مجبوس دياى لعيونج حرم على

السلام عليكم ورحمه الله وبركاته..


84...1751998558.jpg
صوره توضيحيه منقوله
طلبت اختى حرم على طريقه المجبوس وانا راح اعطيج طريقتى البسيطه والسهله..
المقادير :
دجاج مقطع انصاف او اثمان
بهارات صحيحه ..(( 5 حبات هيل _5 مسمار _ 5 فلفل أسود _ 2 ورق غار _ 2 قرفه_ 1 ليمونه ))
ملعقه من الكركم
2 كوب ونصف عيش
زيت
ملح حسب الحاجه
بصل مقطع شرائح ومقلى
وماى
الطريقه:

اسلقى الدجاج بماى مع اضافه كل البهارات الصحيحه مع ملعقه من الكركم وملقتين من الملح .
وعند استواى الدجاج يبى جدر عود اشوى وحطى المشخله فوقه لانج راح تشخلين الماى مال الدجاج , بحيث انه الماى المسلوق ينزل بالجدر بدون مايكون فيه ولا حبه من البهارات الصحيحه فهمتى على حرومه ..
وبعدين الجدر الى حطيتى فيه الماى الى انسلق فيه الدجاج حطيه على النار ولمن يثور اسلقى العيش فيه وحطيه فيه البصل المقلى وشويه زيت وبعدين اذا قرب يستوى العيش اشخليه ..
بعدين ردى العيش داخل الجدر بس قبل ها لازم اتحطين اشويه زيت بالقاع بعدين العيش واخر شي حطى الدجاج الى سلقناه اول شي..
اختى حرم عليج حريه اختيار البهارات اختى الى تحبينه فديتج , حتى الدجاج عقب ماتسلقيه عادى تقليه وتحطينه فوق العيش اى شي تبينه يستوى اختى ..
اتمنى وصلت لج شي من المعلومه..

آآي بطني آآي عذااب هذاااا شكلا لذيييييييييييييييييييذ نبض عورتي قلبي الصغير لا يتحمل
جميييل جميييييييييييييل جميييييييييييييييل يخرب بيت فارج حبييتج..!!

تسلمين على المرور اختى ماروكو ..

ماشــــاآء إلله أختي نبوضه طريقه سهله ....يعطيج ألعافيه خيتوو
تسلم أناملج^^

تسلمين صمت على المرور

بعد جامليها بريج حلو وقوليلها مشكوره .. شاقه عمرها شق وبالأخر طاااف

اقتباس:

---

المشاركة الأصلية كتبت بواسطة toy story

بعد جامليها بريج حلو وقوليلها مشكوره .. شاقه عمرها شق وبالأخر طاااف

---

لا اخوى اعتقد هـى مانتبهت للموضوع لانه عندها يهال ونونو صغيره عشان جدا ..
المهم ماشاء الله مار على موضوعى تسلم والله

الطريقه حلوه

تسلم ايدج ع هييك موضوع ...


تقبلي مروري ^^

مشكوووة نبض فديتج ماقصرتي .. لو تشوفيني كيف احتاس في المطبخ بسبة هالمجبوس
مشكلتي في قياس الماي . دايما يعتصد عندي العيش ,, واخرتها اضربه بمضراب الهريس
وتستوي عندي مضروبه
لكن طريقتج واايد بسيطة , وغير عن طريقتي ,, انا اسوي صالونه عادية , واحط العيش فيها
لكن طريقتج . بجربها ان شاء الله , وياارب تضبط عندي
بس تعالي .... كيف تفورين العيش في ماي الدياي ؟؟!!!! فيه زفر

toy story اشحالك ؟؟
ها مكان الحريم , شو امدخلنك عرض ؟؟؟؟؟

لا حبيبتى حرم بالعكس لانى لمن افور الدياى اكون حاطه فيه كل شي من مسمار وهيل ووورق غار وقرفه والكركم وتكون ريحه المجبوس رهيبه اختى

بقوم بجربها عالفطور اليوم , شو وراي
ضبط ضبط , ما ضبط الله كريم

تسلم ايدج يا نبض ع الوصفه

حشى داش مصلى النساء مب موقع

toy story اشحالك ؟؟
ها مكان الحريم , شو امدخلنك عرض ؟؟؟؟؟ [/QUOTE]

ههههههههههههه
الله يقطع ابليسك توى

تسلم ايدج على المقادير والمجبوس الحلو

بعد ماضبط عندي ,و لا بفكر اجربه مره ثانية
لا المجبوس ولا الرقاق
صابني احباااط

حرم انا كنت شراتج قبل بس تميت افكر جيف اسويه بأسهل الطرق بروحى اعلم نفسي بنفسي وعلى فكره شراتج الرقاق ما اعرف اسويه لا هو ولا القيمات

عيل انا القيمات يضبط عندي , وكل شي يضبط عندي الحمد لله
الا المجبوس والرقاق واحيانا الخبيصة النثرية
لو عندي وقت , جان سرت لحرمة كبيره تعلمي الاكل الشعبي
بدل ما اسوي ويخترب

اديسون عندما اخترع الضوء او ( اللمبه ) ، قد قالوا له قبل نجاحه في اختراعه ، انت فشلت قبل هذه المرة الف مرة .. فعلا فقد كان اديسون خاض التجربه لالف مرة قبل نجاحه .. فقال لهم : انا لم افشل في تجاربي السابقه ، انما في كل تجربة لي مضت كنت اتعلم اكثر ...
احببت ان اوصل المعنى بأن مع الممارسة و الاراده كل شي يكون سهل و بسيط ....
عذرا للتدخل

صج كلامك بو راشد

يزاك الله خير بوراشد .. بس هاي نعمة الله
حرام نسوي ويخترب واخرتها ينفر الأكل في الزبالة
والنعمة زوالة والله بيحاسبنا عليها
عالعموم بخوض التجربة مره ثانية وان شاء تضبط

تسلمين غناتي عالطريقه

الحين أنا شو دخلني قسم المطبخ يوعانه حدي


يعطيج العافيه

تسلمين اختى ام موزه

شكرا ع الطريقه ختيه نبض انسااااااان
سهله بسيطه وبالنسبه لي عندي عدة طرق للمجبوس
بحاول انزل طريقتي اذا حصلت وقت
وفرصه ان شاء الله .
تستاهل اختنا حرم علي الاهداء ومبروك ع النونو حرم علي
بنت ولا ولد يتربى بعزج وعز ابوه والحمدلله ع سلامتج

شكرا على المرور اختى غلا ماتقصرين

ما شاء الله طريقه حلوه
ان شاء الله بجربهاا

شكرا اختى

يسلمو ع الوصفه

العفو اختى