أستخدام الصحف (( الجرائد )) في السيارات

[العتيبي]

السلام عليكم و الرحمه

أستخدام الصحف (( الجرائد )) في السيارات

اليوم عندي لكم موضوع مهم بصراحه و كان ودي اني اعرضه من زمان لاني مريت بهذي الحاله وايد بس في مره من المرات يتني حاله ومن يومها قمت اعترض على هذا الشي

وهو :

الكل يستخدم الجرايد في الأكل و في مسح زجاج الزيارة و غيرها من الاستخدامات و الكل يعرف ما يكتب من فيها من أسماء و من ألفاظ و كلمات دينية



بس كما هو واضح بالصوره .. عمال المغاسل مرات يحطون الجرايد عند الدواسات .. مثل ما قلت هناك كلمات ما يصير ان نحن ندوسها او أسماء .. الواحد ياخذ ذنوب و هو مب عارف ..

يعني لو راعي المغسلة يسوي ورق خاص في مغسلته احسن له .. و فيه بعض العمال قاموا يحطون جرايد بالانجليزي

بس أغلب محطات الغسيل تحط جرايد محليه لانهم ما يبون يخسرون ورق خاص و يقل ربحهم

أتمنى من الجهة المعنية التعميم على هذا الامر و إجبار محطات الغسيل على عمل ورق خاص بهم

مجرد رأي و السموحه

العتيبي

[Smily]

اخوي العتيبي

الجرايد مش فالسيارات بس

في جرايد تنعق فالزباله وفيها ايات مال التعازي >_<

ابصراحه ما اعرف شو الحل لهالشي

يعني لو قلنا لهم لا اتحطون تعازي ولا ايات فالجرايد ما اتوقع حد بيوافق ..!!

الله المستعان

[عاشقة القمم]

صدقك والله .. نحن دايماً نتناقش بهالموضوع .. لكن ما باليد حيله ..
وإنشاء الله يسوون ورق خاص بدل الجرايد

[العتيبي]

أشكرج اختي Smile على التعقيب

و مثل ما قلتي هذي مشكله .. فيها ايات قرانية و حتى أسماء لشيوخنا و بالنهاية نستخدم هذي الامور في شي لا يليق بما كتب

بس الواحد يقدر يتفدى بعض الامور و منها في المغاسل ... و لا العامل اللي يشتغل ما يعرف شو مكتوب في الجريده و تعال و حط

.........

أمارتية حتى الموت

اشكرج اختي على المرور و ان شاء الله نحصل ناس توقف هذا الشي و تعاقب من يستخدمه بأسلوب غير جيد

..

العتيبي

[xxdxx]

لاحول ولا قوة الا بالله

[Time_Racer]

لنا في إمارة الشارقة مثل ، فقد خصصت حاويات عند المساجد وبعض الاماكن لجمع هذه الجرائد وأيضا الكتب والدفاتر ولا أدري بعدها هل يتم حرقها أم إعادة صنعها ، ولكن المهم هو ابعادها عن هذه المهانة وحفظ الكلمات المقدسة من التدنيس

والمفروض من وزارة الأوقاف أن تتحرك بهذا الشأن ، فللأسف فقد اقتصرت مجالها في حدود المسجد ، بل عليها الدخول لكل بيت وتربية أبناءه على الطريقة الاسلامية الصحيحة والتي للأسف أغلبنا جاهل بها إلا من رحم ربي، بل عليها ابتكار طرق جديدة لهذه التربية وليس الطرق التقليدية للمحاضرات ، فالدولة تشهد موجة من التغير في كافة المجالات وعلى الوزارة أن تواكبه

[الجوهر المكنون]

وعليكم السلام ورحمة الله وبركاته

هيه صدقت ياخوي العتيبي ...

وأنا أضم صوتي لأصواتكم

وعسى يستوي خير ان شالله

والسموحة

[همس الوداع]

السلام عليكم

اخواني فلنعلم جميعا بأن أسماء الله منزهة عن هاذه الأفعال وان من يعملها ويستخدم الجريدة للتنظيف أو الاكل فانه محاسب فلنحذر من اهمال هذا الموضوع المهم .......من ناحية أخري انا عندي اقتراح ليش ما نخلي مكان في الرمس نجمع فيه كل الجرايد ونسق مع اي مصنع لاعادة استخدام الورق واعتقد عند جمعية الاخوان بيكون احسن مكان او دار الارقم والجماعة ما بيقصرون .... والدال للخير كفاعله ,واتمنى انه حد يتبنها والله بيجعله في ميزان حسناته

[قطيوة شمل]

مشكور اخويه " العتيبي " ع موضوعكـ ..!


ونترقب يديدكـ ..!

[العتيبي]

أستغرب من بلديتنا (( بلدية رأس الخيمة )) من أنها توجد سلة مهملات للقصاصات الورقيه او الجرايد و المجلات

و لا تجمع كل شي في مكان واحد .. لان الاوراق تقدر تستفيد منها بإعادة تصنيع و غيره

بس ما شفت من ها القبيل .. و الجماعه شغالين مسح و تنظيف ب الجرايد

شر البلية ما يضحك

و أشكركم على المرور .. الجوهرة المكنون و قطيوة شمل و همس الوداعو اقتراحك جيد بس صعب التنفيذ .. اذا الجهة المخولة ما نفذته !!

العتيبي