun.jpg
شغلنا كان بدائي اشوي واستخدمنا الغطاة عسب نخرم الدونات (مع العلم شي قطاعات خاصة بالدونات بس هاي الطريقة حطيناها عسب الكل يستفاد اذا ما عنده هالاشيا فالمطبخ ويروم يستخدم لقلاس عسب يسوي الحلقات لكبيرة):ebdaa:
77.../sli1ioim6.jpg
خذنا الدونات وقليناهم ^___^واااو كشخة جيه ما يطاير الزيت على ايدي لأنه الملاس فيه ماي وطار عالتيلفون :sm100:اهنا قلت لااا بالله راح فيها التيلفووون
77.../k6ntbg1z5.jpg
وها شكلهم بعد ما قليناهم
77.../aqw7emwrg.jpg
فالوقت الي تقلي اختي فيه ,,سرت انا عسب اجهز الشكر وما حصلت شكر بودرة فلجأت اني اطحن الشكر :sm122:
77.../g8sq1ue13.jpg
اهنا بعد ما صفيناهم بالصينية
77.../tv7ph1wo4.jpg
واهنا يوم رشيناهم بالشكر(معنه كان خاطري اسويهم بالككاو بس الي فالبيت ما يحبون الدونات ويا الككاو :()
77.../0suut9t14.jpg
صور تذكارية للدونات ^____^
77.../dka6xof38.jpg
77.../16wtkoi80.jpg
واهنا من عقب ما صلينا المغرب شلينا الصينية وقعدنا ناكل بالحوووش على هالجو الغاااوي ^___^
77.../029jmb32v.jpg
الموضوع حصري على منتدانا:alramsarabic:والي حاب ينقله احلله هالشي مع ذكر المصدر واسم العضوة^___^
وفمان الله^____^
رد: دونات*دونات*دونات*من ايدينا انا واختي^__^حياكم
تسلمو ايدكم ع الدونااااااااااااااااااات
يعطيكم العافيه
دمتي بود
رد: دونات*دونات*دونات*من ايدينا انا واختي^__^حياكم
رد: دونات*دونات*دونات*من ايدينا انا واختي^__^حياكم
[glow1=663333]
[align=center]
تسلم ايدكم روعة
[/align]
[/glow1]
رد: دونات*دونات*دونات*من ايدينا انا واختي^__^حياكم
رد: دونات*دونات*دونات*من ايدينا انا واختي^__^حياكم
كل ما اسوي دونتس ما تنجح الطريقه اها اهأ
عسب جذا أنا متعقده من الدونتس .. و شكراً
رد: دونات*دونات*دونات*من ايدينا انا واختي^__^حياكم
تسلم الـأيآآآآدي .. =)
بس انـآآ مآع ـرف شي بالطبخ ابداااً ..~> فضحَ ـت نفسهـآآ =9
دمتي بوـود ..
رد: دونات*دونات*دونات*من ايدينا انا واختي^__^حياكم
اقتباس:
المشاركة الأصلية كتبت بواسطة rak boy 783
تسلمو ايدكم ع الدونااااااااااااااااااات
يعطيكم العافيه
دمتي بود
الله يسلمك ويعافيك ^_____^
شكراً عالمرور الطيب
رد: دونات*دونات*دونات*من ايدينا انا واختي^__^حياكم
اقتباس:
المشاركة الأصلية كتبت بواسطة اماراتيه وافتخر
شكراً عالمرور الحلو يا حلوة^__^
رد: دونات*دونات*دونات*من ايدينا انا واختي^__^حياكم
اقتباس:
المشاركة الأصلية كتبت بواسطة *مسك الإمارات*
[glow1=663333]
[align=center]
تسلم ايدكم روعة
[/align]
[/glow1]
الله يسلمج حبوبة ^__^
