الحنـــآآآآء في الأعـــيآآآآد..؟!!!!

الــسلامـ عليــكمـ ورحــمة اللـــــهـ وبـركــاتــهـ ..

أعتقد بأن الموضوع واضح من عنوانه ><" .. لكن اللي حبيت أقوله إني امس كنت رايحه صالون ف عيمان كنت مرافقة مع مرت أخوي وكانت سايره عسب تتحنى دخلنا الصالون وع فكرة كنا ظاهرين من الرمس الساعة سبع إلا ربع صباحا أونه تفاديا للزحمه اللي تستوي ف الصالونات بعدين المهم ع الساعة ثمان ونص تقريبا وصلنا دخلنا داخل الصالون ترا وايد كبير ودورين لكن لما دخلنا شفنا خلية نحل مب أوادم !!!! يعني لدرجة إن ما شي مكان و الصالون يخنق .. انزين و عادة هالصالون إنج تدفعين قبل ما تتحنين للضمان ومرت أخوي كان خاطرها تتحنى إيد وريول (نص الإيد+نص الريول)و دفعت إلها 500 درهم ويلست تتريا الكاشير عسب ترجع إلها الباجي لكنها انصدمت بكلامها وهي تقول إنتي كامل حناج بيكون 500 ..؟!!
سكتت مرت أخوي وما قالت شي وعطوها رقم 106 و هم كانوا واصلين رقم 12 يعني ولا حتى أضعاف الرقم تمينا حوالي الربع ساعة واقفين لأن ما شي مكان ..فملينا وقالت مرت أخوي خلاص طلع من خاطري الحناء ما بتحنى ..فسارت عسب تسترد فلوسها وبتظهر لكن الكاشير ما رضت و قالت إلها نحن ناخذ بس ما نرجع x_x و إذا تبين فلوسج روحي اتفاهمي ويا المنجر ..بصراحة لو كانت 100 أو 200 كانت بتخليهم مرت أخوي لكنهم 500 فسارت و لمدة عشر دقايق حوار بين الطرفين قالت المنجر إلها جوفي يمكن حد يشتري رقمج و و إلا فجاة استوى مزاد الي اتقول بشتريه عنج 600 و إلا 700 لكن ما شي أقل أو حتى المبلغ نفسه و ف النهاية حرمة والله إنها كبيرة ف السن اتقول أميه عطيني الرقم وبدفع لج 1000درهم ..!!!!! لأنها تبى اتحنى بنتها ما أدري حفديتها اللي عمرها خمس أو ست سنوات المهم ف النهاية ما رضت مرت أخوي اتعطي الرقم لحد واسترجعت فلوسها ورجعت الرقم لهم ..

آسفه ع المقدمة الطويلة الواقعية لكنها أسرت نفسي فأحببت أن تشاركوني لنضع حدا للابتزاز الذي يحصل حاليا ..

دمتم برعاية المولى ..}~

خيييبـ’ه حتى قبل عن يتحنون يـآخذون بيزآت !!!

اول مـره اعرف انهم يـآخذون قـبل الحنـآ !

وخمسميـ’ه بعد مب شـوي !!

،

والمشكله بعد مب رآضيين يردون لكم . .

يقصـون ع النـآس يبـون يستغلونهم . .

عسب جي مـآحب اتحنى بالصـآلونات . .

زحمـ’ه ><

الله يعيـن . .

أنا كرهت شيء اسمه الصالون بفترة ماقبل العيد

أمس تميت 3 ساعات بس عسب اتحنى

والله لا يراويكم كيف شكل الحنة

والحين توبت اتحنى بالصالون

فكرت أمس افتح صالون بس فبيتنا وللعائله الكريمه .. فكره مربحه مو :)

بفتح صوالين عيل

ماشي احسن من هالشغله

وبخبر حريم الهنود اللي عندي يعلمون حريمهم يحنون

شو احسن من جيه

اتحنوا قبل العيد بيومين او ثلاث و بتنتهي هذي المشكله ..

المشكله ان الغالبيه ما يتحنى الا قبل العيد بيوم .. ليش ما اعرف ..؟؟

حتى في الاغراض ما يخلصونها الا قبل العيد بيوم ..

المهم .. حطوا بالكم في العيد اللي ياي ذا الله عطانا عمر

و كل عام و انتوا بخير

العتيبي

أنـآ وحدهـ أموووت ع شـي أسمـه حنـة ،، بـس معروووف أن أيـآم العيد يكون فللللل ومـآ شي مكـآن حتـى للقعدهـ ..
فعسب جيـه لـآ تحنيـت ولـآ سرت الصـآلون أسـوي شـي .. (( أسـآسـاًً مـآلـي نفـس بالعيـد ))


||||||||||||||||||||||||||||||||||
||||||||||||||||||||||||||||||||||



بـس غريبـة كيـف يـآخدون الفلـوس قبـل مـآ يحنـون الشخـص
يعنـي معروووف أن وآيد نـآس يقعدووون ليـن مـآ تنبط جبدهـم وآخر شـي يظهـرون بـدون مـآ يتحنـون
وكيـف مـآ يرضـون يردون الفلـوس
وبعـد نص إيد ونص وريـل بـ 500 درهمـ ،،، ليـش حنـة شووو هـآي

××× صرآحـة شكلهـم حرآميـة عينـي عيـنك ×××

اقتباس:

---

اتحنوا قبل العيد بيومين او ثلاث و بتنتهي هذي المشكله ..

