صور الفندق العائم على البحر

السلام عليكم ورحمه الله وبركاته


في يوم الخميس الموافق 7/03/2013
طلعنا طلعه ترفيهيه مع الربع الي دبي فندق الجوهرة قرب مطار دبي الدولي ويوجد لدا هذا الفندق فندق عائم داخل البحر ويبعد عن الشاطئ حوالي 2 كيلو متر يسع لغايه 12 شخص فقط
حجزة لليله الواحد 12 شخص 2950 درهم واذا كان العدد 6 اشخاص 1600 احنا كان عددنا 9 ف اخذنا حق 12 المبلغ اللي دفعناه شامل وجبه عشاء ووجبه فطور خدمات الفندق كانت جيدة طبعاً في أيام الأجازات زحمه عليه غير طبيعيه احنا حاجزينه من شهر تقريباً حتى وصل دورنا وحضنا انه كان في عرض لهذا الفندق العائم اما اسعارة بحسب كلام موظف الأستقبال انه 6 الف درهم لليله الواحده المهم اترككم مع الصور وعسى تعجبكم إن شاء الله .



من البر ينقلك هذا القارب لداخل المسافه قريبه مثل ماذكرت

http://im31.gulfup.com/CmeLJ.jpg


المفروض نكون قبل العصر في الفندق لكن تأخرنا في الطريق وضيعنا شوي وصلنا قبل المغرب بنص ساعه

http://im31.gulfup.com/NmZxx.jpg


هذا مرافقنا الفلبيني اي شي احتجناه مايقصر فيه

http://im31.gulfup.com/zGRP2.jpg

http://im31.gulfup.com/tOwwU.jpg



وصلنا وللأسف اني ماصورت من الخارج اترككم مع الصور من الداخل

هاذي الصاله والأزرق اللي انتم شايفينه فتحه للبحر وتصيد ونت في الصاله ماتعب حالك في صيد السمك وهذا الكرسي اللي موجود كرسيي لصيد متكي عليه هههههههه

http://im31.gulfup.com/MX8Om.jpg


الدرج يوديك لفوق السطح يوجد جلسه عربيه على الهواء الطلق اللي يشرح النفس والخاطر اجواء فوق شاعريه
http://im31.gulfup.com/kAJA8.jpg

http://im31.gulfup.com/6ysWX.jpg

http://im31.gulfup.com/V7ypn.jpg


غرفه ب سرائر فرديه
http://im31.gulfup.com/d3Z3R.jpg

http://im31.gulfup.com/PtHGc.jpg

http://im33.gulfup.com/dVUQ9.jpg


هاذي غرفتي اللي نمت فيها ومافي ظرابه مع الربع اللي ياخذها اخر شي كانت من نصيبي ههههههه

http://im33.gulfup.com/Lomzi.jpg


http://im33.gulfup.com/9Egfi.jpg


http://im33.gulfup.com/eXxpP.jpg


اما هاذي الغرفه كنها سجن \شخص واحد فقط لاغير

http://im33.gulfup.com/Agazc.jpg

http://im33.gulfup.com/buseU.jpg

http://im33.gulfup.com/68v0z.jpg

http://im33.gulfup.com/5pkqi.jpg



مطبخ صغير
http://im33.gulfup.com/xqcDQ.jpg


هاذي الصورة من تلفوني لغرفتي قبل المغيب بس اتقلب اوصل للبحر

http://im33.gulfup.com/QpH4e.jpg

http://im32.gulfup.com/lEDlO.jpg


واخيراً الربع وصلو بسلامه متأخرين بعد ضياع في شوارع دبي المزدحمه

http://im32.gulfup.com/u5uZn.jpg


بعد ماوصلو ضيفناهم وجلسنا سولف وخبار وعلوم وتوجهنا لصيد. الربع كلهم فاول إلا اخوكم لابأس به في الصيد يعني احسنهم هههههههه طبعاً بحكم ماشي خبرة في الصياده تعبنا وتبهذلنا ويالله يالله طلعت كم سمكه صغيرة وصدنا وحده على قول الشباب جنيه البحر ماعرف الأسم صحيح او لا


