مجبوس دياى لعيونج حرم على

[نبض انسان]

السلام عليكم ورحمه الله وبركاته..



صوره توضيحيه منقوله
طلبت اختى حرم على طريقه المجبوس وانا راح اعطيج طريقتى البسيطه والسهله..
المقادير :
دجاج مقطع انصاف او اثمان
بهارات صحيحه ..(( 5 حبات هيل _5 مسمار _ 5 فلفل أسود _ 2 ورق غار _ 2 قرفه_ 1 ليمونه ))
ملعقه من الكركم
2 كوب ونصف عيش
زيت
ملح حسب الحاجه
بصل مقطع شرائح ومقلى
وماى
الطريقه:

اسلقى الدجاج بماى مع اضافه كل البهارات الصحيحه مع ملعقه من الكركم وملقتين من الملح .
وعند استواى الدجاج يبى جدر عود اشوى وحطى المشخله فوقه لانج راح تشخلين الماى مال الدجاج , بحيث انه الماى المسلوق ينزل بالجدر بدون مايكون فيه ولا حبه من البهارات الصحيحه فهمتى على حرومه ..
وبعدين الجدر الى حطيتى فيه الماى الى انسلق فيه الدجاج حطيه على النار ولمن يثور اسلقى العيش فيه وحطيه فيه البصل المقلى وشويه زيت وبعدين اذا قرب يستوى العيش اشخليه ..
بعدين ردى العيش داخل الجدر بس قبل ها لازم اتحطين اشويه زيت بالقاع بعدين العيش واخر شي حطى الدجاج الى سلقناه اول شي..
اختى حرم عليج حريه اختيار البهارات اختى الى تحبينه فديتج , حتى الدجاج عقب ماتسلقيه عادى تقليه وتحطينه فوق العيش اى شي تبينه يستوى اختى ..
اتمنى وصلت لج شي من المعلومه..

[maroco]

آآي بطني آآي عذااب هذاااا شكلا لذيييييييييييييييييييذ نبض عورتي قلبي الصغير لا يتحمل
جميييل جميييييييييييييل جميييييييييييييييل يخرب بيت فارج حبييتج..!!

[نبض انسان]

تسلمين على المرور اختى ماروكو ..

[صمت_المشاعر]

ماشــــاآء إلله أختي نبوضه طريقه سهله ....يعطيج ألعافيه خيتوو
تسلم أناملج^^

[نبض انسان]

تسلمين صمت على المرور

[TOY STORY]

بعد جامليها بريج حلو وقوليلها مشكوره .. شاقه عمرها شق وبالأخر طاااف

[نبض انسان]

بعد جامليها بريج حلو وقوليلها مشكوره .. شاقه عمرها شق وبالأخر طاااف

لا اخوى اعتقد هـى مانتبهت للموضوع لانه عندها يهال ونونو صغيره عشان جدا ..
المهم ماشاء الله مار على موضوعى تسلم والله

[ماروكو]

الطريقه حلوه

تسلم ايدج ع هييك موضوع ...


تقبلي مروري ^^

[حرم علي]

مشكوووة نبض فديتج ماقصرتي .. لو تشوفيني كيف احتاس في المطبخ بسبة هالمجبوس
مشكلتي في قياس الماي . دايما يعتصد عندي العيش ,, واخرتها اضربه بمضراب الهريس
وتستوي عندي مضروبه
لكن طريقتج واايد بسيطة , وغير عن طريقتي ,, انا اسوي صالونه عادية , واحط العيش فيها
لكن طريقتج . بجربها ان شاء الله , وياارب تضبط عندي
بس تعالي .... كيف تفورين العيش في ماي الدياي ؟؟!!!! فيه زفر

toy story اشحالك ؟؟
ها مكان الحريم , شو امدخلنك عرض ؟؟؟؟؟

[نبض انسان]

لا حبيبتى حرم بالعكس لانى لمن افور الدياى اكون حاطه فيه كل شي من مسمار وهيل ووورق غار وقرفه والكركم وتكون ريحه المجبوس رهيبه اختى