رد مع اقتباس
تسلم أيدك ع هالصور الجميله وطرح الموضوع
استمر أخوي ف الابداع
نتريا موضوع أخر من أيدك
|
السلام عليكم ورحمه الله وبركاته
في يوم الخميس الموافق 7/03/2013
طلعنا طلعه ترفيهيه مع الربع الي دبي فندق الجوهرة قرب مطار دبي الدولي ويوجد لدا هذا الفندق فندق عائم داخل البحر ويبعد عن الشاطئ حوالي 2 كيلو متر يسع لغايه 12 شخص فقط
حجزة لليله الواحد 12 شخص 2950 درهم واذا كان العدد 6 اشخاص 1600 احنا كان عددنا 9 ف اخذنا حق 12 المبلغ اللي دفعناه شامل وجبه عشاء ووجبه فطور خدمات الفندق كانت جيدة طبعاً في أيام الأجازات زحمه عليه غير طبيعيه احنا حاجزينه من شهر تقريباً حتى وصل دورنا وحضنا انه كان في عرض لهذا الفندق العائم اما اسعارة بحسب كلام موظف الأستقبال انه 6 الف درهم لليله الواحده المهم اترككم مع الصور وعسى تعجبكم إن شاء الله .
من البر ينقلك هذا القارب لداخل المسافه قريبه مثل ماذكرت
المفروض نكون قبل العصر في الفندق لكن تأخرنا في الطريق وضيعنا شوي وصلنا قبل المغرب بنص ساعه
هذا مرافقنا الفلبيني اي شي احتجناه مايقصر فيه
وصلنا وللأسف اني ماصورت من الخارج اترككم مع الصور من الداخل
هاذي الصاله والأزرق اللي انتم شايفينه فتحه للبحر وتصيد ونت في الصاله ماتعب حالك في صيد السمك وهذا الكرسي اللي موجود كرسيي لصيد متكي عليه هههههههه
الدرج يوديك لفوق السطح يوجد جلسه عربيه على الهواء الطلق اللي يشرح النفس والخاطر اجواء فوق شاعريه
غرفه ب سرائر فرديه
هاذي غرفتي اللي نمت فيها ومافي ظرابه مع الربع اللي ياخذها اخر شي كانت من نصيبي ههههههه
اما هاذي الغرفه كنها سجن \شخص واحد فقط لاغير
مطبخ صغير
هاذي الصورة من تلفوني لغرفتي قبل المغيب بس اتقلب اوصل للبحر
واخيراً الربع وصلو بسلامه متأخرين بعد ضياع في شوارع دبي المزدحمه
بعد ماوصلو ضيفناهم وجلسنا سولف وخبار وعلوم وتوجهنا لصيد. الربع كلهم فاول إلا اخوكم لابأس به في الصيد يعني احسنهم هههههههه طبعاً بحكم ماشي خبرة في الصياده تعبنا وتبهذلنا ويالله يالله طلعت كم سمكه صغيرة وصدنا وحده على قول الشباب جنيه البحر ماعرف الأسم صحيح او لا
صورة من جوالي وانا اصيد على كرسيي العزيز جلسه واحد ماله شغل في الصيد خخخخ
وهذا صيدنا السمكات الصغنطوطات
اخونا في الله مرابط 3 ساعات ماسك الخيط ولا ربع حبه طلعت له كسر خاطري وديت اني اصير سمكه ويصيدني
صورة من الخارج في الليل
وصلنا العشى وكان عشى طيب
وظربنا بالخمس في الأكل . الأكل مشكل مشاوي على ماكولات بحريه وعيش وسلطات
بعد العشا اجت السوالف وضحك والوناسه اللي سهر سهر واللي نام نام وانا من اللي نام بدري قمنا في الصباح الباكر صدنا وتسبحنا في البحر وستمتعنا بيومنا
طلعنا من الفندق الساعه 11 الصبح بحكم ان ورانا صلاه جمعه وكانت ليله من العمر بجمعه الشباب وسوالفهم وقصصهم اللي ماتنمل .
واخيراً وليسا أخراً عسى الموضوع والفندق والطلعه وصور اعجبتكم ولاتنسون انتظر تعليقاتكم وردودكم عشان انزل موضوع احسن من هذا
تحياتي لكم اخوكم ماهر العامري
تسلم أيدك ع هالصور الجميله وطرح الموضوع
استمر أخوي ف الابداع
نتريا موضوع أخر من أيدك
يعطيك العافيه
ولد المــــــطر
الموضوع وايد حلو والى محليه اكثر واحسه وناسه يمعه الشباب وكرسي الصيد احسه وناسه هههههههههه
المشاركة الأصلية كتبت بواسطة صرخة ندم
الله يسلمج اختي شكراً على التشجيع
وبأذن الله استمر في كل جديد لاهنتي
الله يعافيك يابعدي شكراً على المرور
مرورج من صفحتي الأروع
اكيد مافي احلا من يمعه الربع وسوالفهم وقصص الجن اخر الليل لازم تحضر ههههههههه
شكراً اختي ولاهنتي
الله تقرير ولا أروع والله ها الفندق مايباله حشره يهال يباله روقان على الاخر واذا حد غصص فينى بفره من الفتحه الى يصيدون فيها السمج ههه
[flash=http://download.mrkzy.com/e/1912_md_13374412136.swf]WIDTH=400HEIGHT=350[/flash]
ياسلام علي الطلعه الحلوه بس تنقصكم خبرة صيد
مرحبا اختي نبض انسان صدقتي مايباله حشرة وعوار راس
مثل ماقلت اجوائه شاعريه خياليه هدوء وروقان
ولاغلطه هههههههههههه اللي يسبح بيظره من مكان الثاني
شكراً على المرور تحياتي
ضوابط المشاركة
