[ تقرير مصور ].. رحلتي إلى ماليزيا

[الأغين]

تقرير مصور / رحلتي إلى ماليزيا

مــــــــــــــــــــــــــقدمة

نبذة:

ماليزيا هي دولة إسلامية في الجنوب الشرقي لقارةآسيا تقع على المحيط الهندي و تجاور تايلندا على شمالها و إندونيسيا و سنغافورة على جنوبها، عاصمتها كوالالمبور اسمها الرسمي "اتحاد ماليزيا" (ڤرساتوان تانه مليسيا).

والحقيقة تقال ماليزيا بلد جميل وآمن ويصلح للعوائل .. يهتم بالسياحة بشكل كبير
وكونه بلد اسلامي فأغلب الطعام حلال (ما عدا الصيني لازم تسأل عنه )

الشعب:



شعب ودود ومحترم – متعود على السايح الخليجي ويحترم عاداته – وأهم شغله (ما ينصب عليك كونك خليجي!! مثل ما يحدث في بعض الدول خصوصا العربية )

الشعب ينقسم الى ثلاث اقسام:
1- السكان الاصليون: قمة في الاحترام والذوق لكن حالتهم المادية في الغالب ضعيفة
2- الأصول الهندية: ما عليهم كلام خدومين ومحترمين ومتآلفين مع السكان الاصليين ومستواهم المعيشي متفاوت لكن الاغلب ضعيفة واللي يعجبك فيهم انهم يفتخرون بأصولهم وولاؤهم وحبهم لماليزيا يقولك بكل فخر انا ماليزي من اصل هندي مش اللي عندنا (ما يصدق ياخذ الجنسية وكل شوي يقول انا (مواتن) ومحد يقدر يكلمه )
3- الاصول الصينية: طباعهم حادة وغير ودودين وشايفين نفسهم ما ادري على شنو (بخاطري اقول" تعالوا الامارات بنراويكم شلون تتكبرون عالناس لوووول" ) طبعا هذا راي شخصي والمفروض ما نعمم أما السبب فيعود لكونهم مسيطرين على التجارة في ماليزيا بشكل كبير وهم الطبقة الراقية هناك وأغلبهم يسكن في كولالمبور.

فرق التوقيت:

اربع ساعات قبلنا

مدة الرحلة :
أسبوعين

العدد:
شخصين

المخطط :

2 ليلة في سن وي لاقون - فندق صنواى لاجون ، Sunway Lagoon Hotel
2 ليلة في الكاميرون هاي لاند - فندق اكواتريال فى مرتفعات كاميرون Equatorial Cameron
3 ليالي في بينانج - فندق باى فيو بيتش ، Bayview Beach
3 ليالي في لانكاوي - فندق برجايا لنكاوى ، Berjaya Langkawi Resort
3 ليالي في كولالمبور - فندق جراند ملينيوم

هذا الموقع راح يفيدكم
http://www.daleel-malaysia.com/vb/forumdisplay.php?f=65

تكاليف الرحلة :

21 الف (تذاكر + فنادق) و 15 الف تقريبا مصروف الجيب (غير شامل لمصاريف الـ shopping)

ملاحظة :
1- اخترنا السفر عن طريق طيران الامارات ربما لثقتنا به وسهولة الاجراءات لكن الطيران الماليزي ارخص بما يقارب الف درهم لكل شخص وجربنا من سنوات الطيران بالماليزية وكانت خدمتهم جيدة لكن من وجهة نظر شخصيه الامارات افضل J
2- الحجز كان عن طريق شركة لكن لو تحجز لحالك بيطلع أقل

للحجز أون لاين
تذاكر:
طيران الامارات
http://www.emirates.com/

طيران الاتحاد:
http://www.etihadairways.com/sites/etihad/Pages/GatewayPage.aspx


الماليزية:
http://www.malaysiaairlines.com/splash.aspx

فنادق:
http://www.booking.com/
وغيرهم الكثير

نصائح عامة:

- أسعار الفنادق تختلف من موقع لآخر لذلك قبل الحجز خذ لك لفة عالمواقع واختار اللي يناسبك
- المواصلات في ماليزيا سهلة جدا ومتوافرة سواء للمسافات القريبة او البعيدة والتسعيرة ثابتة (ما عندهم نصب) ومرتبين جدا فماله داعي تحجز من الشركة لاننا اكتشفنا هناك انه الاسعار اقل بكثير (أكثر من النصف) >> الا لو كنت حابب تركب مرسيدس بدل التاكسي فهذا شي ثاني!
- تحويل العملة:- الافضل ان تحول العملة في ماليزيا (التحويل في المطارات مش لصالحك)
- قبل السفر شوف بعض التقارير الموجودة بالنت واستفيد من تجارب الناس واكتب الاماكن السياحية في كل منطقة راح اتزورها مع العلم بانه في كل مكان فيه مرشدين سياحيين وحتى التاكسي هناك مرشد سياحي!!
- والبقية راح تأتي في التقرير باذن الله

