الحنـــآآآآء في الأعـــيآآآآد..؟!!!!

[miss cheerful]

الــسلامـ عليــكمـ ورحــمة اللـــــهـ وبـركــاتــهـ ..

أعتقد بأن الموضوع واضح من عنوانه ><" .. لكن اللي حبيت أقوله إني امس كنت رايحه صالون ف عيمان كنت مرافقة مع مرت أخوي وكانت سايره عسب تتحنى دخلنا الصالون وع فكرة كنا ظاهرين من الرمس الساعة سبع إلا ربع صباحا أونه تفاديا للزحمه اللي تستوي ف الصالونات بعدين المهم ع الساعة ثمان ونص تقريبا وصلنا دخلنا داخل الصالون ترا وايد كبير ودورين لكن لما دخلنا شفنا خلية نحل مب أوادم !!!! يعني لدرجة إن ما شي مكان و الصالون يخنق .. انزين و عادة هالصالون إنج تدفعين قبل ما تتحنين للضمان ومرت أخوي كان خاطرها تتحنى إيد وريول (نص الإيد+نص الريول)و دفعت إلها 500 درهم ويلست تتريا الكاشير عسب ترجع إلها الباجي لكنها انصدمت بكلامها وهي تقول إنتي كامل حناج بيكون 500 ..؟!!
سكتت مرت أخوي وما قالت شي وعطوها رقم 106 و هم كانوا واصلين رقم 12 يعني ولا حتى أضعاف الرقم تمينا حوالي الربع ساعة واقفين لأن ما شي مكان ..فملينا وقالت مرت أخوي خلاص طلع من خاطري الحناء ما بتحنى ..فسارت عسب تسترد فلوسها وبتظهر لكن الكاشير ما رضت و قالت إلها نحن ناخذ بس ما نرجع x_x و إذا تبين فلوسج روحي اتفاهمي ويا المنجر ..بصراحة لو كانت 100 أو 200 كانت بتخليهم مرت أخوي لكنهم 500 فسارت و لمدة عشر دقايق حوار بين الطرفين قالت المنجر إلها جوفي يمكن حد يشتري رقمج و و إلا فجاة استوى مزاد الي اتقول بشتريه عنج 600 و إلا 700 لكن ما شي أقل أو حتى المبلغ نفسه و ف النهاية حرمة والله إنها كبيرة ف السن اتقول أميه عطيني الرقم وبدفع لج 1000درهم ..!!!!! لأنها تبى اتحنى بنتها ما أدري حفديتها اللي عمرها خمس أو ست سنوات المهم ف النهاية ما رضت مرت أخوي اتعطي الرقم لحد واسترجعت فلوسها ورجعت الرقم لهم ..

آسفه ع المقدمة الطويلة الواقعية لكنها أسرت نفسي فأحببت أن تشاركوني لنضع حدا للابتزاز الذي يحصل حاليا ..

دمتم برعاية المولى ..}~

[رمساوية وكلي فخر]

خيييبـ’ه حتى قبل عن يتحنون يـآخذون بيزآت !!!

اول مـره اعرف انهم يـآخذون قـبل الحنـآ !

وخمسميـ’ه بعد مب شـوي !!

،

والمشكله بعد مب رآضيين يردون لكم . .

يقصـون ع النـآس يبـون يستغلونهم . .

عسب جي مـآحب اتحنى بالصـآلونات . .

زحمـ’ه ><

الله يعيـن . .

[صقار المدينة]

أنا كرهت شيء اسمه الصالون بفترة ماقبل العيد

أمس تميت 3 ساعات بس عسب اتحنى

والله لا يراويكم كيف شكل الحنة

والحين توبت اتحنى بالصالون

فكرت أمس افتح صالون بس فبيتنا وللعائله الكريمه .. فكره مربحه مو

[مشكلتي صريح]

بفتح صوالين عيل

ماشي احسن من هالشغله

وبخبر حريم الهنود اللي عندي يعلمون حريمهم يحنون

شو احسن من جيه

[العتيبي]

اتحنوا قبل العيد بيومين او ثلاث و بتنتهي هذي المشكله ..

المشكله ان الغالبيه ما يتحنى الا قبل العيد بيوم .. ليش ما اعرف ..؟؟

حتى في الاغراض ما يخلصونها الا قبل العيد بيوم ..