المشكله ان الغالبيه ما يتحنى الا قبل العيد بيوم .. ليش ما اعرف ..؟؟

حتى في الاغراض ما يخلصونها الا قبل العيد بيوم ..

المهم .. حطوا بالكم في العيد اللي ياي ذا الله عطانا عمر

---

مـآ يستـوي نتحنـى قبـل العيـد بثلآث أيـأم >> طـآرت الحنـة ليوم العيد
وإدا يومين ترى للعلـم حتـى قبـل العيد بيومين يكـون زحمه
المشكـلة ان عدد النسـآء وآآآآآآآآآيد كبيـر ،، وبعـد أن مو كـل الصـآلونـآت حنتهم ok ،، يعنـي كـل صـآلون ولـه تخـصص معيـن ..


ترى حـآلنـآ مـن حـآلكم أنتوآ ع الحلآليـق ونحـن ع الصـآلونـآت

يالله يأخذون عنكم البيزات قبل ما تتحنون وااايد صرااحة
نحن يوم انسير الصالون انشوف إذا كان الصالون فلل ولا
أغلب الناس يسون جي لأنه صرااحة
القعده فالصالون وايد يملل وفوق كل هذاا ريحتهاااا وااع ..~

الموضوع جد عجيب العديد من الأسئلة التي أحب أن أطرحها للجنس النسائي:

1- لماذا تركتم تراث أمهاتكن ، وتركتن الهنديات هن من يزاول هذه المهنة؟
2- قد تقول أحداكن لا تستطيع بنفسها ، فأين صويحباتكن وجارتكن؟
3- البذخ والإسراف في العيد ، أليس هو من طمع هذه الجنسية في الزيادة الفاحشة والابتزاز لكن حتى أنهن تجاوزن تعليمات البلديات وتحدين القوانين وتعالين على المواطنة؟
4- هل الحناء أصبحت من ضرورات الحياة أم من كمالياتها حتى يتم دفع 1000 درهم لذلك، أظن على المواطنات تحديد ما هي أولوياتهن في الحياة وما هو الفرق بين الأمور الضرورية والحاجية والتحسينية أو الكمالية
5- هل نسيتن ما هي المناسسبة التي من أجلها الحناء ، وهي العيد وهي فرحة اسلامية عالمية الآن ، وهو يحض على التقوى وعدم الاسراف ، فلم تخالفونه يا مسلمات؟

[align=center]


واااااااااااااااااال

سرقة عيني عينك!!


بس حرام 500 درهم على حنة بتروح بعد 7 ايـــام



انـا فكـرت فيهـا، بتحنـي عقـب العيـد بعيد بروحي :) ما في حل ثانـــــي


الله يعينـــا على هالأشكــــال :/


تسلمين الغاليـة عالموضوع ،، ربــــــي يحفظج


[/align]

تسلمين الغاليـة عالموضوع ،، ربــــــي يحفظج

الغلط منكم انتو الصراحه

يعني انتو من راك وسايرين عيمان

وشايفين الصالون زحمه.... ولا نص ريل وإيد ب 500
وفوق ها ما استفسرت عن اي شي
عن السعر وعن الرقم وعن اذا تقدر تسترد البيزات او لا؟؟؟

اسمحيلي انتو الغلطانين
هاي القوانين الحين
حتى صالونات راك

:p:pالله يعينكم يالحريم ..

ليلة العيد كل ما طوف على سياره فيها بنات تشوفهن وحليلهن رافعات دياتهن للسما

تحسبهن يدعن أن الله يعود عليهن رمضان ويتقبل منهن !! :sm151:

لا كن لما تركز شوي تحصلهن متحنيات .. هههههههه يعني ظاهرات من الصالون .:aa_roma2:

هعهعهعهعهع لما يسيرن الصالون وينزلن من السياره يسابقن عشان كل وحده تبغي تتحنى قبل الثانيه ، ولما يردن للسياره كل وحده تأخر وجدم الثانيه عشان ما تفتح باب السياره !! تخاف على حناها . :aa_kashra:

أشكركم جميعا ع الرد ..