والآن بسم الله نبدأ

المطار:

الرحلة كانت الساعة عشر ونص الصبح ووصلنا مطار دبي تقريبا الساعة 8 انتهينا من الاجراءات بسرعة ومر الوقت بسرعة ونحن نتسوق في السوق الحرة (العطور عندهم غير!! عطر مكاليف يفرق تقريبا 300 درهم عن باريس غالاري ) واللي يضحك في قسم العطور تشوف الناس تدخل تتعطر وتظهر بدون ما تشتري شي !!!
وهذي بعض الصور :

السوق الحرة






لزوم الرحلة لووول





بعد ما خلصنا رحنا نعبي الكوبونات عل وعسى نفوز بالسيارة







وأخيرا دخلنا البوابه





الرحلة 6 ساعات واربعين دقيقة

الجزء الثاني يأتي قريبا ان شاء الله
وراح يكون عن اول محطة في ماليزيا
سن وي لاقون

[الأغين]

الجزء الثاني

وصلنا إلى مطار كولالمبور ليلا وبعد الانتهاء من الاجراءات توجهنا إلى الخارج وكانت السيارة في انتظارنا
وقبل لا نظهر من المطار شرينا بطاقات تلفون ب 50 رنجت وانا اقول والله بلادهم رخيصة (بعدين اكتشفنا انه برع المطار تنباع بعشرة رنجت فقط!!)

وتوجهنا بعدها إلى فندق سن واي لاقون والذي يبعد عن المطار تقريبا ساعة

الفندق 5 نجوم ورائع من حيث الخدمة والنظافة

صور للفندق

اللوبي



صور الغرفة



.
.



.
.

الميني بار



.
.

وعزكم الله الحمام



.
.

وهذا المسبح الخاص بالفندق



والجلسة جميله خصوصا في الصباح الباكر




وفي هالمكان الساعه 8 تقريبا يعني قبل لاتفتح الحديقة كان فيه احتفال ما ادري برنامج مسابقات فريقين ومصورين ومذيع صوته مزعج لووول




والساعة 10 صباحا فتحت الحديقة المائية
والأسعار تتفاوت حسب الألعاب
يعطونك ساعة وكل لون يدخلك لأماكن معينه
طبعا نحن خذنا الحديقة بالكامل اعتقد الشخص الواحد 90 رينجت

نصيحة:

بالنسبة للأطفال ماله داعي تاخذون لهم تذكرة الحديقة بالكامل لانهم في اغلب الاوقات في المسابح وهي للجميع والحريم بعد نفس الشي لانه الحديقة مائية واكثر الالعاب ما تنفع للمحجبات (مع انه الماليزيات يتسبحون بحجابهم!!! ) ، فيه بعض الالعاب عليها رسوم مثل سيارات السباق ويوجد مطاعم فلا تنسون تاخذون معاكم بيزات وايد ناس خذوا لوكرات وبعدين رجعوا لها عسب يشترون ماي >> طبعا نحن منهم لووول

اترككم مع صور الحديقة:
.
هذي اللعبه رهيبة انتوا بس اقعدوا عالكراسي وشوفوا منظر الناس وهي تنزل




يتبع

[الأغين]

وهذا المسبح احلى شي في الحديقة

مسبح موجي ومش عميق >> ينفع للصغار
وانا كنت اشوف لكبار مستانسين اكثر من اليهال

احلى حركة في هذا المسبح هذي

(1)

الناس تترقب!!!!!!!

(2)

الكل عينه على جدر السندباد
.
.

.
(3)

وفجـــــــــــــــــــــــــــأة

.
.

.
.

.
.

(4)

الناس تصرخ لكن ما تتحرك عاجبنها الوضع

.
.

(5)

الحريم قاعدين بالكراسي ويتمصخرون عالاوادم ويلتقطون الصور التذكارية لعيالهم

وفي الجهة الاخرى مسبح آخر للعب الكرة

وهذا المكان مخصص ايضا للأطفال ومرافقيهم

يتبع

[الأغين]

وهذا مكان يقولون انه تدليك الأسماك وهو منتشر في ماليزيا

أول ما تحط ريلك في الماي يهجم عليك السمك وكأنه مب شايف خير

وكل واحد يدخّل ريله تشوفه يضحك لانه السمك يدغدغ >> والكلام على ذمة صاحبه الحوض انه هالسمك يدلك الرجل وينشط الدورة الدموية وياكل الجلد الميت (وع!!)

صورة الحوض




وبعد جلسة التدليك المزعومة اكملنا المسير وهنيه صارت لنا قصة جميله حسستنا انه (خليجنا واحد لوول) لكن قبل اخليكم مع بعض مناظر الحديقة

.
.

