رفع سعر غسيل السيارات في الرمس ( صور )

[العتيبي]

رفع سعر غسيل السيارات في الرمس







رفعت إحدى محطات غسيل السيارات في الرمس من سعر غسيل السيارات الواحدة بنسبة وصلت إلى 50% ، وهو سعر لم يكن معمولاً به حتى وقت قريب.


ويبقى السؤال الحائر هنا..

كيف وصل هذا الوباء في كل شي حولنا

حتى في الرمس صابها طاعون الغلاء و ارتفاع الاسعار!!

[Her Highness]

الحمد الله ع كل حال


مابيدنا شي نسويه


بس برايي لو حد اشتكا فالدائره الاقتصاديه


وكانت الشكوى بشكل مستمر ومن عده اشخاص يمكن يتغير شي


يسلمووووووووووووووووووو ع الخبر

[قوس قزح]

رايي من راي الأخت العزيزه أم دحماني

[العتيبي]

القصد هو الحد في هذا الشي ..

و نحن لا بنشتكي و لا شي بس بنسجل الاشياء اللي تم زيادة اسعارها

العتيبي

[انجل]

الواحد أحسن له يخلي الشغالة اتغسل له السيارة فالبيت
قاطعوهم شوفوهم ينزلون السعر ولاااا
الله المستعان

[الطنيـ 1 ـجي]

يعني كم وصل السعر 15 للغسيل العادي والغسيل الكامل 30 الصراحة وايد بس تدرون منوا الي بيتبهدل الناس الي تغسل مواترها كل 4 او 5 ايام بيفتقرون ...

الواحد احسن له يمسك له الهوز وفوطة ويغسل سيارته بروحه لا يتكل على شغالة ولا شي ومنها ترى هي يقضي فيها وقته...

[Just_me]

عن نفسي دوم اغسل موتري بروحي

ما يهمني خلهم يغلون انا خسران شي

مرات بس يوم غسيل كامل او مرات تدق بالراس اغسل وياهم بس

والصراحة مغسلة الرمس مب هذاك الزود غسيلهم

اغسل وياهم بس عسب الدريول يوصلني البيت وياخذ الموتر


وشكرا

[طيور الامارات]

غسل سيارتك بالبيت وريح بالك وخل صاحب المغسلة يدفع قيمة الايجار وراتب العمال من راتبه الشهري ويعتبرها صدقه للفقراء والمساكين ( العمال + الايجار )

[بنت لبلاد]

الله المستعان......شكرا ع الخبر

[يذلك سكوتي]

صدق .. كل واحد يغسل موتره .. ومشكور أخوي ع الخبر