أم عبيـــــر



هلا بج زود إختيــــــــــــــــه ..


- كيف تعرفتي ع المنتدى ؟!

الله يسلمكم ،، كل يوم و الثاني إختيه تبطل المنتدى من دون تسجيل دخول ،، بس جيه تشوف آخر الأخبار ،، لإن ها المنتدى ما شاء الله مب مقصر بأخبار رأس الخيمه ،، الله يعطيهم العافيه إدارته : ) ،، و أنا أشوف وياها ،، وياني فضول و حب استطلاع و أدش أشوف اليديد في قسم العدسه الشخصيه ،، لإني أحب التصوير ،، دشيت و بديت أشارك و أغلب وقتي كان فالعدسه الشخصيه ،، قطعت لفترة بظروف التخرج من الجامعه و ألحين رديت لإني فاضيـه ،، و حبيت المنتدى ،، و تعلقت فيه وايد ،، أول ما أبطل صفحة النت لازم أدش المنتدى ،، كنت مركزه ع قسم واحد عقب من التشجيع من جمن عضو قمت أشارك بأكثر من قسم


- شو الموقف المحرج الى مر عليج ؟!

الله يسلمكم في صيف 2005 سرت العمره الحمدالله و اعتمرت ..

استوا لي ها الموقف ولين يومكم الأهل يتذكرونه و يضحكون عليه


في يوم من الأيام قررنا نسير صوب الحجر الأسود .. و قلنا خله نسير ع الظهر .. عأساس ماشي زحمه .. المهم كالعاده ما شاء الله الناس ماليين المكان .. سرنا و تميت أنا آخر وحده ويا خالي ،، وصلت صوب الحجر بطلوع الروح و بعد معاناه ،، تميت تأملت فيه و بسته و خلصت يعني .. بس مب رايمه أقوم من صوبه لإن الناس كلهم صوبي *.* ! حتى أذكر الشرطي يقول لهم ( البنت بتموت خوزوا عنها عشان تتحرك >> ما أعرف أرمس سعودي ، و قلت لكم بما معناه هيهيهي ) ..

انزين و قلت خله أقوم و خلاص يعني طفح الكيل .. رديت بإيدي لورا عأساس أيود خالي و أتساند و أظهر ،، و جـــان @@

جـــــــــــــــــــــــــان ..




أمسك لحية بتاني

و أنا من الصدمه مب مستوعبه السالفه وتامه ميودتنها @.@

إلا أرد ورا و أطالعه و أجوفه و أنا ميوده لحيته @@

>> لين يومكم أذكر شكله يا حليله خخ ،،

و جـــــــــــان أصرخ و أشل إيدي ..

و خالي ناقع ضحك عليه حتى ودر إيدي من الضحك ،،

و قبل لا أدش الفندق الخبر و اصلنهم و واصل الأهل في الإمارات و اتصلوا قالوا لي أونه في بتاني مشتكي عليج و ما أدري شو و هم ناقعين ضحـــك هههههههههههه ،،


عاد لا تضحكون عليه مب زين


- شو أحلى موقف مر عليج ؟!

أول مره أشوف فيهـا الكعبـــــــــــه .. كان فعلا موقف في قمـة الروعــــــــه ..
لحظات إيمانيـــه جميلــــــه .. حتى لو كنت هلكان من التعب مجرد إنك تشوف الكعبـــــــــــه جدام عيونك كل التعب يروح .. و تحس براحة بال و طمأنيــــــــــــــــنه .. و بنفس الوقت الصلاه ورا الشيخ : السديـــــــس .. ربي يحفظه ..

الله يرزقنا العمره و الحج و يرزق جميع المسلمات و المسلمات يــــارب ..

- منو من الاعضاء تعيبج ردودهم ؟!

أعضــاء تعيبني ردودهم في قسم الحوار و المناقشـــه :

بنت الخليج ،، غصن الورد ،، فاقد إنسان ،، سري للغايه ،، صاحب التميـز ،، ẁĿĐźĂУỂĐ999 ،، أم الولــد ،، الأميره الناعسـه ،، الكلمات المتقاطعـه ،، أحمد النعيــمي ،، الأميره الحسناء ،، فارس بلا جواد ،، بو فيصل ،، رذاذ عبدالله ،، مختفــي ،، حرية الرأي ..

أعضاء تعيبني ردودهم و مواضيعهم الحصريه للأقسام الأخباريه :

سفير جلفار ،، راك بوي ،، حلو الأطباعي ،، عبدالله سالم الشميلي ،، المزكي ..

أعضاء تعيبني ردودهم و متابعتهم لقسم العدسه الشخصيه :

شباصه منقصه ،، بوس خور خوير ،، هامور صغيـر ،، عاشقة القمم ،، غمــــازه ،، خياله ،، راقي ،، القلب الكبير ،، ميمي فلاحيه ،، متسلق الجبال ،، بو عواف ،، Mr . WiI ،، عشقي الرمس ،، عبدالله حسن الفارسي ،، moon 2090 ،، راك بوي ،، سفير جلفار ،، alshamsi.me ،، Lo0nley_ Girl ،، ع الدرمكي ،، TAMY ،، وادي الخليج ،، الوحداني المجروح ،، لحن المفارق ،، شموخ العز ،، بنت الفجيـره ،، غاية المنـى ،، منطوق قلبي ،، عالية المقـام ،، إمرأه لا تنسـى ،، الدلع من شراتي : )|~

وايـــد أعضــاء و السموحه ع القصـور و لو نسيت حــد


أفا عليــــــــج مسموحه بالحـــــــل .. و مرحبا بج في أي وقــــــــــت ..