.
.

.
.



.
.

بعدها توجهنا الى حديقة الحيوان التابعة للحديقة لكن قبل لا ندخل قلنا بطلب من المطعم شي خفيف وقبل استلام الطلب دورنا على البوك وما لقيناه!!!

داخل البوك 1000 رنجت والفيزتين (أهم شي) وبطاقة الفندق (مش مهمه!! لكن بعدين عرفنا انها مهمة!) والهويه اما بقية البطاقات فأخرجتها قبل لا نظهر الحديقة

قعدنا اندور وما لقينا شي قدمنا بلاغ عند المفقوداات والشرطة ما قصروا دوروا في كل مكان لكن ماشي فايدة اختفا البوك!!

هنيه قلنا خل نظهر بسرعه من الحديقة عسب نكلم البنك (حضراتنا بعد مب شالين تلفون!!) وبما انك من سكان الفندق مسموح لك تظهر من الحديقة وترجع تدخل مرة ثانيه

اول ما وصلنا الغرفة لقينا رساله على الباب من بنت سعوديه "الأخ فلان (طبعا هي عرفت الاسم من الهويه) البوك عندنا وكل الأغراض موجودة داخله !! اتصل على هذا الرقم #### " طبعا هالبنت ذكيه بصراحة أخوها لصغير شاف البوك وعطاه لأخته هي فتحت البوك شافت بطاقة الفندق راحت الرسيبشن وسألت عن رقم هالغرفة طبعا الفندق من باب الامان بندوا البطاقة اللي عندها واتصلنا بها ورجع لنا البوك بالسلامة!!

وبعدها رجعنا الحديقة والغينا البلاغ ودخلنا لحديقة الحيوان

اترككم مع الصور



.
.

شوفوا هذا شلون واقف والمصيبة انه ما يتحرك!!



.
.

وهنيه مكان الطاووس وبعض الطيور

وهذا واقف يأكل الطيور

قال تعالوا براويكم الطاووس

وبدا ينثر الحبوب!!



ونحن واقفين الطاووس يتكرم ويظهر ..
نتفاجأة بالأخت تربع وتهجم عالأكل!!



قلت لها خوزي مناك نحن نبي الطاووس تظهرين انتي !!

ورحنا عنها الجهة الثانية ولا نتفاجأ بان الطاووس ما يببي يظهر فطرش مرته تييب له الأكل




قلت نحن اللي ما عندنا سالفة ومعبرينك وحطيت الأكل للطير الأولي!!

يتبع

[الأغين]

وهذي صورة مخلوق غريب >> بصراحة تذكرت بقر فقلت لازم اصورها واحطها في المنتدى



ياعيني عالفن >> ماشاء الله علي طير بدون راس !!!




وهذي اللعبه اول ما شفتها قلت يا سلام لازم اجربها



وبعدين تروعت و غيرت رأيي!!



نكمل بقية حديقة الحيوان!!

هذا قسم ثاني



دخلت وشفت هالسبال واول ما شافني اصور طلع لسانه >> ما عنده مهذب!!



وبعدها لقسم المطاعم وطلبنا شي خفيف



عاد انا قلت يالله يالأغين يايه ماليزيا اطلبي لج شي من اكلهم !!
وطلبت شوربه على اساس انها اندومي وثمار البحر! والحرمة سألتني باي نكهة تبينها
قلت لها شدراني بأكلكم على ذوقج
قالت انا احب هذي قلت لها تم!! ابيها وما ابي غيرها

واكلت




بعد ما خلصت شوفوا شو شفت بالشوربه!!



ما ادري هذا دود ولا عومه!! المهم اني كلته لوووول

وانتهى اليوم على خير وبصراحة هالمكان ما يتعوض



وخرجنا من سن وي لاقون (يسمون المنطقة سنجلور) متوجهين الى الكاميرون هاي لاند
.
.



ملاحظة:
وايد ناس ما تحب التنقل بالسفر خصوصا العوايل لكبيرة بسبب كثرة الأغراض وغيره ممكن تسكن في كولالمبور وتطلع بسيارة للحديقة وهي مش بعيده لهالدرجة وبسهولة بتلاقي مواصلات!!
.
في شغله نسيت اقولها للناس اللي تهتم بالمساج والاسترخاء عندهم في هالفندق جلسة خيالية (يسمونها جلسه الاحلام) مدتها 3 ساعات فيها شغلات وايد مثل حمامات الزهور والاعشاب والزيوت العطرية + حمام الحليب+ بخار الافندر وبخار الاعشاب والسونا + جلستين مساج ماليزي وتايلاندي+ فيشل وسكراب + وفوت مساج وغيره ) المكان فيه خصوصية كل الاماكن الشخص لحاله ما عدا الفوت والهاند مساج في صاله للنساء فقط
السعر مع الضريبة يوصل 1000 درهم
,

صبوعي صارت تعورني من الطباعة باجر بكمل التقرير ان شاء الله

[بحر الثواني]

حمدالله على سلامتج ..
يا سلام على التقرير اختي الاغين كفيتي وفيتي ..
ونتريا باقي الصور من الرحلة ..

