صينية ديااي بالفررررن من مطبخي ^___^طعم ولا اشهى يمي يمي
مرحباااا الغوالي
البارحة كنت فالمطبخ احوووس واحوووس افكر :sm105:بلي اسويه عالعشى..
خصوصاً انه امي غسلت ايدها تماماً من هالبشكارة هههههه
والوالدة مب من النوع الي يتأمر عالبشاكير:aa_mo6reqa: ,,اتقول لو البشكارة فطينة ومن خاطرها تبا تشتغل جان سوت العشى بدون محد يقولها كل يوم سوي جذا ولا سوي جذااك ..
فقررت من فترة اني امسك موضوع العشى يومياً فالمطبخ عسب ما يرتفع ضغط امي من ورى هالسالفة :aa_kaaak:ههههه
ومعلووووم طبااااخي احلى وانظف من ايد البشاااكير ^___*
بس سامحوووني هالمرة ما صورت المقادير ولا الطريقة بالتفصيل:sm122: بس بعطيكم اياها بشكل مبسط وسهل بنفس الوقت رهيييييبة بتطلع لكم ^____^
والمرة اليايه ان شاء الله بعلمكم طريقتي بصينية الدياي بالروووب ^^كانت اكله مب اعتيادية فالبيت واهلي متعودين على صينية الدياي هاذي :i like it:من جذا حبيت اسويها لهم ..
المهم المقادير كالتالي:
صدور دياي -بصل-ثوم-زنجبيل-بطاط-فلفل بارد-فلفل حار-طماط-يزر -ليمون-حامض الليمون-خل التفاح-ماي-معجون طماط-صلصة الصويا
البهارات المطحونة بتكون:
ملح-فلفل اسود-كركم-حب الفلفل الاحمر(بتلاقونه فالجمعيات)-كاري-ماجي-بزار-لومي صحاري مطحون
بسم الله نبدأ الطريقة...
*بناااات انا بستخدم هالمقادير مرتين :
(الثوم+الزنجبيل+الطماط) والليمون بضربهم بالخلااط واخليهم على صووب ..
*اقطع صدور الدياي مكعاب صغار واذر عليهم (الكركم +حامض الليمون +خل التفاح +صلصة الصويا)واخليهم على صووب ليين اخوز اهسوسية الدياي----- نص ساعه اذا مستعيلة
* بقطع كل الخضرة والي وياي (بصل-ثوم-زنجبيل-بطاط-فلفل بارد-فلفل حار-طماط-يزر)
*احينه بييب الخلطة الي ظربتها فالخلاط وبحطها فوق الدياي,,بقلبها عدل لين احس انه كل الدياي خذ من هالخلطة وبشلهم وبحطهم فووق الخضرة الي قطعتها وبرد اخلطهم مع بعض عسب الكل يااخذ من هالنكهة..
* اييب الصينية او البايركس الي بدخلها الفرن وبحط فووقها كل يلي خلطته قبل(الخضرة+الدياي)
*بييب ملة وبحط فيها معجون الطماط +ماي+الماجي وباقي البهارات وبحركهم ,,بذووق اشوي اذا محتايه اني ازيد الفلفل او لأ واذا اووكي خلااص برد اصب مقادير هالملة فوووق الصينية..
*واخيراً اغطي الصينية بقصدير وبخبق القصدير بالشووجة عسب يدخل ويطلع الهواء من دااخل الصينية وتستوي المقادير زين ..
*بالنسبة لدرجة الحرارة انا اخليها200 واشغل الفرن من فوق وتحت وبتم الصينية ساعه ونص بالفرن عقبها اشل القصدير وازيد من حرارة الفرن لي250 واشغل الحرارة الفوقية عسب يحمر الدياي من فوووق ووووبس ^^
اتمنى اتكووون سهله وعرفتوا الطريقة من خلال الشرح ,,وان شاء الله اذا مداني الوقت مرة ثانية بصوورها لكم خطوة بخطوة ^__*
ملاااحظة صغيررونة:للي ما اتحب الصالونة الخفيفة بهالاكلة اتروم اتخفف منها عن طريق الناار الي بتبخر الصالونة شوي شوي ,,بس انا اهلي يحبونها جذا ..
هاي الصووور
http://im13.gulfup.com/2012-02-06/1328529802301.jpg
http://im13.gulfup.com/2012-02-06/1328529802492.jpg
http://im13.gulfup.com/2012-02-06/1328529802233.jpg
وبالعافية عليكم^^..