1- لماذا تركتم تراث أمهاتكن ، وتركتن الهنديات هن من يزاول هذه المهنة؟
لأنهم يقولون ملينا من الحناء هاكــ و حلو الواحد يجرب النوع الآخر من الحناء
2- قد تقول أحداكن لا تستطيع بنفسها ، فأين صويحباتكن وجارتكن؟
نفس إجابة السؤال الأولي
3- البذخ والإسراف في العيد ، أليس هو من طمع هذه الجنسية في الزيادة الفاحشة والابتزاز لكن حتى أنهن تجاوزن تعليمات البلديات وتحدين القوانين وتعالين على المواطنة؟
لا تعليق
4- هل الحناء أصبحت من ضرورات الحياة أم من كمالياتها حتى يتم دفع 1000 درهم لذلك، أظن على المواطنات تحديد ما هي أولوياتهن في الحياة وما هو الفرق بين الأمور الضرورية والحاجية والتحسينية أو الكمالية ؟
أممم الحناء بالنسبة لي زينه للإيد
5- هل نسيتن ما هي المناسبة التي من أجلها الحناء ، وهي العيد وهي فرحة اسلامية عالمية الآن ، وهو يحض على التقوى وعدم الاسراف ، فلم تخالفونه يا مسلمات؟
لا تعليق

اقتباس:

---

المشاركة الأصلية كتبت بواسطة ~{ليش آناآ}~

الغلط منكم انتو الصراحه

يعني انتو من راك وسايرين عيمان

وشايفين الصالون زحمه.... ولا نص ريل وإيد ب 500
وفوق ها ما استفسرت عن اي شي
عن السعر وعن الرقم وعن اذا تقدر تسترد البيزات او لا؟؟؟

اسمحيلي انتو الغلطانين
هاي القوانين الحين
حتى صالونات راك

---

أختي الغالية نحن انعرف الصالون هذا يعني مب امجازفين و أسعار هالصاولن قبل العيد أسعار عادية وليست خيالية .. وللعلم أنا حطيت الموضوع بس لأعرف ليش ف الأعياد الأسعار تغلى عن باقي الأيام ..؟ولما هالاستغلال .. و تسلمين ع المرور

:sm79:شو ها الابتزاز والوقاحة

1- لماذا تركتم تراث أمهاتكن ، وتركتن الهنديات هن من يزاول هذه المهنة؟
بالنسبة لي محد من هلي يعرف يحني ، ولو كـآن شي حد يعرف جان خليتهم أهم يحنوني ، الحنـة يبيلها ممارسه فالوحده إدا عرفت تمسك المعصار زين بتعرف تنقش >> في نآس يروحون دورات ويتعلموون بس أنا مستحييل أتعلم لأن ايدي وااايد ترتجف ومآ أقدر أمسكـه عدل



2- قد تقول أحداكن لا تستطيع بنفسها ، فأين صويحباتكن وجارتكن؟
قبل 8 سنوات تقريبا كانت بنت جارنا ما تقصر ،، دوم نسير ألها وتحنينا ، بس ألحين الامور تغيرت وأنشغلت وياالزوج والعيال ..



3- البذخ والإسراف في العيد ، أليس هو من طمع هذه الجنسية في الزيادة الفاحشة والابتزاز لكن حتى أنهن تجاوزن تعليمات البلديات وتحدين القوانين وتعالين على المواطنة؟
أكيد
صراحة في ناس وااااايد مسرفين بأيام العيد مو شرط الحناء ، مسرفين بكل شي .. والجنسيات الآسيوية يشوفون أن الناس مستحيييل تستغنى عن هالسوالف بعسب جيه حتى إدا زادوا الأسعار بيكون عليهم أقبال ، بعكس الأشياء الثانية إدا زادوا الأسعار فالناس بتتجه للأشياء البديله ..



4- هل الحناء أصبحت من ضرورات الحياة أم من كمالياتها حتى يتم دفع 1000 درهم لذلك، أظن على المواطنات تحديد ما هي أولوياتهن في الحياة وما هو الفرق بين الأمور الضرورية والحاجية والتحسينية أو الكمالية
لا مو ضرورهـ
وأكبر دليل أني ما متحنية هالعيد هع
بس في ناس ما يحسون بطعم العيد إلا والحنة بإيدهن
الحنة من الأمور المعتاد عليها بيوم العيد



5- هل نسيتن ما هي المناسسبة التي من أجلها الحناء ، وهي العيد وهي فرحة اسلامية عالمية الآن ، وهو يحض على التقوى وعدم الاسراف ، فلم تخالفونه يا مسلمات؟
اممم ما عرف شنو أقول
بس صار العيد إسراف وتبدير
حتى اللي ما عنده يتسلف عسب هالأمور
بالنسبة لي فالحمد لله مـآ يخصني بالاسراف >> يا حظهم هلي ما فاقرتنهم lo0o0o0l حتى أحيانا بروحهم يقولولي انتي ما تسوين شي ، يمكن لأني أحس في أشياء مب أساسية ومو لازم أن الواحد يسويها وألها بدائل بعد ..

صار الحنا اليوم تجاره ومب اي تجاره

يسلموووو
حراميه هايلا