صورة من جوالي وانا اصيد على كرسيي العزيز جلسه واحد ماله شغل في الصيد خخخخ

http://im32.gulfup.com/9nyZH.jpg

http://im32.gulfup.com/QitoF.jpg


وهذا صيدنا السمكات الصغنطوطات
http://im32.gulfup.com/Yx4DZ.jpg


اخونا في الله مرابط 3 ساعات ماسك الخيط ولا ربع حبه طلعت له كسر خاطري وديت اني اصير سمكه ويصيدني

http://im32.gulfup.com/eDlol.jpg


صورة من الخارج في الليل
http://im32.gulfup.com/zUUol.jpg


وصلنا العشى وكان عشى طيب

http://im32.gulfup.com/WFNS8.jpg


وظربنا بالخمس في الأكل . الأكل مشكل مشاوي على ماكولات بحريه وعيش وسلطات

http://im32.gulfup.com/rK9Y2.jpg



بعد العشا اجت السوالف وضحك والوناسه اللي سهر سهر واللي نام نام وانا من اللي نام بدري قمنا في الصباح الباكر صدنا وتسبحنا في البحر وستمتعنا بيومنا

http://im31.gulfup.com/PYoxJ.jpg


http://im31.gulfup.com/wZs48.jpg


طلعنا من الفندق الساعه 11 الصبح بحكم ان ورانا صلاه جمعه وكانت ليله من العمر بجمعه الشباب وسوالفهم وقصصهم اللي ماتنمل .

واخيراً وليسا أخراً عسى الموضوع والفندق والطلعه وصور اعجبتكم ولاتنسون انتظر تعليقاتكم وردودكم عشان انزل موضوع احسن من هذاhttp://www.alridah.com/images/smilies/biggrin.gif




تحياتي لكم اخوكم ماهر العامري

http://im34.gulfup.com/DMoZn.jpg

تسلم أيدك ع هالصور الجميله وطرح الموضوع
استمر أخوي ف الابداع
نتريا موضوع أخر من أيدك

يعطيك العافيه

الموضوع وايد حلو والى محليه اكثر واحسه وناسه يمعه الشباب وكرسي الصيد احسه وناسه هههههههههه

اقتباس:

---

المشاركة الأصلية كتبت بواسطة صرخة ندم

تسلم أيدك ع هالصور الجميله وطرح الموضوع
استمر أخوي ف الابداع
نتريا موضوع أخر من أيدك

---

الله يسلمج اختي شكراً على التشجيع
وبأذن الله استمر في كل جديد لاهنتي

اقتباس:

---

المشاركة الأصلية كتبت بواسطة ولد المطر

يعطيك العافيه

---

الله يعافيك يابعدي شكراً على المرور

اقتباس:

---

المشاركة الأصلية كتبت بواسطة princessa

الموضوع وايد حلو والى محليه اكثر واحسه وناسه يمعه الشباب وكرسي الصيد احسه وناسه هههههههههه

---

مرورج من صفحتي الأروع
اكيد مافي احلا من يمعه الربع وسوالفهم وقصص الجن اخر الليل لازم تحضر ههههههههه
شكراً اختي ولاهنتي

الله تقرير ولا أروع والله ها الفندق مايباله حشره يهال يباله روقان على الاخر واذا حد غصص فينى بفره من الفتحه الى يصيدون فيها السمج ههه

ياسلام علي الطلعه الحلوه بس تنقصكم خبرة صيد

اقتباس:

---

المشاركة الأصلية كتبت بواسطة نبض انسان

الله تقرير ولا أروع والله ها الفندق مايباله حشره يهال يباله روقان على الاخر واذا حد غصص فينى بفره من الفتحه الى يصيدون فيها السمج ههه

---

مرحبا اختي نبض انسان صدقتي مايباله حشرة وعوار راس
مثل ماقلت اجوائه شاعريه خياليه هدوء وروقان
ولاغلطه هههههههههههه اللي يسبح بيظره من مكان الثاني

شكراً على المرور تحياتي

اقتباس:

---

المشاركة الأصلية كتبت بواسطة الشاعر..

ياسلام علي الطلعه الحلوه بس تنقصكم خبرة صيد

---

صدقت اخوي الشاعر الخبرة تنقصنا لكن ماعليه بدينا نتعلم الصيد
تحياتي لك