السلام عليكم و رحمة الله و بركاتـــه : )

أعرف إني قطعــــــــــــت فتــــــــــــرة كبيره و إذا أدش ،، أدش شوية و أطلع ،،

لإن ها الكورس كان آخر كورس لي بجامعة الإمارات ،، و الحمدالله خلصت : )

و تخرجـــــــــت الثلاثاء اللي طاف تاريخ : 25 - 5 - 2010 م

^________________^"

خلصت من هم الجامعه و الكراف و التاسكات >> تاسكات التربيه اللوعه خخخ ،،

و كانت صج تجربه غيــــــــــر لإن ها الكورس كان تدريب ،،

درست و عاونت أبلتي اللي تشرف عليه في مدرسه من مدارس العين ،،

درست صف ثالث و أحيانا خامس ،، تعلقت بالبنــــــــــات و ودعتهم يوم الإثنين ،،

الله يحفظهم و يوفقهم بحياتهم يارب ،،

و ألحين عقب كل ها المقدمه >> بل كل ها مقدمه خخخ ،،

أستقبل التهاني و التبريكـــــــــــــــــات ،،

و لإني فرحانه حبيت أفرح أعضاء منتداي ويايـــــــــــــــــــه : )

بس ها بعدني صغيره ترا لا تقولون عيوز خلصت من الجامعه خخخ ،،


و أستقبل الهدايـــــــــــــــا في بيتنــا ،، رأس الخيـــــــــــمه ،، .................... >> هذا عنوان بيتنا خخخ ،،

^______________________^"

و هاي الباقة هدية من الأبلة اللي تشرف عليه فالمدرسه ،، الله يذكرها بالخير ،، تعلمت منها أشيا وايد والله : ) و وياها شهادة تقديـــــــــر