[الأغين]

حمدالله على سلامتج ..
يا سلام على التقرير اختي الاغين كفيتي وفيتي ..
ونتريا باقي الصور من الرحلة ..

ربي يسلمج

وشكرا لتواجدك الجميل

[%غمـــازة%]

[align=center]


مـا شاء الله

رحلة ولا أروع الصراحــة


خليتيني أحـس كأني كنت فالرحلـــة من روعة الصـور و التعليـق الحلو....


ربـي يحفظج الغاليـــة،، ولا تتأخريـن علينـا ،، نبى نشوف باقي الرحلـــة



[/align]

[الأغين]

[align=center]


مـا شاء الله

رحلة ولا أروع الصراحــة


خليتيني أحـس كأني كنت فالرحلـــة من روعة الصـور و التعليـق الحلو....


ربـي يحفظج الغاليـــة،، ولا تتأخريـن علينـا ،، نبى نشوف باقي الرحلـــة



[/align]

غمازة

شكرا لتواجدك الرائع

ربي يحفظج

[الأغين]

عودة مجددا للتقرير

الجــــــــــــــزء الثالث

(كاميرون هاي لاند)

مرتفعات الكاميرون من اروع مناطق ماليزيا بسبب برودة الطقس وطيبه أهلها واللي أغلبهم من السكان الأصلين وأكثر ما يميز الكاميرون مزارع الشاي التي تغطي اغلب مساحتها و حسب زعم (السايق) انها ارخص مكان لبيع الفواكة الطازجة والخضار والزهور ! > فعلا كانت رخيصه

وستلاحظ من خلال زيارتك ان أغلب المساكن على الطراز البريطاني والسبب يعود الى ان البريطانيين اثناء الاحتلال سكنوا في الكاميرون التي جوها وطبيعتها تشبه طبيعه اوروبا..! >> على ذمة السايق !

و بشكل عام البلد فقير إلا أن طيبة أهله وناسه تنسيك سوء الخدمات >> حسب تجربتي!!

طيب!!

نرجع لخط سير الرحلة

خرجنا من الفندق الساعة العاشرة وما شاء الله علينا بالضبط الساعة عشر نحن عند الباب لووول

السيارة كانت في انتظارنا ايضا بالموعد المحدد

طبعا مثل ما انتوا عارفين الواحد لما يظهر من الصبح اول ما يركب السيارة يدوخ على طول وانا قررت اني باخذها نومة طويله لانه الرحله 4 ساعات وزود ..

بعد ما ركبا بربع ساعة (السايق) قعد يبربر ليما انفجر راسي!!

قالي قصة الكاميرون كلها وكيف انه أهل الكاميرون من الأشخاص اللي ما حبوا حياة المدينة فقرروا انهم يرجعون لحياة الغابات وللحين عايشين بالغابات بنفس المساكن ونفس العادات السابقة!!

وتكلم عن التعليم ودور الحكومة الرائعة في نشر التعليم في الكاميرون !
والتعليم اصبح اجباري والحكومة تحاسب اللي يمنعون عيالهم من الذهاب الى المدارس
وتأتي لجنه تشوف حاله الطلاب المادية وتقدم المساعدات للمحتاج >> اللي فتح هالموضوع الغير متوقع انه مر جنب مدرسه!!

وقالي بكل فخر انه حكومتهم عشان تقنع المدرسين بالتدريس بالكاميرون صارت تدفع لهم زيادة على رواتبهم وتعطيهم مساكن طوال فترة تدريسهم >> بدون تعليق !!

هو يرمس وانا حاطة ايدي على خدي واتحسر على النومة !!

لكنه كان طيب ومحترم>> قصده يعرفنا على بلادهم أكثر وبصراحة اغلب المعلومات اللي قالها كانت بالنسبة لي معلومات جديدة!!

المهم

خلونا من سوالف السايق وسأبدا عرض الصور

اول مرة أشوف نخل بغابه >> مسكين النخل اللي عندنا يعيش بالصحراء

بداية الكاميرون >> عندهم كنتاكي وأظن انه الوحيد

وبعد ثلاث ساعات السايق شاف حالتنا وكيف تعبنا فقرر انه ينزلنا من السيارة عند السوق الشعبي والشلال على اساس انريح

السوق >> خذنا لفة وشرينا روبوتان (الربطة كاملة ب 3 رنجت لووول)

الشــــــــــــــــــــــــلال

الأوادم يسبحون ومبسوطين >> مسبح طبيعي !!

يتبع