ريوقنا اليوم خبز جباب بالجبن والزعتر والعسل
سامحوني عالتصوير اذا مب واضح لاني صورته من الموبايل
المقادير
جيلة طحين رقم 1 منخول + ذرة ملح + 6 ملاعق نيدو + فنجان شكر
خميرة فورية + بيضتين + فانيليا بودرة + هيل + زعفران + ماي للعجين
الطريقة
نخلط المقادير كلها مع بعض لين تتكون عندنا عجينه سائلة
وخليها تختمر لمده ساعتين
هاتي الطابي مال خبز الخمير او تاوة تيفال . عسب ما تستخدمين الزيت
اخلطي العجينه زين بملعقة كبيرة ,, واخذي منها وصبيها عالتاوة بشكل دائري
هذا شكلها بعد ما صبيتها عالتاوة __ اصبري عليها لين تطلع النقط , وعقب اقلبيها
وهذا شكلها بعد ما قلبتها _ خليها تستوي على نار هااادية
هذي صورة الخبز بعد ما خلصتة
هذا الخبز يوم حطيت عليه جبن كرافت وزعتر
هذي الصورة النهائية للجباب بعد ما حطيت فوقه عسل
وبالعافيه عليكم
رد مع اقتباس