رد مع اقتباستسلمو ايدكم ع الدونااااااااااااااااااات
يعطيكم العافيه
دمتي بود
دونات*دونات*دونات*من ايدينا انا واختي^__^حياكم
|
السلام عليكم ورحمة الله
كيف الحال خوااتي؟؟^___^عساكم ابخير؟؟
اليوم الظهر اشتغلنا انا واختي على الدونات
ادري الكل يقول الدونات يبالها وقت وشغل بس اتصدقون؟؟يوم الوحدة تشتغل ابروحها اكيد بيكون تعب عليها +ايد وحدة ما اتصفق^___^
المهم دخلنا المطبخ بحدود الساعة3و25دقيقة وخلصنا الشغل كله عأذان المغرب يعني قولوا الشغل مال 3ساعات الا اشوي
ما بطول عليكم فالرمسة,,بس حبيت اقولكم انه الدونات شي منه وااايد انواع وعلى حسب العجينة اترومين اتشكلين الدونات فيها
وشي مكاين خااصة حق الدونات تغنيج عن التعب والعجن والقلي والزيت وغيره من هالامور,,يعني سوي العجينة السايحة عالسريع حطيها فالمكاين واستريحي
بس نحن انحب نتعب على أكلنا عساس يكون له طعم ومذاااق خاص واتكون ردة فعل الي ياكل دووناتنا لأول مرة يقووول
المهم خلونا نبدى بالمقادير
مثل ما اتشوفون:بيضة وحدة-كوبين ونص طحين رقم 1-كوب حليب يكون دافي(اترومين اتحطين 3خواشيق حليب بودرة فقلاس ماي اذا ماعندج حليب طازج)-فانيلا خاشوقتين كبار(انا احب طعم الفانيلا على الحلويات عسب يخوز ريحة لهسوسية عن البيض ولو انه اختي بس اتحطي خاشوقة وحده اكبيرة-بيكنج باودر خاشوقتين كبار-خميرة خاشوقة كبيرة ونص-اشوية ملح-30غرام زبدة(يعني من هالنوعية 3حبات واذا عندج الزبدة العودة حطي ربع كوب منها-ثلث كوب شكر (وانا من صووبي اقول زيدي الشكر وكل من زيدتي كان احلى ^_^)
اهنا حطينا الطحين
والزبدة(بس مب كلها لأنه بنحطيها على مراحل)
والخميرة
والبيضة(بس خليها تدفى مب اطلعينها من الثلاجة وعلى طول تشتغلين عليها,,هالنقطة حطيها فبالج حتى فالكيك)
ورشة الملح
والفانيلا(اهنا كانت اتصب وجان اشوت ايدها لأنها لعوزتني كله اتقول لألأما انحطي خاشوقتين وانا اقولها زيدي يوم عاندت جان اكفخ ايدها واتصب الفانيلا
بس والله رووووعة اساساَ الي حلى الدونات كان الفانيلا
وهي تتخقق اتقول اونه لأنه ايدي الي تشتغل فأكيد بيكون طعمها غير
)
ظفنا الشكر
والبيكنج باودر
والحليب
اول شي انفتت الزبدة ويالطحين ونعجن
لين اتصير جذا وانغطيها نص ساعه(هذا شكل العجينة عالساعه3و47دقيقة وقررنا انغطيها وانرد انشوفها عالساعه 5لأنه الوقت بارد فما بتخمر ابسرعه )
شكل العجينة عقب ما اتخمرت
شلينا قشنا وسرنا الحوووش عسب انه اشرح من المطبخ
بدت اختي تعجن وفردت العجينة ويبنا القواطع وبدينا انسوي حلقات الدونات
شغلنا كان بدائي اشوي واستخدمنا الغطاة عسب نخرم الدونات (مع العلم شي قطاعات خاصة بالدونات بس هاي الطريقة حطيناها عسب الكل يستفاد اذا ما عنده هالاشيا فالمطبخ ويروم يستخدم لقلاس عسب يسوي الحلقات لكبيرة)
خذنا الدونات وقليناهم ^___^واااو كشخة جيه ما يطاير الزيت على ايدي لأنه الملاس فيه ماي وطار عالتيلفوناهنا قلت لااا بالله راح فيها التيلفووون
وها شكلهم بعد ما قليناهم
فالوقت الي تقلي اختي فيه ,,سرت انا عسب اجهز الشكر وما حصلت شكر بودرة فلجأت اني اطحن الشكر
اهنا بعد ما صفيناهم بالصينية
واهنا يوم رشيناهم بالشكر(معنه كان خاطري اسويهم بالككاو بس الي فالبيت ما يحبون الدونات ويا الككاو)
صور تذكارية للدونات ^____^
واهنا من عقب ما صلينا المغرب شلينا الصينية وقعدنا ناكل بالحوووش على هالجو الغاااوي ^___^
الموضوع حصري على منتداناوالي حاب ينقله احلله هالشي مع ذكر المصدر واسم العضوة^___^
وفمان الله^____^
تسلمو ايدكم ع الدونااااااااااااااااااات
يعطيكم العافيه
دمتي بود
[glow1=663333]
[align=center]
تسلم ايدكم روعة
[/align]
[/glow1]
تسلم ايدكم
كل ما اسوي دونتس ما تنجح الطريقه اها اهأ
عسب جذا أنا متعقده من الدونتس .. و شكراً
تسلم الـأيآآآآدي .. =)
بس انـآآ مآع ـرف شي بالطبخ ابداااً ..~> فضحَ ـت نفسهـآآ =9
دمتي بوـود ..
الله يسلمك ويعافيك ^_____^المشاركة الأصلية كتبت بواسطة rak boy 783
شكراً عالمرور الطيب
شكراً عالمرور الحلو يا حلوة^__^
الله يسلمج حبوبة ^__^
ضوابط المشاركة
