رد مع اقتباستسلمْ إيدج عَ آلأكلَة ،
قوّآج آلله ،
صينية ديااي بالفررررن من مطبخي ^___^طعم ولا اشهى يمي يمي
|
مرحباااا الغوالي
البارحة كنت فالمطبخ احوووس واحوووس افكربلي اسويه عالعشى..
خصوصاً انه امي غسلت ايدها تماماً من هالبشكارة هههههه
والوالدة مب من النوع الي يتأمر عالبشاكير,,اتقول لو البشكارة فطينة ومن خاطرها تبا تشتغل جان سوت العشى بدون محد يقولها كل يوم سوي جذا ولا سوي جذااك ..
فقررت من فترة اني امسك موضوع العشى يومياً فالمطبخ عسب ما يرتفع ضغط امي من ورى هالسالفةههههه
ومعلووووم طبااااخي احلى وانظف من ايد البشاااكير ^___*
بس سامحوووني هالمرة ما صورت المقادير ولا الطريقة بالتفصيلبس بعطيكم اياها بشكل مبسط وسهل بنفس الوقت رهيييييبة بتطلع لكم ^____^
والمرة اليايه ان شاء الله بعلمكم طريقتي بصينية الدياي بالروووب ^^كانت اكله مب اعتيادية فالبيت واهلي متعودين على صينية الدياي هاذيمن جذا حبيت اسويها لهم ..
المهم المقادير كالتالي:
صدور دياي -بصل-ثوم-زنجبيل-بطاط-فلفل بارد-فلفل حار-طماط-يزر -ليمون-حامض الليمون-خل التفاح-ماي-معجون طماط-صلصة الصويا
البهارات المطحونة بتكون:
ملح-فلفل اسود-كركم-حب الفلفل الاحمر(بتلاقونه فالجمعيات)-كاري-ماجي-بزار-لومي صحاري مطحون
بسم الله نبدأ الطريقة...
*بناااات انا بستخدم هالمقادير مرتين :
(الثوم+الزنجبيل+الطماط) والليمون بضربهم بالخلااط واخليهم على صووب ..
*اقطع صدور الدياي مكعاب صغار واذر عليهم (الكركم +حامض الليمون +خل التفاح +صلصة الصويا)واخليهم على صووب ليين اخوز اهسوسية الدياي----- نص ساعه اذا مستعيلة
* بقطع كل الخضرة والي وياي (بصل-ثوم-زنجبيل-بطاط-فلفل بارد-فلفل حار-طماط-يزر)
*احينه بييب الخلطة الي ظربتها فالخلاط وبحطها فوق الدياي,,بقلبها عدل لين احس انه كل الدياي خذ من هالخلطة وبشلهم وبحطهم فووق الخضرة الي قطعتها وبرد اخلطهم مع بعض عسب الكل يااخذ من هالنكهة..
* اييب الصينية او البايركس الي بدخلها الفرن وبحط فووقها كل يلي خلطته قبل(الخضرة+الدياي)
*بييب ملة وبحط فيها معجون الطماط +ماي+الماجي وباقي البهارات وبحركهم ,,بذووق اشوي اذا محتايه اني ازيد الفلفل او لأ واذا اووكي خلااص برد اصب مقادير هالملة فوووق الصينية..
*واخيراً اغطي الصينية بقصدير وبخبق القصدير بالشووجة عسب يدخل ويطلع الهواء من دااخل الصينية وتستوي المقادير زين ..
*بالنسبة لدرجة الحرارة انا اخليها200 واشغل الفرن من فوق وتحت وبتم الصينية ساعه ونص بالفرن عقبها اشل القصدير وازيد من حرارة الفرن لي250 واشغل الحرارة الفوقية عسب يحمر الدياي من فوووق ووووبس ^^
اتمنى اتكووون سهله وعرفتوا الطريقة من خلال الشرح ,,وان شاء الله اذا مداني الوقت مرة ثانية بصوورها لكم خطوة بخطوة ^__*
ملاااحظة صغيررونة:للي ما اتحب الصالونة الخفيفة بهالاكلة اتروم اتخفف منها عن طريق الناار الي بتبخر الصالونة شوي شوي ,,بس انا اهلي يحبونها جذا ..
هاي الصووور
وبالعافية عليكم^^..
تسلمْ إيدج عَ آلأكلَة ،
قوّآج آلله ،
أتمزق وجرآحي تكاد تتناثر من حولي لكثرتهآ .. وحاجتي لمن يلملمُهَآ يوماً عَن يومٍ تزيد =(
يسلموااااااااا على هاي الاكله شكلها رووعه ......... والله يعطيجالصحه والعاافيه
عــــــــــــــــــــــــــــــذبه الشحــــــــــــــــــــــــــــــــــــــــوح ..
مااا شااااء الله ع
الطبخه الغاااااويه
الرقيه الشرعيه والقران الكريم وادعيه القنوت لعدد من المشايخ
يم يم يم لذيذ جدا وشكلها مشهي
يسلموووو خيتو على هالطبخه الغاويه
توني مسوي طبخه بالبيت 2 فريات مع صالونه خفيفه وبطاط وثوم وبصل وووووو مع خبر صفاع
يم يم يم
لكني للاسف نسيت اصور الطريقه والله سوري في الحلقه القادمه بصور لكم
والسموحه
بارك الله يج اختي على هالطبخه
تسلم ايدج أم محمد على هالاكله
بجربها إن شاء الله يوم بروح بيت أهلي لانه عيالي مايشجعوني أطبخ لهم *
تسلم ايدج اختي ع الطبخة والى الامام دائما
مشكورة مريوم على هالطبخة الغاوية
بس بصراحة دار راسي منها , وايد فيها مقادير
بسويها وانشاء الله , تضبط عندي
مشكورة خيتو
ههههههالمشاركة الأصلية كتبت بواسطة عاشق الطقس
منو مصفعنه ؟؟؟؟؟
رد: صينية ديااي بالفررررن من مطبخي ^___^طعم ولا اشهى يمي يمي
هذا نوووع من الخبز {صفاع}
بيكون بالدرس القادم ان شاء الله
اترقبونا بالاصدار القادم
اش اش اش
ضوابط المشاركة