رد: صينية ديااي بالفررررن من مطبخي ^___^طعم ولا اشهى يمي يمي
تسلمْ إيدج عَ آلأكلَة ،
قوّآج آلله ،
رد: صينية ديااي بالفررررن من مطبخي ^___^طعم ولا اشهى يمي يمي
يسلموااااااااا على هاي الاكله شكلها رووعه ......... والله يعطيجالصحه والعاافيه
رد: صينية ديااي بالفررررن من مطبخي ^___^طعم ولا اشهى يمي يمي
مااا شااااء الله ع
الطبخه الغاااااويه
رد: صينية ديااي بالفررررن من مطبخي ^___^طعم ولا اشهى يمي يمي
يم يم يم لذيذ جدا وشكلها مشهي
يسلموووو خيتو على هالطبخه الغاويه
توني مسوي طبخه بالبيت 2 فريات مع صالونه خفيفه وبطاط وثوم وبصل وووووو مع خبر صفاع
يم يم يم
لكني للاسف نسيت اصور الطريقه والله سوري في الحلقه القادمه بصور لكم
والسموحه
بارك الله يج اختي على هالطبخه
رد: صينية ديااي بالفررررن من مطبخي ^___^طعم ولا اشهى يمي يمي
تسلم ايدج أم محمد على هالاكله
بجربها إن شاء الله يوم بروح بيت أهلي لانه عيالي مايشجعوني أطبخ لهم *
رد: صينية ديااي بالفررررن من مطبخي ^___^طعم ولا اشهى يمي يمي
تسلم ايدج اختي ع الطبخة والى الامام دائما
رد: صينية ديااي بالفررررن من مطبخي ^___^طعم ولا اشهى يمي يمي
مشكورة مريوم على هالطبخة الغاوية
بس بصراحة دار راسي منها , وايد فيها مقادير
بسويها وانشاء الله , تضبط عندي
مشكورة خيتو
رد: صينية ديااي بالفررررن من مطبخي ^___^طعم ولا اشهى يمي يمي
اقتباس:
المشاركة الأصلية كتبت بواسطة عاشق الطقس
يم يم يم لذيذ جدا وشكلها مشهي
يسلموووو خيتو على هالطبخه الغاويه
توني مسوي طبخه بالبيت 2 فريات مع صالونه خفيفه وبطاط وثوم وبصل وووووو مع خبر صفاع
هههههه
منو مصفعنه ؟؟؟؟؟
رد: صينية ديااي بالفررررن من مطبخي ^___^طعم ولا اشهى يمي يمي
اقتباس:
المشاركة الأصلية كتبت بواسطة حرم علي
هههههه
منو مصفعنه ؟؟؟؟؟
هذا نوووع من الخبز {صفاع}
بيكون بالدرس القادم ان شاء الله
اترقبونا بالاصدار القادم
اش اش اش
رد: صينية ديااي بالفررررن من مطبخي ^___^طعم ولا اشهى يمي يمي
مشكورين عالمرور
اتمنى اتجربونها واتقولولي راايكم^^..
بخصوص خبز السفاااع (خبز اليبل-خبز التنور) او لصفااااع مثل ما يسميه اخوي عاشق الطقس وااايد معرووف عدنا نحن الشحوح
ولبداااه اكثر شي يسوونه ..
بس مادري جان هل راس الخيمة يعرفونه او لأ
واايد لذيذ ويالسمن العربي ..
رد: صينية ديااي بالفررررن من مطبخي ^___^طعم ولا اشهى يمي يمي
اقتباس:
المشاركة الأصلية كتبت بواسطة عاشق الطقس
هذا نوووع من الخبز {صفاع}
بيكون بالدرس القادم ان شاء الله
اترقبونا بالاصدار القادم
اش اش اش
بالصور الله يخليك , لاني صعب استوعب بدون الصور
رد: صينية ديااي بالفررررن من مطبخي ^___^طعم ولا اشهى يمي يمي
اقتباس:
المشاركة الأصلية كتبت بواسطة ام محمد من راك
بخصوص خبز السفاااع (خبز اليبل-خبز التنور) او لصفااااع مثل ما يسميه اخوي عاشق الطقس وااايد معرووف عدنا نحن الشحوح
ولبداااه اكثر شي يسوونه ..
بس مادري جان هل راس الخيمة يعرفونه او لأ
بس واايد لذيذ ويالسمن العربي ..
ما انعرفة فديتج , أول مرة اسمع عنه , اهل اليبل والشحوح اكيد يعرفونه
نحن اهل راس الخيمة ما انعرفة ,, ما يستوي بدون التنور ؟؟؟
رد: صينية ديااي بالفررررن من مطبخي ^___^طعم ولا اشهى يمي يمي
رد: صينية ديااي بالفررررن من مطبخي ^___^طعم ولا اشهى يمي يمي
يعطــــــيج ألف عآآآفيه على الطبخه الحلوه وتسلمين .. بجرب طريقتج دمتي بحفظ الرحمن^^
رد: صينية ديااي بالفررررن من مطبخي ^___^طعم ولا اشهى يمي يمي
[align=center]
بارك الله فيج ريحتي الوالدة اهم شي
[/align]
رد: صينية ديااي بالفررررن من مطبخي ^___^طعم ولا اشهى يمي يمي
رد: صينية ديااي بالفررررن من مطبخي ^___^طعم ولا اشهى يمي يمي
مشكوره اختى على الوصفة السهلة .وان شاء الله راح اسويها فى يوم من الايام .