المهم .. حطوا بالكم في العيد اللي ياي ذا الله عطانا عمر

و كل عام و انتوا بخير

العتيبي

[عاشقة القمم]

أنـآ وحدهـ أموووت ع شـي أسمـه حنـة ،، بـس معروووف أن أيـآم العيد يكون فللللل ومـآ شي مكـآن حتـى للقعدهـ ..
فعسب جيـه لـآ تحنيـت ولـآ سرت الصـآلون أسـوي شـي .. (( أسـآسـاًً مـآلـي نفـس بالعيـد ))


||||||||||||||||||||||||||||||||||
||||||||||||||||||||||||||||||||||



بـس غريبـة كيـف يـآخدون الفلـوس قبـل مـآ يحنـون الشخـص
يعنـي معروووف أن وآيد نـآس يقعدووون ليـن مـآ تنبط جبدهـم وآخر شـي يظهـرون بـدون مـآ يتحنـون
وكيـف مـآ يرضـون يردون الفلـوس
وبعـد نص إيد ونص وريـل بـ 500 درهمـ ،،، ليـش حنـة شووو هـآي

××× صرآحـة شكلهـم حرآميـة عينـي عيـنك ×××

[عاشقة القمم]

اتحنوا قبل العيد بيومين او ثلاث و بتنتهي هذي المشكله ..

المشكله ان الغالبيه ما يتحنى الا قبل العيد بيوم .. ليش ما اعرف ..؟؟

حتى في الاغراض ما يخلصونها الا قبل العيد بيوم ..

المهم .. حطوا بالكم في العيد اللي ياي ذا الله عطانا عمر

مـآ يستـوي نتحنـى قبـل العيـد بثلآث أيـأم >> طـآرت الحنـة ليوم العيد
وإدا يومين ترى للعلـم حتـى قبـل العيد بيومين يكـون زحمه
المشكـلة ان عدد النسـآء وآآآآآآآآآيد كبيـر ،، وبعـد أن مو كـل الصـآلونـآت حنتهم ok ،، يعنـي كـل صـآلون ولـه تخـصص معيـن ..


ترى حـآلنـآ مـن حـآلكم أنتوآ ع الحلآليـق ونحـن ع الصـآلونـآت

[admire]

يالله يأخذون عنكم البيزات قبل ما تتحنون وااايد صرااحة
نحن يوم انسير الصالون انشوف إذا كان الصالون فلل ولا
أغلب الناس يسون جي لأنه صرااحة
القعده فالصالون وايد يملل وفوق كل هذاا ريحتهاااا وااع ..~

[Time_Racer]

الموضوع جد عجيب العديد من الأسئلة التي أحب أن أطرحها للجنس النسائي:

1- لماذا تركتم تراث أمهاتكن ، وتركتن الهنديات هن من يزاول هذه المهنة؟
2- قد تقول أحداكن لا تستطيع بنفسها ، فأين صويحباتكن وجارتكن؟
3- البذخ والإسراف في العيد ، أليس هو من طمع هذه الجنسية في الزيادة الفاحشة والابتزاز لكن حتى أنهن تجاوزن تعليمات البلديات وتحدين القوانين وتعالين على المواطنة؟
4- هل الحناء أصبحت من ضرورات الحياة أم من كمالياتها حتى يتم دفع 1000 درهم لذلك، أظن على المواطنات تحديد ما هي أولوياتهن في الحياة وما هو الفرق بين الأمور الضرورية والحاجية والتحسينية أو الكمالية
5- هل نسيتن ما هي المناسسبة التي من أجلها الحناء ، وهي العيد وهي فرحة اسلامية عالمية الآن ، وهو يحض على التقوى وعدم الاسراف ، فلم تخالفونه يا مسلمات؟

[%غمـــازة%]

[align=center]


واااااااااااااااااال

سرقة عيني عينك!!


بس حرام 500 درهم على حنة بتروح بعد 7 ايـــام



انـا فكـرت فيهـا، بتحنـي عقـب العيـد بعيد بروحي ما في حل ثانـــــي


الله يعينـــا على هالأشكــــال :/


تسلمين الغاليـة عالموضوع ،، ربــــــي يحفظج


[/align]